Apquiltemaclha co Egipto
1 Vocmec nic nat doce acnim, najan décimo piltin, najan décimo año ningmomalhca nincoo. Aptomjac alhta Visqui ingac seyanya coo: 2 Lhip enlhit, ilngas sat lhip sicpayvam aplhenacpo apvisqui faraón co Egipto najan apyovoclhojo egipcios. 3 Itne sat lhip:
Eycaso appayvam ayinyema Visqui ingac: Quellhip apquiltomjayclho cotnaja ingmoc apvisqui faraón najan egipcios. Apquilyitsomacpo quellhip sinavocpo congne yingmin vatsam Nilo. Apquiltomjac mataa quellhip: Nincoo inganco vatsam, nincoo alhta ningillanay vatsam Nilo.
4 Yitnec coo asoc jalhem, otnejic sat coning atong sinavocpo, olcoc sat nayingmin. Colyiplantac sat acyovoclhojo quilasma ayitcoc alyipitcay ayimpeoc. Tingyey quilasma sat cotnejic sicliclama sinavocpo acyiplomo quilasma alyipitcay ayimpeoc.
5 Otlhajac sat yoclhilhma actamopeycaoc, acyiplomo quilasma aleyvam congne yingmin. Colpalamoc sat amyip mepqui yingmin, coltaclhamcoc najan coltovamcoc sat asoc navjac aclom. Paj enlhit maa, yoyam elatoynic maa.
6 Jelyicpilcangvomoc sat apyovoclhojo co Egipto sicvisay Visqui apancaoc. Apquiltingyac alhta israelitas, yoyam elpasingvota egipcios. Paj alhta elpasmac, apquilyitsomacpo alhta yamamoc acvinatem. 7 Apquilmec siclho yamamoc apquileneycam inquintec alhta, inyimsasquic alhta apyimpeoc apquiltomja apquilmaycam, apquilyaninquic alhta — alhta aptomjac.
8 Actomjac coo silanya quellhip: Elimpocjac sat cotnaja ingmoc nipyesicsa quellhip, eticyoc sat enlhitaoc najan apnatoscama. 9 Cotniclhac sat yoclhilhma actamopeycaoc apquileyvomaclha. Jelyicpilcangvomoc sat sicvisay Visqui apancaoc. Apquiltomjac alhta apquilpayvam quellhip: Nincoo ningillanay vatsam Nilo — alhta apquiltomjac quellhip. 10 Ongvinmelham sat quellhip najan vatsam Nilo, otvacsic sat yoclhilhma cotniclhac sat yoclhilhma actamopeycaoc, ayenmo tingma Migdol acvaycmo tingma Asuán acvaycmo nicja yoclhilhma Etiopía. 11 Melvitacpejec sat enlhit as yoclhilhma, paj najan asoc navjac, acvaycmo cuarenta años. 12 Quellhip co Egipto, cotnejic sat cuarenta años mepqui enlhit as yoclhilhma actamopeycaoc, najan tingma apnatovasomap. Elilhpansacpoc sat enlhit yoclhilhma cotnajaclha apquilaoclha, nipyesicsa metnaja israelitas, eltimjic sat apquilmomap.
13 Eycaso sicpayvam sicvisay Visqui: Natamin cuarenta años ongvansiclhac sat mocjam egipcios apquilhpanyam moc yoclhilhma. 14 Elvotac sat mocjam egipcios apquilmomap, yoyam elhnam sat nipiyam as yoclhilhma, actomjaclha apquilaoclha nano, mepqui mataa apquilyimnatem. 15 Eltimjic sat mocjam mepqui apquilyimtalhnamo najan mepqui apquilyimnatem nipyesicsa metnaja israelitas. Colapvanquejec elimpocjac mocjam poc enlhitaoc apquileyvam moc yoclhilhma. 16 Elyascomoc sat mataa israelitas apquiltemaclha apquilmopvan co Egipto, yoyam elpasingvota. Melsilhnanacpejec sat mocjam israelitas. Jelyicpilcangvomoc sat sicvisay Visqui apancaoc — alhta aptomjac.
17 Vocmec alhta lhama acnim (primero) najan piltin primero, najan año veintisiete. Aptomjac alhta Visqui ingac seyanya coo: 18 Apvisqui co Babilonia apvisay Nabucodonosor. Apquillhalhmaa singilpilhtetemo apancaoc, yoyam elimpocjac tingma Tiro. Apquilvocjac siclho tingma, apquillanay aclhamoclhojo apquiltamjaycam naysicsa apquilvascapma, eyca mepqui acyanmongam apvisqui, najan mepqui acyanmongam singilpilhtetemo. 19 Naso coo sicpayvam sicvisay Visqui apancaoc: Elimpocjac sat Nabucodonosor najan singilpilhtetemo nipyesicsa co Egipto, elnatamoc sat apquilnatam najan acyovoclhojo asoc. Cotnejic sat acyanmongam apquiltamjaycam siclho tingma Tiro. 20 Naso coo siyapajascama Nabucodonosor, elimpocjac Egipto, elnatamoc apquilnatam, acyanmongam apquiltamjaycam tingma Tiro, malha seltimesaycam alhta apquiltomjac. Eycaso siclhanma coo sicvisay Visqui apancaoc — alhta aptomjac.
21 Nalhit acnim sat cotnejic. Coyangvomoc sat apquilyimnatem israelitas. Lhip Ezequiel etnejic sat mocjam aplingascama sicpayvam mepqui apcay. Jelyicpilcangvomoc sat enlhitaoc sicvisay Visqui apancaoc — alhta aptomjac.
