Ningillhoy asoc ayinyema ningilyajayquiclho
(Lv 26.3-13Dt 7.12-24)1 Apquilyajaclhoc sat ancoc quellhip Dios Apyimtalhnamo, apquilyiplovquisa quellhip singanamaclha siclingascama coo nipyesicsa quellhip, elmiyovacpoc sat quellhip nipyesicsa enlhitaoc lhalhma anco as nalhpop. 2 Ellhovamcoc sat quellhip cotlaycaoc asoc altamila ayinyema Dios, apquiltomja inlhojo apquilyajayquiclho quellhip. 3 Ellhovamcoc sat apnaycam amyip, najan apnaycam tingma apvanyam. 4 Colhic sat aclhamasquiclha apquitquic quellhip najan acyilhna, najan apnatoscama vayqui ayitcavoc, najan nipquesic apquitcavoc, najan acyovoclhojo apnatoscama quellhip. 5 Najan maa pan aplhancoc najan pan apyelaquiscama. 6 Ellhovamcoc sat actamilaycam apquilvalhoc naysicsa apquileyvam as nalhpop.
7 Eltimjic sat apquilyimnatem quellhip, apquilimpocja inlhojo cotnaja ingmoc nipyesicsa quellhip. Elvac sat cotnaja ingmoc, elimpocja apquilpasmeyquiclha, natamin eyca elinyajamcoc sat lhalhma anco.
8 Colhic sat aclhamasquiclha ayinyema Dios, ellhovamcoc quellhip cotlaycaoc actic najan acyilhna. Ellhovamcoc sat actamilaycam apquilvalhoc naysicsa apquileyvam yoclhilhma apquilvoycamlha, actomja Dios apmescama.
9 Apquilsovjoc sat ancoc quellhip apquilyiplovquiscama singanamaclha Dios, eltimjic sat quellhip Dios apquilyacyescama, moc ningiltimem apquilponquinomap napato Dios, ayinyema ilhnic nat aplhanma Dios mepqui apyeycajascaoc. 10 Elangvomoc sat apyovoclhojo enlhitaoc apquileyvam as nalhpop, apquilvita inlhojo apquiltemaclha quellhip apquilponquinomap napato Dios. 11 Colhic sat aclhamasquiclha apquitquic quellhip, najan apnatoscama ayitcavoc, najan cotlaycaoc acyilhna, aplhanma ilhnic nat Dios mepqui apyeycajascaoc napatavo apquilyeyjamcaa. 12 Memyovejec sat Dios Apyimtalhnamo acmamayaclha, acvisay yingmin acpaliyam as nalhpop, elvitac sat acyilhna naysicsa apquilvascapma apquiltamjaycam quellhip. Elvac sat enlhitaoc naciones, eltimjic apquilmaycaoc nasa nipyesicsa quellhip. Jave quellhip, yoyam elmamcoc siclho nipyesicsa enlhitaoc lhalhma anco. 13 Eltimjic sat quellhip malha apquilimja apmamyi ayinyema Dios, jave apquilimja alhayi. Eltimjic sat apquilyimtalhnamo, malha netin anco, jave coning mepqui apquilyimtalhnamo. Incaymalhquic quellhip elsavojo apquilyiplovquiscama singanamaclha Dios siclingascama coo quilhvo nac jay. 14 Noelvatsaoc nasa apquilyiplovquiscama actema nac jay. Noeltingya nasa quilaycmasquiscama acyitsomalhca dios, noeltime nasa apquilayo.
Acmasom ayinyema mepqui ningilyajayquiclho
(Lv 26.14-46)15 Am sat ancoc elyajaclhoc quellhip appayvam ayinyema Dios. Am sat ancoc elyiplovcasac quellhip singanamaclha Dios, siltimnascama quellhip quilhvo nac jay. Ellingamcojoc sat quellhip moclhama acyimtalhnama: 16 Eltanovacpoc sat quellhip apnaycam amyip najan apnaycam tingma apvanyam. 17 Melvityejec sat pan congne aplhancoc, melvityejec sat motajap apyelaquiscama. 18 Elitsapoc sat apquitquic quellhip, melvityejec sat acyilhna, melvityejec sat apnatoscama vayqui ayitcavoc, najan nipquesic apquitcavoc, najan moc apnatoscama ayitcavoc. 19 Melmiyovacpejec sat quellhip naysicsa apquiltamjaycam.
