Aplhenamap apvisqui co Tiro yavamlha cotnejic
1 Aptomjac alhta Visqui ingac seyanya coo: 2 Lhip enlhit, ilngas sat sicpayvam napato apvisqui co Tiro:
Lhip apvisqui co Tiro, ingyeylhojo Visqui ingac appayvam: Lhip acyitna ayajamalhco apvalhoc. Aptimesacpec apanco lhip apyimtalhnamo malha dios. Enlhit apanco nac lhip, am etnajac lhip malha dios, am etnajac lhip apyascamco malha dios.
3 ¿Apyascamco ya apanco lhip, am elhno ya apyascamco Daniel? Apyasamcoc lhip asoc acyilhamalhca.
4 Aplhocac alhta lhip cotlaycaoc apquilnatam, ayinyema aptemaclha apyascamco. Avanjec anco lhip solyayem pac, acvisay apquilnatam oro najan plata.
5 Apcansaclhec lhip apquilnatam ayinyema lhip aptemaclha apyascamco najan apmopvan comercio apquilyanmongsomap. Yiplovcoc alhta ayajamalhco apvalhoc.
6 Ingyeylhojo sicpayvam sicvisay Visqui netin: Aptimesacpec apanco lhip apyimtalhnamo malha dios.
7 Ongvapajacsic sat cotnaja ingmoc elimpocjac sat nipyesicsa lhip najan apnaymacoc. Avanjec sat apquillom cotnaja ingmoc. Eticyoc sat apnaymacoc, comascoc sat lhip aptemaclha aptamila najan apyascamco. Comascoc sat lhip aptemaclha apyimtalhnamo, malha aptiyam nalhpop sat cotnejic.
8 Eyinyovacpoc sat lhip nipyesicsa apquilitsepma alyascamaclha ingjangaoc. Ematong sat lhip apna apyilhanmomaclha payjoc yingmin acvanyam.
9 ¿Apvanqui ya maa eyitsacpoc apanco lhip malha dios? Ematong sat lhip maa, apno apticyovam poc apnaymacoc.
10 Coo sicvisay Visqui Apyimtalhnamo, sictomja siyanya lhip: Ematong sat lhip nipyesicsa cotnaja ingmoc, acno apticyovam apquilmomap — alhta aptomjac Visqui ingac.
Aptemaclha apvisqui co Tiro
11 Aptomjac alhta Visqui ingac seyanya coo: 12 Lhip enlhit, ilngas sat sicpayvam napato apvisqui co Tiro actemaclha apminaycmascama yocsa:
Lhip apvisqui co Tiro, ingyeylhojo Visqui ingac appayvam. Apyascamco apanco alhta lhip, najan aptamila apanco, najan apyimtalhnamo apanco, am elhno poc apvisqui.
13 Aptiyasam alhta lhip amyip apanco Dios, acvisay Edén. Yitnec alhta apquilnatanma actamila anaco, mataymong acmamnave anco: acvisay rubí, najan crisólito, najan jade, najan topacio, najan cornalina, najan jaspe, najan zafiro, najan granate, najan esmeralda. Oro alhta allanomalhca apquilnatanma joyas najan aretes. Naysicsa aptiyaycamlha acyitna apnaclha lhip apquilnatanma asoc acmamnave.
14 Aptamilcasquic alhta enlhit acma aplhimpancoc, emyovacpoc lhip. Apnec alhta lhip netin inquilhe acponquinomalhca Dios apanco. Aptiyasam alhta lhip nipyesicsa apyová netin.
15 Coo alhta silantipquiscama lhip. Intasic alhta lhip aptemaclha, ayenmo aptiyaycamlha lhip acvaycmo acnim aptomjayclho lhip apmapsom.
16 Apsilhnanacpec apanco lhip ayinyema aptemaclha lhip apquilyanmongsomap asoc apquilhacjam najan apquilmam. Actovasquic alhta lhip etipsacpoc inquilhe apanco Dios. Aptipsacpec alhta lhip nipyesicsa apyová, ayinyema enlhit acma aplhimpancoc aptamilquiscama.
17 Inmasquec alhta lhip aptemaclha aptamila apanco, ayinyema ayajamalhco apvalhoc, inmasquec alhta aptemaclha apyascamco lhip. Apyinyovacpec alhta lhip nalhpop, aptomjayclho acyeyjamelhma nipyesicsa poc apquilviscaa.
18 Apsilhnanacpec apanco lhip ayinyema aptemaclha apquilyanmongsomap nipyesicsa apnaymacoc. Apvenacpec tingma apponquinomap lhalhma anco. Innec alhta alvatna talha tingma apvanyam. Tingma apmeta quilhvo nac jay, mepqui enlhit.
