Actomjaclha nelha apquileyvam Israel
1 Aptomjac alhta Dios Apyimtalhnamo: Apquilyimtalhnamo alhta apquilmolhama Efraín. Apquilyajaclhoc alhta enlhitaoc Israel, apquillinga inlhojo apquilpayvam apquilanama Efraín. Apquilitsepquic alhta apquilmolhama Efraín, ayinyema apquilsilhnanomap apanco, apquiltemaclha apquilayo quilaycmasquiscama Baa.
2 Apquilyiplovcasquic mocjam, mepqui apquilvatseycaoc apquiltemaclha apancaoc. Apquillanac mataa quilaycmasquiscama ayinyema plata, acno aclhanma apquilvalhoc apquillaney apanco. Apquiltomjac alhta apquilanya: Eltingyasquis asoc macmescama quilaycmasquiscama — alhta apquiltomjac. Apquiltimec mataa apquilayo quilaycmasquiscama vayqui inquinavo, acyiplomo apquilpitsisma.
3 Apquilyitsomacpec as enlhitaoc tiyam etin ningvitay alhtoo. Malha yalya alhtoo ningvitay acyavataclhojo. Malha actic ayimpeoc ningimposcay, acsoycam alhcajayam. Malha etin acvonquepma — nic nat aptomjac profeta.
4 Aptomjac alhta Dios Apyimtalhnamo: Coo sicvisay Dios Visqui apancaoc, siclhoc nat ayenmo apquilyamasma quellhip yoclhilhma Egipto. Sicvamlha coo, mepqui poc Dios. Sicvamlha coo sicvomquiscama tap quellhip, paj poc.
5 Sicvamlha coo sictamilquiscama alhta najan sicmasma alhta quellhip yoclhilhma actamopeycaoc.
6 Apquillhocac alhta aptoycaoc acvaycmo ayastingam. Yiplovcoc alhta ayajamalhco apquilvalhoc. Inquilvoncacmec alhta sicvisay.
7 Olhojoc sat coo asoc navjac aclom, malha yamacmeyva, malha niptana apquiljalhanma nalhma nicja amay, sat otnejic.
8 Olamyilhamcoc sat quellhip malha oso navjac aclom atamsama ayitcavoc. Ongvajic sat mataa enlhit naysicsa siclom. Malha yamacmeyva sat olnapoc enlhit, malha asoc navjac aclom osavojoc silnapma enlhit.
9 Quellhip apquilmolhama Israel, onatovacsic sat quellhip mepqui seyinmelhaycam poc.
10 ¿Co laa apnaclha apvisqui apancaoc quellhip? ¿Co laa apna apquilmasma quellhip tingma apquilvanyam? ¿Co laa apnaycam apquilyimtalhnamo, apquilanyomap eltingyasquisic apvisqui najan yatapquilviscaa?
11 Actingyascasquic alhta naysicsa siclom lhama enlhit etnejic apvisqui apancaoc. Acyinyovcasquic alhta naysicsa siclom apvisqui nipyesicsa quellhip.
12 Yitnec actalhesamalhca vaycajac apquiltemaclha apancaoc apquilmolhama Efraín. Mepqui alvoncayam melyascalhma apancaoc.
13 Apquilyitsacpec enlhitaoc Israel sicaa yoyam etyamoc. Paj eyasamcoc sicaa avalhoc inquin, yavamlha etnejic yoyam etyamoc.
14 ¿Coo ya olmeyvoc, yoyam melitsepejec enlhitaoc? Momyovejec sat coo. ¿Coo ya olmeyvoc, yoyam melvomejec sat alyascamaclha ingjangaoc? Momyovejec sat coo. Naso, acmovan innac ningitsepma, elitsapoc sat maa. Acmovan innac malhic, elatoynacpoc sat maa. Coo ayinyema mepqui sicmasma enlhitaoc, elmasquingvomoc sat.
15 Apquilyitsomacpec apquilmolhama Israel panatem ilhnamoc. Covac sat alhcajayam acvanyam ayinyema yoclhilhma actamopeycaoc. Coymac sat acyitnamaclha yingmin najan actiyapmaclha yingmin. Ellanac sat apquilimpocjay cotnaja ingmoc, elminyilhic sat asoc acmamnave.
16 Ellingamcojoc sat acyanmongayclha apquiltemaclha apancaoc co Samaria, ayinyema apquilinmelhaycam Dios. Eticyoc sat naysicsa apquilimpocjay. Coticyoc sat sicaa alyinjamalhca nalhpop. Colhic sat alpalhcata avalhaoc quilvana nalava — alhta aptomjac Dios — nic nat aptomjac profeta.
