Dios Apquitca aptomja singiltimnasayclha aplhanma Dios
1 Appamejitcasquic nic nat mataa Dios aclhamoclhojo actemaclha. Appamejitcasquic nic nat Dios profeta yoyam ellingacsic appayvam nipyesicsa ningilyeyjamcaa. 2 Quilhvoc actomjaclha nelha ningvamlha nac jay Dios aptomja appamejitquiscama Apquitca yoyam jingilingacsic appayvam. Apquillanac nic nat Dios aclhamoclhojo asoc, ayinyema apquillanesquiscama Apquitca. Apquiltamjoc Dios yoyam emiclha Apquitca aclhamoclhojo asoc. 3 Apquitca aptomja malha laneyo intalhamavo yoyam ongvita gloria ayitsayolhma apanco Dios. Innoc moc aptemaclha Apquitca najan aptemaclha Dios. Acmovan innac appayvam Apquitca, aptomja apcanama aclhamoclhojo asoc netin najan nalhpop. Apquitca ayinyema yoyam colmascosalhca mongilyascalhma. Quilhvoc apna netin apnaclha Dios apyimtalhnamo, napocja actamilaclha.
Dios Apquitca aptomja apyimtalhnamo, am elhnoc ángeles
4 Apyimtalhnamo apanco Apquitca, am elhnoc ángeles. Aplhocac alhta apvisay actamila anco, am colhnoc apquilvisay ángeles. 5 Am nic nat elhenacpoc ángel naysicsa aplhanma Dios:
Lhip aptomja sictamongvoyam.
Actimescasquic lhip sictamongvoyam acnim nac jay
—nic nat aptomjac. Am nic nat elhenacpoc ángel naysicsa aplhanma Dios:
Coo sat otnejic apyap.
Sictamongvoyam sat otnejic coo
—nic nat aptomjac.
6 Apyantementac sat ancoc Dios yoyam evotac Apquitca as nalhpop apvisay siclha acvitay. Aplhenquic nic nat:
Elpayicsojoc sat Sictamongvoyam aplhamoclhojo ángeles
—nic nat aptomjac.
7 Apquillhenacpec nic nat ángeles:
Dios aptimesquiscama malha lhcajayam ángeles apquiltomja apquilasinancama.
Malha talha alayvom aptimesquiscama apquilancam
—nic nat intomjac apquillhenacpo.
8 Aptomjac nic nat Dios aplhena Apquitca:
Lhip Dios aptomja Apvisqui. Netin aptajanem cotmongvoycamlha nelha.
Lhip aptomja Apvisqui appeyvomo.
9 Apyispaquic alhta lhip actemaclha acpeyvomo.
Aptanovquic alhta lhip actemaclha acmasom.
Lhip Dios, eycaso ayinyema Apyap lhip Visqui pac,
aptomja acyiviy appayesayclha lhip apvalhoc,
am colhno appayesayclha apquilvalhoc apnaymacoc.
10 Moc najan:
Lhip Visqui, lhip nic nat apquillanay siclhoc anco as nalhpop.
Lhip nic nat apquillanay netin.
11 Comascoc sat netin najan as nalhpop.
Memasquingvomejec sat lhip cotmongvoycamlha nelha.
Cocpilcalhcac sat netin najan nalhpop malha apava apjapac.
12 Epatjapiclhac sat lhip netin najan nalhpop,
malha appatjapayclha apcalomap sat cotnejic.
Malha ningyamoncaseyclha poc nintalhnama sat cotnejic.
Meyamoncasiclhejec sat mataa lhip moc aptemaclha.
Comasquingvomejec sat acyimnatem apnenyic lhip cotmongvoycamlha nelha
—nic nat aptomjac Dios.
13 Am nic nat etnajac Dios ingyanic lhama ángel:
Ilhnata nejicja actamilaclha, acvocmo sicsovjom cotnaja ingmoc,
apquiltoyam sat etnejic lhip
—nic nat aptomjac Dios apcanya Apquitca.
14 Aplhamoclhojo ángeles apquiltomja Dios apquilancam mongvitay nincoo. Apquiltomja apquilapajasomap yoyam elpasmoc enlhitaoc, yoyam elvomsacpoc tap.
