Apquiltemaclha amonitas
1 Aptomjac alhta Visqui ingac seyanya coo: 2 Lhip enlhit, ilngas sat lhip sicpayvam sicyanmongsayclha apquiltemaclha apancaoc. 3 Itne sat lhip elanic: Quip elaylhojo Visqui ingac appayvam: Apquilpalhamam quellhip naysicsa apquilitsovascama, apquilvita tingma apponquinomap aptovasomap, apquilvita yoclhilhma actovasomalhca, najan apquilvita apquilmomap co Judá macnalayclha moc yoclhilhma. 4 Elvac sat cotnaja ingmoc apquilinyema actiyapmaclha acnim, eltimjic sat apancaoc amyipayc, ellanac sat carpa tingma apquileyvomaclha quellhip, elansiclhac sat acyilhna amyipayc, elyinamcoc sat leche ayinyema apnatoscama quellhip. 5 Comascoc sat apvisay tingma Rabá, cotniclhac sat aleyvomaclha camellos voncayispoc. Poc tingma najan tingma apquilvanyam cotniclhac sat apquilyancaclha nipquesic. Jelyicpilcangvomoc sat quellhip, sicvisay coo Visqui apancaoc.
6 Naso coo sicpayvam: Apquilitsovasoc alhta quellhip apquilvita apnatovasomap israelitas, acyiplomo apquilveneycam maa. 7 Otnesquis sat, yoyam elmacpoc quellhip nipyesicsa enlhitaoc lhalhma anco. Osavojoc sat silnapma quellhip, colhenalhquejec sat mataa quellhip apquilvisay cotmongvoycamlha nelha. Jelyicpilcangvomoc sat sicvisay Visqui apancaoc quellhip — alhta aptomjac.
Apquiltemaclha moabitas
8 Eycaso sicpayvam sicvisay Visqui apancaoc: Yitnec apquillhanma moabitas: Apquillingamcoc alhta acyimtalhnama co Judá, acno apquillingaycamco mataa poc metnaja israelitas.
9 Otnesquisic sat, yoyam elmacpoc tingma apquilvanyam apancaoc, apquilmasma mataa moabitas malha asoc acmamnave. Apquilvisay Bet-jesimot, Baal-meón, najan Quiriataim. 10 Enlhit co actiyapmaclha acnim elmoc sat as tingma, elmoc sat mocjam apquileyvomaclha amonitas. Mellhenacpejec sat mataa apquilvisay amonitas. 11 Ellingamcojoc sat najan moabitas sicyanmongsayclha apquiltemaclha apancaoc. Jelyicpilcangvomoc sat sicvisay Visqui apancaoc — alhta aptomjac.
Apquiltemaclha edomitas
12 Eycaso sicpayvam sicvisay Visqui apancaoc: Apquiltemaclha edomitas apquilyanmongsayclha apquiltemaclha co Judá, acvisay apquilsilhnanomap apanco co Edom. 13 Naso coo sicpayvam sicvisay Visqui: Oyanmongsiclhac sat apquiltemaclha apancaoc edomitas. Olnapoc sat enlhitaoc najan apnatoscama. Otvacsic sat yoclhilhma ayenmo tingma Temán acvaycmo tingma Dedán, eticyoc sat maa apyovoclhojo enlhit. 14 Olapajacsic sat israelitas elimpocjac sat nipyesicsa, cotnejic sat sicyanmongsayclha apquiltemaclha apancaoc, ayinyema acyivey siclom. Ellingamcojoc sat sictemaclha sicyanmongsayclha apquiltemaclha apancaoc, ayinyema coo, sicvisay Visqui apancaoc — alhta aptomjac.
Apquiltemaclha filisteos
15 Eycaso sicpayvam sicvisay Visqui apancaoc: Apquilyanmongsaclhec alhta filisteos apquiltemaclha apancaoc co Judá. Apquiltamjoc mataa enatovacsic ayinyema apquiltomja cotnaja ingmoc nanoc alhta. 16 Osavojoc sat silnapma filisteos apyovoclhojo, apquilvisay najan cereteos apnaycam nicja yingmin acvanyam. 17 Oyanmongsiclhac sat apquiltemaclha apancaoc, ayinyema siclom coo. Natamin jelyicpilcangvomoc sat sicvisay Visqui apancaoc — alhta aptomjac Visqui ingac.