20 Ellingamcojoc sat quellhip acmasom, najan aclhinganyam apquilvalhoc, najan actiyam apquilvalhoc naysicsa apquiltamjaycam quellhip. Enatovasacpoc sat quellhip quilhvoc anco, ayinyema quellhip apquilyamasma Dios naysicsa apquiltemaclha apancaoc. 21 Ingyapajacsic sat Dios Apyimtalhnamo ningmasquem nipyesicsa quellhip, elsovjacpoc sat apquilitsepma as yoclhilhma apquilvoycamlha sat quellhip. 22 Colhic sat ayapajasa ningmasquem colnapoc quellhip ayinyema Dios, najan actemaclha ningilpilhyinamam, najan melhanma ingyimpeoc. Ellingamcojoc sat acyamay olhma najan ascoc acnatovascama ninganma. Mengyaymacpejec sat lhama enlhit as yoclhilhma apquilvoycamlha sat quellhip. 23 Comacyejec sat mataa, colvitalhquejec sat mataa acyilhna. 24 Copalamoc sat lhopactic ayinyema netin, elsovjacpoc sat apquilitsepma quellhip. 25 Elimpocjac sat cotnaja ingmoc nipyesicsa quellhip. Elimpocjac sat quellhip lha apquilpasmeyquiclha, elinyajamcoc sat quellhip apquilhpansomap lhalhma anco. Elvitac sat enlhitaoc lhalhma anco apquiltemaclha quellhip. 26 Elpasmacpoc sat mama najan asoc navjac aclom, colsavojoc sat apjapaoc quellhip, mengyaymacpjejec sat lhama.
27 Colhic sat ayapajasa pascapma colnapoc quellhip ayinyema Dios, acno ilhnic nat siclho yoclhilhma Egipto, najan tumores, najan sarna, najan tiña, melvitay mataa (singmasma panatem sintamilquisquiyam). 28 Ellingamcojoc sat quellhip actemaclha acyeyjamelhma, najan mepqui ingataoc, najan actemaclha ayanem. 29 Colhojoc sat quellhip apquileyvam naysicsa yatescama olhma. Colapvanquejec quellhip ellana lhama asoc. Melmiyovacpejec sat quellhip naysicsa apquiltamjaycam acyimtalhnama, elnatamacpoc sat asoc apancaoc. 30 Etingyac sat lhama enlhit quilvana apponcanma, etnejic aptava. Poc enlhit eyca epatjetamcoc as quilvana. Lhama enlhit ellanac sat tingma pac, melhejec sat maa. Lhama enlhit ecniclhac sat uva avjac, metejec sat mataa acyilhna. 31 Comatong sat enlhit aptoscama vayqui napato avtip, metovejec sat maa. Colhic sat acyantama yamelyeyjaycoc enlhit aptoscama, metejec sat mocjam avtip. Elsavojoc sat cotnaja ingmoc enaliclha enlhit apnatoscama nipquesic, melvotayc sat mocjam. 32 Elmacpoc sat napatavo quellhip apquitquic apquilinava najan quilvanaa, apquilmam metnaja israelitas, melvotayc sat mocjam, mepqui lhama yoyam eltajicsojo. 33 Eltovamcoc sat acyilhna cotnaja ingmoc, ayinyema amyipayc najan apquilcaycaoc quellhip. Ellingamcojoc sat quellhip acyimtalhnama najan apquilyicpilhqueteycaoc cotnaja ingmoc. 34 Colhnanmoc sat apquilvalhoc quellhip, eltimiclhac sat ayanem, apquilvita inlhojo as asoc. 35 Colhic sat ayapajasa pascapma colnapoc quellhip ayinyema Dios, pascapma appilhquipcoc, najan apyayaoc, najan acyovoclhojo apyimpeoc quellhip, melvitay mataa panatem sintamilquisquiyam (mepqui singmasma).