Dios Apquitca aptomja singiltimnasayclha aplhanma Dios
1 Appamejitcasquic nic nat mataa Dios aclhamoclhojo actemaclha. Appamejitcasquic nic nat Dios profeta yoyam ellingacsic appayvam nipyesicsa ningilyeyjamcaa. 2 Quilhvoc actomjaclha nelha ningvamlha nac jay Dios aptomja appamejitquiscama Apquitca yoyam jingilingacsic appayvam. Apquillanac nic nat Dios aclhamoclhojo asoc, ayinyema apquillanesquiscama Apquitca. Apquiltamjoc Dios yoyam emiclha Apquitca aclhamoclhojo asoc. 3 Apquitca aptomja malha laneyo intalhamavo yoyam ongvita gloria ayitsayolhma apanco Dios. Innoc moc aptemaclha Apquitca najan aptemaclha Dios. Acmovan innac appayvam Apquitca, aptomja apcanama aclhamoclhojo asoc netin najan nalhpop. Apquitca ayinyema yoyam colmascosalhca mongilyascalhma. Quilhvoc apna netin apnaclha Dios apyimtalhnamo, napocja actamilaclha.
Dios Apquitca aptomja apyimtalhnamo, am elhnoc ángeles
4 Apyimtalhnamo apanco Apquitca, am elhnoc ángeles. Aplhocac alhta apvisay actamila anco, am colhnoc apquilvisay ángeles. 5 Am nic nat elhenacpoc ángel naysicsa aplhanma Dios:
Lhip aptomja sictamongvoyam.
Actimescasquic lhip sictamongvoyam acnim nac jay
—nic nat aptomjac. Am nic nat elhenacpoc ángel naysicsa aplhanma Dios:
Coo sat otnejic apyap.
Sictamongvoyam sat otnejic coo
—nic nat aptomjac.
6 Apyantementac sat ancoc Dios yoyam evotac Apquitca as nalhpop apvisay siclha acvitay. Aplhenquic nic nat:
Elpayicsojoc sat Sictamongvoyam aplhamoclhojo ángeles
—nic nat aptomjac.
7 Apquillhenacpec nic nat ángeles:
Dios aptimesquiscama malha lhcajayam ángeles apquiltomja apquilasinancama.
Malha talha alayvom aptimesquiscama apquilancam
—nic nat intomjac apquillhenacpo.
8 Aptomjac nic nat Dios aplhena Apquitca:
Lhip Dios aptomja Apvisqui. Netin aptajanem cotmongvoycamlha nelha.
Lhip aptomja Apvisqui appeyvomo.
9 Apyispaquic alhta lhip actemaclha acpeyvomo.
Aptanovquic alhta lhip actemaclha acmasom.
Lhip Dios, eycaso ayinyema Apyap lhip Visqui pac,
aptomja acyiviy appayesayclha lhip apvalhoc,
am colhno appayesayclha apquilvalhoc apnaymacoc.
10 Moc najan:
Lhip Visqui, lhip nic nat apquillanay siclhoc anco as nalhpop.
Lhip nic nat apquillanay netin.
11 Comascoc sat netin najan as nalhpop.
Memasquingvomejec sat lhip cotmongvoycamlha nelha.
Cocpilcalhcac sat netin najan nalhpop malha apava apjapac.
12 Epatjapiclhac sat lhip netin najan nalhpop,
malha appatjapayclha apcalomap sat cotnejic.
Malha ningyamoncaseyclha poc nintalhnama sat cotnejic.
Meyamoncasiclhejec sat mataa lhip moc aptemaclha.
Comasquingvomejec sat acyimnatem apnenyic lhip cotmongvoycamlha nelha
—nic nat aptomjac Dios.
13 Am nic nat etnajac Dios ingyanic lhama ángel:
Ilhnata nejicja actamilaclha, acvocmo sicsovjom cotnaja ingmoc,
apquiltoyam sat etnejic lhip
—nic nat aptomjac Dios apcanya Apquitca.
14 Aplhamoclhojo ángeles apquiltomja Dios apquilancam mongvitay nincoo. Apquiltomja apquilapajasomap yoyam elpasmoc enlhitaoc, yoyam elvomsacpoc tap.
