Enatovasacpoc sat co Damasco
1 Apquillhenacpec co Damasco yavamlha cotnejic: Comascoc sat apvisay tingma Damasco, etniclhac sat mayicjescama mataymong.
2 Eyinyovacpoc sat as tingma, cotnejic sat apquileyvomaclha najan apquilyinatamaclha apnatoscama.
3 Mepqui tingma sat eltimjic Israel, apquilvisay mayayoclha nipyesicsa Israel. Tingma Damasco yoclhilhma Siria, comascoc sat aptimem apvisqui maa — alhta aptomjac Visqui ingac.
Apquiltemaclha apancaoc israelitas
4 Comascoc sat apquilyimnatem co Samaria, apquiltomja apquilmolhama Israel, comascoc sat actemaclha mayayoclha.
5 Elvomsacpoc sat tap apquilaymomap. Colhojoc sat enlhit apyatemenma apquimjaclha trigo, enatjetic sat apquilpilhtetem. Elansiclhac sat trigo apyilhna payjoc amyip Refaim.
6 Colvitalhcac sat acyilhna alaymomalhca. Elticpam sat yamit olivo, copalamoc sat anit acyilhna alaymomalhca nitno. Copalamoc sat cuatro o cinco acyilhna actingaoc coning. Eycaso appayvam apanco Visqui ingac.
7 Eltingyac sat enlhitaoc Dios Visqui ingac apyimtalhnamo najan Santo mayayo nipyesicsa Israel.
8 Meltingyejec sat mocjam quilaycmasquiscama najan altares apquilvatnamaclha apquillanay mataa enlhit apanco, meltingyejec sat mataa quilaycmasquiscama allanomalhca yamit, meltingyejec sat mocjam altares apquilvatnamaclha asoc acmasis macmescama quilaycmasquiscama.
9 Nalhit acnim sat cotnejic, elyinyovacpoc sat tingma apquilyimnatem, apquilno tingma apquilyamasma enlhitaoc heveos najan amorreos, ayinyema apquilay napatavo israelitas, cotniclhac sat maa yoclhilhma actamopeycaoc.
10 Quellhip israelitas, inquilvoncacmec quellhip Dios singvomquiscama tap najan singmasma. Apquilquinaclhec quellhip amyip ayitcoc altamila, apquilquinayclha plantas payjoc acyitnamaclha quilaycmasquiscama acyitsomalhca dios.
11 Apquiltamilcasquic quellhip actic ayenomalhca, coticteypoc sat secaseclha. Pilapcasquic acvaa ningmasquem najan asoc acmasom, cotsapoc sat acyilhna.
12 ¡Quip elaylhojo! Apquililhyacmec enlhitaoc appintalhnama, malha ayilhtingyavoyam yingmin acvanyam. Apquililpalhamam enlhitaoc lhalhma anco, malha ayilhtingyavoyam yingmin acvanyam intomjac.
13 Apquilinyajamquic mataa, apquillinga inlhojo appayvam Dios Visqui ingac. Malha acyilhna ayimpeoc acsoycam alhcajayam mocjay intomjac, malha yatepiyam acvisay huracán.
14 Avanjec ningilay singiltovascama actalhnam, comascoc ningvitay acmasom secaseclha. Comascoc sat apquileyvam apquilmapsomcaa singiltovascama nincoo — nic nat aptomjac profeta.
Enatovasacpoc sat co Damasco
1 Apquillhenacpec co Damasco yavamlha cotnejic: Comascoc sat apvisay tingma Damasco, etniclhac sat mayicjescama mataymong.
2 Eyinyovacpoc sat as tingma, cotnejic sat apquileyvomaclha najan apquilyinatamaclha apnatoscama.
3 Mepqui tingma sat eltimjic Israel, apquilvisay mayayoclha nipyesicsa Israel. Tingma Damasco yoclhilhma Siria, comascoc sat aptimem apvisqui maa — alhta aptomjac Visqui ingac.
Apquiltemaclha apancaoc israelitas
4 Comascoc sat apquilyimnatem co Samaria, apquiltomja apquilmolhama Israel, comascoc sat actemaclha mayayoclha.
5 Elvomsacpoc sat tap apquilaymomap. Colhojoc sat enlhit apyatemenma apquimjaclha trigo, enatjetic sat apquilpilhtetem. Elansiclhac sat trigo apyilhna payjoc amyip Refaim.
6 Colvitalhcac sat acyilhna alaymomalhca. Elticpam sat yamit olivo, copalamoc sat anit acyilhna alaymomalhca nitno. Copalamoc sat cuatro o cinco acyilhna actingaoc coning. Eycaso appayvam apanco Visqui ingac.
7 Eltingyac sat enlhitaoc Dios Visqui ingac apyimtalhnamo najan Santo mayayo nipyesicsa Israel.
8 Meltingyejec sat mocjam quilaycmasquiscama najan altares apquilvatnamaclha apquillanay mataa enlhit apanco, meltingyejec sat mataa quilaycmasquiscama allanomalhca yamit, meltingyejec sat mocjam altares apquilvatnamaclha asoc acmasis macmescama quilaycmasquiscama.
9 Nalhit acnim sat cotnejic, elyinyovacpoc sat tingma apquilyimnatem, apquilno tingma apquilyamasma enlhitaoc heveos najan amorreos, ayinyema apquilay napatavo israelitas, cotniclhac sat maa yoclhilhma actamopeycaoc.
10 Quellhip israelitas, inquilvoncacmec quellhip Dios singvomquiscama tap najan singmasma. Apquilquinaclhec quellhip amyip ayitcoc altamila, apquilquinayclha plantas payjoc acyitnamaclha quilaycmasquiscama acyitsomalhca dios.
11 Apquiltamilcasquic quellhip actic ayenomalhca, coticteypoc sat secaseclha. Pilapcasquic acvaa ningmasquem najan asoc acmasom, cotsapoc sat acyilhna.
12 ¡Quip elaylhojo! Apquililhyacmec enlhitaoc appintalhnama, malha ayilhtingyavoyam yingmin acvanyam. Apquililpalhamam enlhitaoc lhalhma anco, malha ayilhtingyavoyam yingmin acvanyam intomjac.
13 Apquilinyajamquic mataa, apquillinga inlhojo appayvam Dios Visqui ingac. Malha acyilhna ayimpeoc acsoycam alhcajayam mocjay intomjac, malha yatepiyam acvisay huracán.
14 Avanjec ningilay singiltovascama actalhnam, comascoc ningvitay acmasom secaseclha. Comascoc sat apquileyvam apquilmapsomcaa singiltovascama nincoo — nic nat aptomjac profeta.