36 Elmacpoc sat quellhip najan apvisqui apancaoc, colhic sat acnalayclha nipyesicsa enlhit naciones melyicpilquemo quellhip. Elanyacpoc sat quellhip eltimjic apquilayo quilaycmasquiscama allanomalhca yamit najan mataymong. 37 Elasmesacpoc sat quellhip, elvennacpoc sat maa, cotipsalhcac sat apquilvisay quellhip as yoclhilhma apquilmomacpilha quellhip. 38 Elquiniclhac sat quellhip cotlaycaoc actic, elvitac sat anit acyilhna, ayinyema sova apnatovascama ninganma. 39 Elquiniclhac sat uva avjac quellhip, eltamilsic sat mataa, melvityejec sat acyilhna, mepqui najan uva ayingmenic, ayinyema ascoc acsovjomo uva avjac. 40 Inquilinmec olivo yamit lhalhma anco, melvityejec sat asoc acmasis olivo ayingmenic, ayinyema acpaliyam acyilhna aclepamco. 41 Quellhip apquitquic apquilinava najan quilvanaa elmacpoc sat, colhic sat acyantama moc yoclhilhma cotnaja apquilaoclha. 42 Colhic sat acnatovasa acyovoclhojo yamtaa najan acyovoclhojo acyilhna, ayinyema aptoycaoc sova. 43 Apquilyimnatem sat eltimjic metnaja israelitas nipyesicsa quellhip, casilhtojoc sat apquilyimnatem quellhip. 44 Mepqui apquilnatam sat eltimjic quellhip, eltimjic sat apquilmaycaoc nasa nipyesicsa metnaja apnaymacoc, mepqui sat solyayem quellhip. Eltimjic sat poc apquilimja apmamyi, quellhip sat apquilimja alhayi.
45 Ellingamcojoc sat quellhip as acyimtalhnama, elminlhinacpoc sat quellhip, elsovjacpoc sat apquilitsepma, ayinyema mepqui apquilyajayquiclho quellhip, najan mepqui apquilyiplovquiscama quellhip singanamaclha najan singascamaclha Dios Apyimtalhnamo. 46 Comasquejec sat mataa apquillingaycamco acyimtalhnama quellhip najan aptovana quellhip cotmongvoycamlha nelha. 47 Ayinyema mepqui apquilayo quellhip Dios Apyimtalhnamo, naysicsa actamilaycam apquilvalhoc najan conjamalhca apquilvalhoc, najan ayinyema apquillhoy quellhip cotlaycaoc asoc altamila. 48 Eltimjic sat quellhip apquilmomap, yoyam eltimesam nipyesicsa cotnaja ingmoc, ayinyema Dios. Ellingamcojoc sat quellhip mepqui nintom, mepqui yingmin ningyam, najan mepqui apava apquilantalhnama, najan mepqui asoc ayaymomalhca. Eyimtalhnecsic sat Dios (eyangviscomoc sat) apquillingaycamco acyimtalhnama quellhip apquilmomap, elsovjacpoc sat apquilitsepma quellhip. 49 Elvac sat cotnaja ingmoc apquilinyema mocjay, elimpocjac sat nipyesicsa quellhip ayinyema Dios. Cotlapsic sat apquilvitacpoc, malha mama apvayventama sat cotnejic, enlhitaoc cotnaja nimpayvomó lhama. 50 Malha enlhit nipvajac sat eltimjic, elnapoc sat apquilvanyam najan apquitquic. 51 Eltovamcoc sat nipvajac quellhip apnatoscama ayitcavoc najan acyilhna amyipayc, mepqui aptoycaoc sat cotnejic quellhip. Elsavojoc sat trigo apactic, najan uva ayingmenic, najan olivo ayingmenic, elnapoc sat vayqui ayitcavoc, najan nipquesic apquitcavoc, elsovjacpoc sat quellhip apquilitsepma.
52 Elimpocjac sat cotnaja ingmoc nipyesicsa tingma apquilvanyam quellhip, elnatovacsic sat mataymong apjalhtam tingma, apquilyilhanmeycam mataa quellhip. Elsovjacpoc sat apquilimpocjay tingma apquilvanyam as yoclhilhma macmescama quellhip ayinyema Dios. 53 Naysicsa apquilimpocjay cotnaja ingmoc nipyesicsa quellhip tingma apquilvanyam, colnapoc sat mayic quellhip, eltovamcoc sat apquitquic apancaoc quellhip, najan apquilinava najan quilvana ayitcavoc, macmescama quellhip ayinyema Dios. 54 Avanjec sat etnejic enlhit apmasma aptom napato apyalhing najan naato aptava, najan napatavo apquitquic apquilaymomap. 55 Aplhapcoc sat etoc as enlhit apquitca apmatnam. Mepqui nintom sat cotnejic naysicsa apquilimpocjay cotnaja ingmoc tingma apquilvanyam. Avanjec sat cotnejic apquilay quellhip naysicsa apquillingaycamco acyimtalhnama lhalhma anco tingma apquilvanyam. 56 Colhic sat quilvana ayajamalhco avalhoc, cotimsic sat ayitca, colhanma actiyam ayitca napato atava najan napatavo ayitquic. 57 Comyoc sat ayitca, copocsic sat, metejec sat atava, melvityejec sat ayitquic apquilaymomap. Inlhapcoc sat cotoc ayitca acmatnam, acyiplomo apac actiyam, ayinyema avalhoc. Cosavojoc sat actom as quilvana, ayinyema mepqui nintom lhalhma anco naysicsa apquilimpocjay cotnaja ingmoc.