19 Intiyacmec apquilvalhoc enlhitaoc apquilvita lhip aptovasomap. Apcacpec lhip apvitacpo. Inmasquec aptiyascam lhip cotmongvoycamlha nelha — alhta aptomjac.
Apquiltemaclha co Sidón
20 Aptomjac alhta Visqui ingac seyanya coo: 21 Lhip enlhit, ilngas sat lhip sicpayvam nipyesicsa co Sidón. 22 Itne sat lhip elanic:
Eycaso appayvam ayinyema Visqui ingac: Apquiltomjaclhec quellhip cotnaja ingmoc, oyanmongsiclhac sat apquiltemaclha quellhip naysicsa sicmovan najan sicyimtalhnamo. Jelyicpilcangvomoc sat quellhip sicvisay Visqui apancaoc.
23 Ongvapajacsic sat ningmasquem ataoc, conyejic sat ema nalhpop. Eticyoc sat enlhitaoc apnaycam tingma ayinyema sovo acvinatem. Jelyicpilcangvomoc sat sicvisay Visqui apancaoc.
24 Aptomjac mocjam Visqui ingac: Mellingamquejec sat mocjam acyimtalhnama israelitas actemaclha apquilvenéycam najan apquilasmescama enlhitaoc, apquilyitsomacpo amaoc najan yammeyac. Jelyicpilcangvomoc sat sicvisay Visqui apancaoc.
25 Ongvansiclhac sat apyovoclhojo israelitas apquilhpanyam nipyesicsa enlhitaoc lhalhma anco, naysicsa sicmovan najan sicyimtalhnamo. Elhnam sat mocjam apquilaoclha, ayinyema sicmescama nano selancam apvisay Jacob. 26 Elhnam sat maa naysicsa actamilaycam apquilvalhoc. Ellanac sat mocjam tingma apancaoc, elquiniclhac sat uva avjac apancaoc (ayimjaclha). Oyanmongsiclhac sat apquiltemaclha enlhit apquilvenéycam israelitas. Elyicpilcangvomoc sat israelitas sicvisay Dios Visqui apancaoc — alhta aptomjac.
Aplhenamap apvisqui co Tiro yavamlha cotnejic
1 Aptomjac alhta Visqui ingac seyanya coo: 2 Lhip enlhit, ilngas sat sicpayvam napato apvisqui co Tiro:
Lhip apvisqui co Tiro, ingyeylhojo Visqui ingac appayvam: Lhip acyitna ayajamalhco apvalhoc. Aptimesacpec apanco lhip apyimtalhnamo malha dios. Enlhit apanco nac lhip, am etnajac lhip malha dios, am etnajac lhip apyascamco malha dios.
3 ¿Apyascamco ya apanco lhip, am elhno ya apyascamco Daniel? Apyasamcoc lhip asoc acyilhamalhca.
4 Aplhocac alhta lhip cotlaycaoc apquilnatam, ayinyema aptemaclha apyascamco. Avanjec anco lhip solyayem pac, acvisay apquilnatam oro najan plata.
5 Apcansaclhec lhip apquilnatam ayinyema lhip aptemaclha apyascamco najan apmopvan comercio apquilyanmongsomap. Yiplovcoc alhta ayajamalhco apvalhoc.
6 Ingyeylhojo sicpayvam sicvisay Visqui netin: Aptimesacpec apanco lhip apyimtalhnamo malha dios.
7 Ongvapajacsic sat cotnaja ingmoc elimpocjac sat nipyesicsa lhip najan apnaymacoc. Avanjec sat apquillom cotnaja ingmoc. Eticyoc sat apnaymacoc, comascoc sat lhip aptemaclha aptamila najan apyascamco. Comascoc sat lhip aptemaclha apyimtalhnamo, malha aptiyam nalhpop sat cotnejic.
8 Eyinyovacpoc sat lhip nipyesicsa apquilitsepma alyascamaclha ingjangaoc. Ematong sat lhip apna apyilhanmomaclha payjoc yingmin acvanyam.
9 ¿Apvanqui ya maa eyitsacpoc apanco lhip malha dios? Ematong sat lhip maa, apno apticyovam poc apnaymacoc.
10 Coo sicvisay Visqui Apyimtalhnamo, sictomja siyanya lhip: Ematong sat lhip nipyesicsa cotnaja ingmoc, acno apticyovam apquilmomap — alhta aptomjac Visqui ingac.
