Actemaclha ninlhanma mepqui ningyeycajascaoc
1 Itamilsacpojo apanco naysicsa aptomjaclha napato Dios congne tingma apponquinomap. Ingyeylhojo najan iyasingvom sat Dios appayvam. Paj cotamila apquiltemaclha enlhit acyeyjamelhma, elsantimquisic asoc macmescama Dios naysicsa apquiltemalcha apquilmapsomcaa.
2 Nopecjicsojo nasa elhenic napato Dios mepqui apyeycajascaoc, nocolhen nasa apvalhoc actema nac lha. Dios apna netin, lhip apna as nalhpop, copvanquejec lhip elhamasiclha appayvam. 3 Acvitay ningvanmoncama ayinyema acyivey aclhanma ingvalhoc, acyeyjamelhma ayinyema acyivey ningillhamasomalhca.
4 Aplhenquic sat ancoc lhip mepqui apyeycajascaoc napato Dios, isavojo sat apyiplovquiscama quilhvo. Aptanovquic Dios enlhit acyeyjamelhma mepqui apquilyiplovquiscama. 5 Tasi inyicje mepqui ninlhanma, paj cotamila eyca ninlhanma naysicsa ningyeycajascaoc ninlhanma.
6 Nosilhnanap apanco ayinyema appayvam (apquilyataycam). Nopeyvescasiclha nasa aptomjaclha acmasom napato sacerdote (soycam amyaa). ¿Apquiltamjo ya lhquip etanovacpoc napato Dios, ayinyema aptemaclha apanco? 7 Alhto inyicje singvanmescama cotlaycaoc asoc, alhto najan nintemaclha ningillhamasomalhca. Ingyavojo sat lhip Dios Visqui ingac.
Actemaclha acma ningilnatam
8 Apvitac sat ancoc lhip apquillingaycamco enlhit mepqui apquilnatam, mepqui yoyam elmiyovacpoc maa. Notlapquis nasa apvita aptemaclha yatapvisqui, aptomja aptimesaycam apvisqui pac. Tacjaplhit apquilviscaa apna poc apvisqui apyimtalhnamo. 9 Incaymalhquic apvisqui rey eyasamcojo apquiltemaclha enlhit apquileyvam najan apquiltamjaycam amyip.
10 Nintingyey solyayem, yiplovcoc ayitsepma ingnenyic mocjam solyayem. Nintingyey ningilnatam, yiplovcoc ayitsepma ingnenyic mocjam ningilnatam. Alhto inyicje nintingyey as asoc. 11 Inyangvocmec sat ancoc ningilnatam, coyangvomoc sat ningilhacjam acyanmongam, ellhovamcoc enlhit apquiltamjaycam. Cosovjalhcac sat ningilnatam. 12 Actamila mataa aptiyanma enlhit aptamjaycam, moc acnim acyivey aptom najan moc acnim ayitcoc aptom. Mepqui aptiyanma mataa enlhit acma apquilnatam, ayinyema acyivey aptom.
13 Mocjam actemaclha mepqui actamila as nalhpop: Yitnec aplingaycamco acmasom enlhit apmasma apquilnatam. 14 Eyinimsacpoc sat naysicsa apquilhacjam asoc, elhic sat mepqui apquilnatam. Memiclhejec sat apquilnatam apquitca niptamin apyap. 15 Mepqui asoc siclhoc nat aptiyaycamlha, ingyitsapoc sat maa mepqui asoc. Apcalhnayo alhta aptiyam, ingyitsapoc sat mepqui apsayclha asoc apanco. 16 Am colcac ingvalhoc actema nac jay: nintiyacmec alhta mepqui asoc, ongitsapoc sat mepqui asoc. ¿Alhto ya ningvascapma ningansayclha ningilnatam? 17 Ninlingamcoc mataa naysicsa ningileyvam acmasca ingyimpejic, najan acyajapmo ingvalhoc, najan yatescamalhma.
18 Acyasingvocmec coo: Yavatoc ningma as nalhpop singmescama Dios. Incaymalhquic ontovamcoc, najan ongyinamcoc, najan copayjiclhac ingilvalhoc naysicsa ningilvascapma ningiltamjaycam as nalhpop. Eycaso ningilanyomalhca ayinyema Dios. 19 Ningvitac sat ancoc acyivey ningilnatam ayinyema Dios, ingvanquic ontovamcoc najan ongyinamcoc. Ningilnatam acvisay singilmescama Dios ayinyema ningvascapma ningiltamjaycam. 20 Dios Visqui ingac aptomja appayesayclha ingilvalhoc, colhenejec mataa ingilvalhoc ningileyvam acyavataclhojo as nalhpop.