Apquiltemaclha co Egipto
1 Vocmec nic nat doce acnim, najan décimo piltin, najan décimo año ningmomalhca nincoo. Aptomjac alhta Visqui ingac seyanya coo: 2 Lhip enlhit, ilngas sat lhip sicpayvam aplhenacpo apvisqui faraón co Egipto najan apyovoclhojo egipcios. 3 Itne sat lhip:
Eycaso appayvam ayinyema Visqui ingac: Quellhip apquiltomjayclho cotnaja ingmoc apvisqui faraón najan egipcios. Apquilyitsomacpo quellhip sinavocpo congne yingmin vatsam Nilo. Apquiltomjac mataa quellhip: Nincoo inganco vatsam, nincoo alhta ningillanay vatsam Nilo.
4 Yitnec coo asoc jalhem, otnejic sat coning atong sinavocpo, olcoc sat nayingmin. Colyiplantac sat acyovoclhojo quilasma ayitcoc alyipitcay ayimpeoc. Tingyey quilasma sat cotnejic sicliclama sinavocpo acyiplomo quilasma alyipitcay ayimpeoc.
5 Otlhajac sat yoclhilhma actamopeycaoc, acyiplomo quilasma aleyvam congne yingmin. Colpalamoc sat amyip mepqui yingmin, coltaclhamcoc najan coltovamcoc sat asoc navjac aclom. Paj enlhit maa, yoyam elatoynic maa.
6 Jelyicpilcangvomoc sat apyovoclhojo co Egipto sicvisay Visqui apancaoc. Apquiltingyac alhta israelitas, yoyam elpasingvota egipcios. Paj alhta elpasmac, apquilyitsomacpo alhta yamamoc acvinatem. 7 Apquilmec siclho yamamoc apquileneycam inquintec alhta, inyimsasquic alhta apyimpeoc apquiltomja apquilmaycam, apquilyaninquic alhta — alhta aptomjac.
8 Actomjac coo silanya quellhip: Elimpocjac sat cotnaja ingmoc nipyesicsa quellhip, eticyoc sat enlhitaoc najan apnatoscama. 9 Cotniclhac sat yoclhilhma actamopeycaoc apquileyvomaclha. Jelyicpilcangvomoc sat sicvisay Visqui apancaoc. Apquiltomjac alhta apquilpayvam quellhip: Nincoo ningillanay vatsam Nilo — alhta apquiltomjac quellhip. 10 Ongvinmelham sat quellhip najan vatsam Nilo, otvacsic sat yoclhilhma cotniclhac sat yoclhilhma actamopeycaoc, ayenmo tingma Migdol acvaycmo tingma Asuán acvaycmo nicja yoclhilhma Etiopía. 11 Melvitacpejec sat enlhit as yoclhilhma, paj najan asoc navjac, acvaycmo cuarenta años. 12 Quellhip co Egipto, cotnejic sat cuarenta años mepqui enlhit as yoclhilhma actamopeycaoc, najan tingma apnatovasomap. Elilhpansacpoc sat enlhit yoclhilhma cotnajaclha apquilaoclha, nipyesicsa metnaja israelitas, eltimjic sat apquilmomap.
13 Eycaso sicpayvam sicvisay Visqui: Natamin cuarenta años ongvansiclhac sat mocjam egipcios apquilhpanyam moc yoclhilhma. 14 Elvotac sat mocjam egipcios apquilmomap, yoyam elhnam sat nipiyam as yoclhilhma, actomjaclha apquilaoclha nano, mepqui mataa apquilyimnatem. 15 Eltimjic sat mocjam mepqui apquilyimtalhnamo najan mepqui apquilyimnatem nipyesicsa metnaja israelitas. Colapvanquejec elimpocjac mocjam poc enlhitaoc apquileyvam moc yoclhilhma. 16 Elyascomoc sat mataa israelitas apquiltemaclha apquilmopvan co Egipto, yoyam elpasingvota. Melsilhnanacpejec sat mocjam israelitas. Jelyicpilcangvomoc sat sicvisay Visqui apancaoc — alhta aptomjac.
17 Vocmec alhta lhama acnim (primero) najan piltin primero, najan año veintisiete. Aptomjac alhta Visqui ingac seyanya coo: 18 Apvisqui co Babilonia apvisay Nabucodonosor. Apquillhalhmaa singilpilhtetemo apancaoc, yoyam elimpocjac tingma Tiro. Apquilvocjac siclho tingma, apquillanay aclhamoclhojo apquiltamjaycam naysicsa apquilvascapma, eyca mepqui acyanmongam apvisqui, najan mepqui acyanmongam singilpilhtetemo. 19 Naso coo sicpayvam sicvisay Visqui apancaoc: Elimpocjac sat Nabucodonosor najan singilpilhtetemo nipyesicsa co Egipto, elnatamoc sat apquilnatam najan acyovoclhojo asoc. Cotnejic sat acyanmongam apquiltamjaycam siclho tingma Tiro. 20 Naso coo siyapajascama Nabucodonosor, elimpocjac Egipto, elnatamoc apquilnatam, acyanmongam apquiltamjaycam tingma Tiro, malha seltimesaycam alhta apquiltomjac. Eycaso siclhanma coo sicvisay Visqui apancaoc — alhta aptomjac.
21 Nalhit acnim sat cotnejic. Coyangvomoc sat apquilyimnatem israelitas. Lhip Ezequiel etnejic sat mocjam aplingascama sicpayvam mepqui apcay. Jelyicpilcangvomoc sat enlhitaoc sicvisay Visqui apancaoc — alhta aptomjac.