Aptemaclha apvisqui co Tiro
11 Aptomjac alhta Visqui ingac seyanya coo: 12 Lhip enlhit, ilngas sat sicpayvam napato apvisqui co Tiro actemaclha apminaycmascama yocsa:
Lhip apvisqui co Tiro, ingyeylhojo Visqui ingac appayvam. Apyascamco apanco alhta lhip, najan aptamila apanco, najan apyimtalhnamo apanco, am elhno poc apvisqui.
13 Aptiyasam alhta lhip amyip apanco Dios, acvisay Edén. Yitnec alhta apquilnatanma actamila anaco, mataymong acmamnave anco: acvisay rubí, najan crisólito, najan jade, najan topacio, najan cornalina, najan jaspe, najan zafiro, najan granate, najan esmeralda. Oro alhta allanomalhca apquilnatanma joyas najan aretes. Naysicsa aptiyaycamlha acyitna apnaclha lhip apquilnatanma asoc acmamnave.
14 Aptamilcasquic alhta enlhit acma aplhimpancoc, emyovacpoc lhip. Apnec alhta lhip netin inquilhe acponquinomalhca Dios apanco. Aptiyasam alhta lhip nipyesicsa apyová netin.
15 Coo alhta silantipquiscama lhip. Intasic alhta lhip aptemaclha, ayenmo aptiyaycamlha lhip acvaycmo acnim aptomjayclho lhip apmapsom.
16 Apsilhnanacpec apanco lhip ayinyema aptemaclha lhip apquilyanmongsomap asoc apquilhacjam najan apquilmam. Actovasquic alhta lhip etipsacpoc inquilhe apanco Dios. Aptipsacpec alhta lhip nipyesicsa apyová, ayinyema enlhit acma aplhimpancoc aptamilquiscama.
17 Inmasquec alhta lhip aptemaclha aptamila apanco, ayinyema ayajamalhco apvalhoc, inmasquec alhta aptemaclha apyascamco lhip. Apyinyovacpec alhta lhip nalhpop, aptomjayclho acyeyjamelhma nipyesicsa poc apquilviscaa.
18 Apsilhnanacpec apanco lhip ayinyema aptemaclha apquilyanmongsomap nipyesicsa apnaymacoc. Apvenacpec tingma apponquinomap lhalhma anco. Innec alhta alvatna talha tingma apvanyam. Tingma apmeta quilhvo nac jay, mepqui enlhit.
19 Intiyacmec apquilvalhoc enlhitaoc apquilvita lhip aptovasomap. Apcacpec lhip apvitacpo. Inmasquec aptiyascam lhip cotmongvoycamlha nelha — alhta aptomjac.
Apquiltemaclha co Sidón
20 Aptomjac alhta Visqui ingac seyanya coo: 21 Lhip enlhit, ilngas sat lhip sicpayvam nipyesicsa co Sidón. 22 Itne sat lhip elanic:
Eycaso appayvam ayinyema Visqui ingac: Apquiltomjaclhec quellhip cotnaja ingmoc, oyanmongsiclhac sat apquiltemaclha quellhip naysicsa sicmovan najan sicyimtalhnamo. Jelyicpilcangvomoc sat quellhip sicvisay Visqui apancaoc.
23 Ongvapajacsic sat ningmasquem ataoc, conyejic sat ema nalhpop. Eticyoc sat enlhitaoc apnaycam tingma ayinyema sovo acvinatem. Jelyicpilcangvomoc sat sicvisay Visqui apancaoc.
24 Aptomjac mocjam Visqui ingac: Mellingamquejec sat mocjam acyimtalhnama israelitas actemaclha apquilvenéycam najan apquilasmescama enlhitaoc, apquilyitsomacpo amaoc najan yammeyac. Jelyicpilcangvomoc sat sicvisay Visqui apancaoc.
25 Ongvansiclhac sat apyovoclhojo israelitas apquilhpanyam nipyesicsa enlhitaoc lhalhma anco, naysicsa sicmovan najan sicyimtalhnamo. Elhnam sat mocjam apquilaoclha, ayinyema sicmescama nano selancam apvisay Jacob. 26 Elhnam sat maa naysicsa actamilaycam apquilvalhoc. Ellanac sat mocjam tingma apancaoc, elquiniclhac sat uva avjac apancaoc (ayimjaclha). Oyanmongsiclhac sat apquiltemaclha enlhit apquilvenéycam israelitas. Elyicpilcangvomoc sat israelitas sicvisay Dios Visqui apancaoc — alhta aptomjac.
