Alhto nintingyey asoc
1-2 Eycaso appayvam ayinyema Predicador, David apquitca apvisqui tingma Jerusalén.
¡Alhto nintingyey asoc! ¡Alhto aclhanma ingilvalhoc aclhamoclhojo asoc!
3 Alhto inyicje ningilvascapma naysicsa ningiltamjaycam as nalhpop.
4 Ningvitac acpaliyam sicaa, moc mataa alitsepma. Ningvitac apquilitsepma enlhit. Paj mataa moc actemaclha as nalhpop.
5 Intipquic mataa acnim, intalhnec mataa acnim, secaseclha cotyapoc sat mocjam.
6 Apquilhcajacmec mataa piyam, inquilhcajacmec mataa alhcajayam. Moc acnim mataa piyam, moc acnim mataa alhcajayam. Mepqui moc actemaclha.
7 Inquinyec mataa yingmin acvaycmo yingmin acvanyam, mepqui aclaneyo yingmin acvanyam. Cotyapoc sat mocjam actiyapmaclha yingmin, conyejic payjoc yingmin acvanyam. Mepqui moc actemaclha.
8 Mongvanquejec onlhenic altemaclha asoc ningvitay najan ninlingay, comejec mataa ingilvalhoc.
9 ¡Paj mataa actemaclha alhnancoc as nalhpop! Cotalhcac sat asoc acvitamalhca nanoc nat. Collanalhcac sat asoc allanomalhca nanoc nat. Mepqui moc actemaclha.
10 Yitne inyicje amyaa: ¡Quip elanojo actemaclha alhnancoc! — intomjac amyaa. Invitalhquic as actemaclha nanoc nat mongiltiyaycamlha mocjam.
11 Ingilvoncacmec apquiltemaclha ningilyeyjamcaa, jingilvoncamoc sat apquiltemalcha inquitquic najan intovana. Mepqui moc actemaclha.
Sictemaclha sicvisay Predicador
12 Coo sicvisay Predicador, sictimem alhta visqui nipyesicsa israelitas tingma Jerusalén. 13 Inlhenquic alhta evalhoc oyasingvomoc sat aclhamoclhojo asoc as nalhpop najan apquiltemaclha enlhit. Alhto inyicje aclhanma evalhoc, yavamlha otnejic. Dios ayinyema moclhama actemaclha, ningilanyomalhca ongyiplovcasjo. 14 Alanoc alhta apquiltemaclha enlhit as nalhpop. Alhto inyicje apquiltingyey asoc, malha ningilpatjetma alhcajayam intomjac.
15 Mongvanquejec ongilpeyvacsic asoc actajem, mongvanquejec ongilyipsitic asoc coyitnama inlhojo asoc.
16-17 Inlhenquic alhta evalhoc coo: Acyasingvocmec alhta cotlaycaoc asoc, am alhta elhno apquilviscaa nano tingma Jerusalén. Altamsalhquic alhta coo, acyasingvocmec alhta coo, sictomjayclho sicyascamco. Inyasingvocmec alhta evalhoc: Ningyasingvoyam asoc acyitsomalhca ningilpatjetma alhcajayam — intomjac evalhoc. 18 Inyangvocmec sat ancoc ningyascamco, coyangvomoc sat aclom ingvalhoc. Inyangvocmec sat ancoc ningiltamsomalhca, coyangvomoc sat ninlingaycamco acyimtalhnama.
Alhto nintingyey asoc
1-2 Eycaso appayvam ayinyema Predicador, David apquitca apvisqui tingma Jerusalén.
¡Alhto nintingyey asoc! ¡Alhto aclhanma ingilvalhoc aclhamoclhojo asoc!
3 Alhto inyicje ningilvascapma naysicsa ningiltamjaycam as nalhpop.
4 Ningvitac acpaliyam sicaa, moc mataa alitsepma. Ningvitac apquilitsepma enlhit. Paj mataa moc actemaclha as nalhpop.
5 Intipquic mataa acnim, intalhnec mataa acnim, secaseclha cotyapoc sat mocjam.
6 Apquilhcajacmec mataa piyam, inquilhcajacmec mataa alhcajayam. Moc acnim mataa piyam, moc acnim mataa alhcajayam. Mepqui moc actemaclha.
7 Inquinyec mataa yingmin acvaycmo yingmin acvanyam, mepqui aclaneyo yingmin acvanyam. Cotyapoc sat mocjam actiyapmaclha yingmin, conyejic payjoc yingmin acvanyam. Mepqui moc actemaclha.
8 Mongvanquejec onlhenic altemaclha asoc ningvitay najan ninlingay, comejec mataa ingilvalhoc.
9 ¡Paj mataa actemaclha alhnancoc as nalhpop! Cotalhcac sat asoc acvitamalhca nanoc nat. Collanalhcac sat asoc allanomalhca nanoc nat. Mepqui moc actemaclha.
10 Yitne inyicje amyaa: ¡Quip elanojo actemaclha alhnancoc! — intomjac amyaa. Invitalhquic as actemaclha nanoc nat mongiltiyaycamlha mocjam.
11 Ingilvoncacmec apquiltemaclha ningilyeyjamcaa, jingilvoncamoc sat apquiltemalcha inquitquic najan intovana. Mepqui moc actemaclha.
Sictemaclha sicvisay Predicador
12 Coo sicvisay Predicador, sictimem alhta visqui nipyesicsa israelitas tingma Jerusalén. 13 Inlhenquic alhta evalhoc oyasingvomoc sat aclhamoclhojo asoc as nalhpop najan apquiltemaclha enlhit. Alhto inyicje aclhanma evalhoc, yavamlha otnejic. Dios ayinyema moclhama actemaclha, ningilanyomalhca ongyiplovcasjo. 14 Alanoc alhta apquiltemaclha enlhit as nalhpop. Alhto inyicje apquiltingyey asoc, malha ningilpatjetma alhcajayam intomjac.
15 Mongvanquejec ongilpeyvacsic asoc actajem, mongvanquejec ongilyipsitic asoc coyitnama inlhojo asoc.
16-17 Inlhenquic alhta evalhoc coo: Acyasingvocmec alhta cotlaycaoc asoc, am alhta elhno apquilviscaa nano tingma Jerusalén. Altamsalhquic alhta coo, acyasingvocmec alhta coo, sictomjayclho sicyascamco. Inyasingvocmec alhta evalhoc: Ningyasingvoyam asoc acyitsomalhca ningilpatjetma alhcajayam — intomjac evalhoc. 18 Inyangvocmec sat ancoc ningyascamco, coyangvomoc sat aclom ingvalhoc. Inyangvocmec sat ancoc ningiltamsomalhca, coyangvomoc sat ninlingaycamco acyimtalhnama.