Actemaclha ninlhanma mepqui ningyeycajascaoc
1 Itamilsacpojo apanco naysicsa aptomjaclha napato Dios congne tingma apponquinomap. Ingyeylhojo najan iyasingvom sat Dios appayvam. Paj cotamila apquiltemaclha enlhit acyeyjamelhma, elsantimquisic asoc macmescama Dios naysicsa apquiltemalcha apquilmapsomcaa.
2 Nopecjicsojo nasa elhenic napato Dios mepqui apyeycajascaoc, nocolhen nasa apvalhoc actema nac lha. Dios apna netin, lhip apna as nalhpop, copvanquejec lhip elhamasiclha appayvam. 3 Acvitay ningvanmoncama ayinyema acyivey aclhanma ingvalhoc, acyeyjamelhma ayinyema acyivey ningillhamasomalhca.
4 Aplhenquic sat ancoc lhip mepqui apyeycajascaoc napato Dios, isavojo sat apyiplovquiscama quilhvo. Aptanovquic Dios enlhit acyeyjamelhma mepqui apquilyiplovquiscama. 5 Tasi inyicje mepqui ninlhanma, paj cotamila eyca ninlhanma naysicsa ningyeycajascaoc ninlhanma.
6 Nosilhnanap apanco ayinyema appayvam (apquilyataycam). Nopeyvescasiclha nasa aptomjaclha acmasom napato sacerdote (soycam amyaa). ¿Apquiltamjo ya lhquip etanovacpoc napato Dios, ayinyema aptemaclha apanco? 7 Alhto inyicje singvanmescama cotlaycaoc asoc, alhto najan nintemaclha ningillhamasomalhca. Ingyavojo sat lhip Dios Visqui ingac.
Actemaclha acma ningilnatam
8 Apvitac sat ancoc lhip apquillingaycamco enlhit mepqui apquilnatam, mepqui yoyam elmiyovacpoc maa. Notlapquis nasa apvita aptemaclha yatapvisqui, aptomja aptimesaycam apvisqui pac. Tacjaplhit apquilviscaa apna poc apvisqui apyimtalhnamo. 9 Incaymalhquic apvisqui rey eyasamcojo apquiltemaclha enlhit apquileyvam najan apquiltamjaycam amyip.
10 Nintingyey solyayem, yiplovcoc ayitsepma ingnenyic mocjam solyayem. Nintingyey ningilnatam, yiplovcoc ayitsepma ingnenyic mocjam ningilnatam. Alhto inyicje nintingyey as asoc. 11 Inyangvocmec sat ancoc ningilnatam, coyangvomoc sat ningilhacjam acyanmongam, ellhovamcoc enlhit apquiltamjaycam. Cosovjalhcac sat ningilnatam. 12 Actamila mataa aptiyanma enlhit aptamjaycam, moc acnim acyivey aptom najan moc acnim ayitcoc aptom. Mepqui aptiyanma mataa enlhit acma apquilnatam, ayinyema acyivey aptom.
13 Mocjam actemaclha mepqui actamila as nalhpop: Yitnec aplingaycamco acmasom enlhit apmasma apquilnatam. 14 Eyinimsacpoc sat naysicsa apquilhacjam asoc, elhic sat mepqui apquilnatam. Memiclhejec sat apquilnatam apquitca niptamin apyap. 15 Mepqui asoc siclhoc nat aptiyaycamlha, ingyitsapoc sat maa mepqui asoc. Apcalhnayo alhta aptiyam, ingyitsapoc sat mepqui apsayclha asoc apanco. 16 Am colcac ingvalhoc actema nac jay: nintiyacmec alhta mepqui asoc, ongitsapoc sat mepqui asoc. ¿Alhto ya ningvascapma ningansayclha ningilnatam? 17 Ninlingamcoc mataa naysicsa ningileyvam acmasca ingyimpejic, najan acyajapmo ingvalhoc, najan yatescamalhma.
18 Acyasingvocmec coo: Yavatoc ningma as nalhpop singmescama Dios. Incaymalhquic ontovamcoc, najan ongyinamcoc, najan copayjiclhac ingilvalhoc naysicsa ningilvascapma ningiltamjaycam as nalhpop. Eycaso ningilanyomalhca ayinyema Dios. 19 Ningvitac sat ancoc acyivey ningilnatam ayinyema Dios, ingvanquic ontovamcoc najan ongyinamcoc. Ningilnatam acvisay singilmescama Dios ayinyema ningvascapma ningiltamjaycam. 20 Dios Visqui ingac aptomja appayesayclha ingilvalhoc, colhenejec mataa ingilvalhoc ningileyvam acyavataclhojo as nalhpop.