Actomjaclha nelha apquileyvam Israel
1 Aptomjac alhta Dios Apyimtalhnamo: Apquilyimtalhnamo alhta apquilmolhama Efraín. Apquilyajaclhoc alhta enlhitaoc Israel, apquillinga inlhojo apquilpayvam apquilanama Efraín. Apquilitsepquic alhta apquilmolhama Efraín, ayinyema apquilsilhnanomap apanco, apquiltemaclha apquilayo quilaycmasquiscama Baa.
2 Apquilyiplovcasquic mocjam, mepqui apquilvatseycaoc apquiltemaclha apancaoc. Apquillanac mataa quilaycmasquiscama ayinyema plata, acno aclhanma apquilvalhoc apquillaney apanco. Apquiltomjac alhta apquilanya: Eltingyasquis asoc macmescama quilaycmasquiscama — alhta apquiltomjac. Apquiltimec mataa apquilayo quilaycmasquiscama vayqui inquinavo, acyiplomo apquilpitsisma.
3 Apquilyitsomacpec as enlhitaoc tiyam etin ningvitay alhtoo. Malha yalya alhtoo ningvitay acyavataclhojo. Malha actic ayimpeoc ningimposcay, acsoycam alhcajayam. Malha etin acvonquepma — nic nat aptomjac profeta.
4 Aptomjac alhta Dios Apyimtalhnamo: Coo sicvisay Dios Visqui apancaoc, siclhoc nat ayenmo apquilyamasma quellhip yoclhilhma Egipto. Sicvamlha coo, mepqui poc Dios. Sicvamlha coo sicvomquiscama tap quellhip, paj poc.
5 Sicvamlha coo sictamilquiscama alhta najan sicmasma alhta quellhip yoclhilhma actamopeycaoc.
6 Apquillhocac alhta aptoycaoc acvaycmo ayastingam. Yiplovcoc alhta ayajamalhco apquilvalhoc. Inquilvoncacmec alhta sicvisay.
7 Olhojoc sat coo asoc navjac aclom, malha yamacmeyva, malha niptana apquiljalhanma nalhma nicja amay, sat otnejic.
8 Olamyilhamcoc sat quellhip malha oso navjac aclom atamsama ayitcavoc. Ongvajic sat mataa enlhit naysicsa siclom. Malha yamacmeyva sat olnapoc enlhit, malha asoc navjac aclom osavojoc silnapma enlhit.
9 Quellhip apquilmolhama Israel, onatovacsic sat quellhip mepqui seyinmelhaycam poc.
10 ¿Co laa apnaclha apvisqui apancaoc quellhip? ¿Co laa apna apquilmasma quellhip tingma apquilvanyam? ¿Co laa apnaycam apquilyimtalhnamo, apquilanyomap eltingyasquisic apvisqui najan yatapquilviscaa?
11 Actingyascasquic alhta naysicsa siclom lhama enlhit etnejic apvisqui apancaoc. Acyinyovcasquic alhta naysicsa siclom apvisqui nipyesicsa quellhip.
12 Yitnec actalhesamalhca vaycajac apquiltemaclha apancaoc apquilmolhama Efraín. Mepqui alvoncayam melyascalhma apancaoc.
13 Apquilyitsacpec enlhitaoc Israel sicaa yoyam etyamoc. Paj eyasamcoc sicaa avalhoc inquin, yavamlha etnejic yoyam etyamoc.
14 ¿Coo ya olmeyvoc, yoyam melitsepejec enlhitaoc? Momyovejec sat coo. ¿Coo ya olmeyvoc, yoyam melvomejec sat alyascamaclha ingjangaoc? Momyovejec sat coo. Naso, acmovan innac ningitsepma, elitsapoc sat maa. Acmovan innac malhic, elatoynacpoc sat maa. Coo ayinyema mepqui sicmasma enlhitaoc, elmasquingvomoc sat.
15 Apquilyitsomacpec apquilmolhama Israel panatem ilhnamoc. Covac sat alhcajayam acvanyam ayinyema yoclhilhma actamopeycaoc. Coymac sat acyitnamaclha yingmin najan actiyapmaclha yingmin. Ellanac sat apquilimpocjay cotnaja ingmoc, elminyilhic sat asoc acmamnave.
16 Ellingamcojoc sat acyanmongayclha apquiltemaclha apancaoc co Samaria, ayinyema apquilinmelhaycam Dios. Eticyoc sat naysicsa apquilimpocjay. Coticyoc sat sicaa alyinjamalhca nalhpop. Colhic sat alpalhcata avalhaoc quilvana nalava — alhta aptomjac Dios — nic nat aptomjac profeta.