Apquiltemaclha amonitas
1 Aptomjac alhta Visqui ingac seyanya coo: 2 Lhip enlhit, ilngas sat lhip sicpayvam sicyanmongsayclha apquiltemaclha apancaoc. 3 Itne sat lhip elanic: Quip elaylhojo Visqui ingac appayvam: Apquilpalhamam quellhip naysicsa apquilitsovascama, apquilvita tingma apponquinomap aptovasomap, apquilvita yoclhilhma actovasomalhca, najan apquilvita apquilmomap co Judá macnalayclha moc yoclhilhma. 4 Elvac sat cotnaja ingmoc apquilinyema actiyapmaclha acnim, eltimjic sat apancaoc amyipayc, ellanac sat carpa tingma apquileyvomaclha quellhip, elansiclhac sat acyilhna amyipayc, elyinamcoc sat leche ayinyema apnatoscama quellhip. 5 Comascoc sat apvisay tingma Rabá, cotniclhac sat aleyvomaclha camellos voncayispoc. Poc tingma najan tingma apquilvanyam cotniclhac sat apquilyancaclha nipquesic. Jelyicpilcangvomoc sat quellhip, sicvisay coo Visqui apancaoc.
6 Naso coo sicpayvam: Apquilitsovasoc alhta quellhip apquilvita apnatovasomap israelitas, acyiplomo apquilveneycam maa. 7 Otnesquis sat, yoyam elmacpoc quellhip nipyesicsa enlhitaoc lhalhma anco. Osavojoc sat silnapma quellhip, colhenalhquejec sat mataa quellhip apquilvisay cotmongvoycamlha nelha. Jelyicpilcangvomoc sat sicvisay Visqui apancaoc quellhip — alhta aptomjac.
Apquiltemaclha moabitas
8 Eycaso sicpayvam sicvisay Visqui apancaoc: Yitnec apquillhanma moabitas: Apquillingamcoc alhta acyimtalhnama co Judá, acno apquillingaycamco mataa poc metnaja israelitas.
9 Otnesquisic sat, yoyam elmacpoc tingma apquilvanyam apancaoc, apquilmasma mataa moabitas malha asoc acmamnave. Apquilvisay Bet-jesimot, Baal-meón, najan Quiriataim. 10 Enlhit co actiyapmaclha acnim elmoc sat as tingma, elmoc sat mocjam apquileyvomaclha amonitas. Mellhenacpejec sat mataa apquilvisay amonitas. 11 Ellingamcojoc sat najan moabitas sicyanmongsayclha apquiltemaclha apancaoc. Jelyicpilcangvomoc sat sicvisay Visqui apancaoc — alhta aptomjac.
Apquiltemaclha edomitas
12 Eycaso sicpayvam sicvisay Visqui apancaoc: Apquiltemaclha edomitas apquilyanmongsayclha apquiltemaclha co Judá, acvisay apquilsilhnanomap apanco co Edom. 13 Naso coo sicpayvam sicvisay Visqui: Oyanmongsiclhac sat apquiltemaclha apancaoc edomitas. Olnapoc sat enlhitaoc najan apnatoscama. Otvacsic sat yoclhilhma ayenmo tingma Temán acvaycmo tingma Dedán, eticyoc sat maa apyovoclhojo enlhit. 14 Olapajacsic sat israelitas elimpocjac sat nipyesicsa, cotnejic sat sicyanmongsayclha apquiltemaclha apancaoc, ayinyema acyivey siclom. Ellingamcojoc sat sictemaclha sicyanmongsayclha apquiltemaclha apancaoc, ayinyema coo, sicvisay Visqui apancaoc — alhta aptomjac.
Apquiltemaclha filisteos
15 Eycaso sicpayvam sicvisay Visqui apancaoc: Apquilyanmongsaclhec alhta filisteos apquiltemaclha apancaoc co Judá. Apquiltamjoc mataa enatovacsic ayinyema apquiltomja cotnaja ingmoc nanoc alhta. 16 Osavojoc sat silnapma filisteos apyovoclhojo, apquilvisay najan cereteos apnaycam nicja yingmin acvanyam. 17 Oyanmongsiclhac sat apquiltemaclha apancaoc, ayinyema siclom coo. Natamin jelyicpilcangvomoc sat sicvisay Visqui apancaoc — alhta aptomjac Visqui ingac.