58 Am sat ancoc elyiplovcasac quellhip singanamaclha acnatalhesomalhca as vaycajac. Am sat ancoc eltomjac apquilayo quellhip actamila apvisay apanco Dios. 59 Ellingamcojoc sat quellhip acyimtalhnama ayinyema Dios colnapoc sat ningmasquem quellhip najan aptovana, meltamalvomejec sat naysicsa acmasca apyimpeoc. 60 Ellingamcojoc sat quellhip ningmasquem acyimtalhnama, acno ilhnic nat yoclhilhma Egipto. 61 Elhamasiclhac sat Dios ningmasquem ataoc najan moc apquillingaycamco acyimtalhnama, mepqui allhenamalhca as vaycajac singillhicmoscama. Elsovjacpoc sat apquilitsepma quellhip. 62 Appintalhnama alhta quellhip israelitas, mongmovan ongilyipsitic, apcanit sat eltimjic apquilaymomap, ayinyema mepqui apquilyajayquiclho Dios. 63 Inlhenquic alhta siclho apvalhoc Dios ingyimlimojoc mataa quellhip najan elhamasiclhac quellhip. Quilhvo eyca aclhanma apvalhoc Dios enatovacsic quellhip, eyinyovsic sat yoclhilhma apquilvoycamlha sat quellhip. 64 Elilhpansacpoc sat quellhip ayinyema Dios nipyesicsa enlhitaoc lhalhma anco, acvaycmo nelha lhapop. Eltimjic sat apquilayo quellhip quilaycmasquiscama acyitsomalhca dios allanomalhca yamit najan mataymong, melyicpilquemo nat apquilyeyjamcaa quellhip. 65 Mepqui apquillovquiscama apquilyampay sat cotnejic quellhip naysicsa apquileyvam nipyesicsa cotnaja apquiltemolhama. Ellingamcojoc sat quellhip actiyam apquilvalhoc, najan acmayovsa apquilvalhoc, najan ayay apquilvalhoc. 66 Ellingamcojoc sat mataa quellhip piligro acmasom, najan ayay apquilvalhoc acnim anco najan alhtaa, mepqui mataa apquilyilhanmeycam quellhip. 67 Avanjec mataa ayay apquilvalhoc quellhip, avanjec mataa apquilvitay acmasom, colhenic sat apquilvalhoc quellhip ayitsac'a: Ningiljalhnec cotnejic alhtaa. Colhenic sat apquilvalhoc alhta: Ningiljalhnec nincoo ayitsay — sat colhenic apquilvalhoc quellhip. 68 Aplhenquic nat Dios melvotayc sat mocjam quellhip yoclhilhma Egipto. Elmiyaclhac sat quellhip netin barcos tiyascam nayingmin acvaycmo yoclhilhma Egipto, eltingya sat apquiltamjaycam malha apquilmomap nipyesicsa cotnaja ingmoc. Elmeyvoc sat apquiltamjaycam egipcios apquiltanoncama quellhip, colapvanqueje quellhip eltamjam — nic nat aptomjac Moisés.
Ningillhoy asoc ayinyema ningilyajayquiclho
(Lv 26.3-13Dt 7.12-24)1 Apquilyajaclhoc sat ancoc quellhip Dios Apyimtalhnamo, apquilyiplovquisa quellhip singanamaclha siclingascama coo nipyesicsa quellhip, elmiyovacpoc sat quellhip nipyesicsa enlhitaoc lhalhma anco as nalhpop. 2 Ellhovamcoc sat quellhip cotlaycaoc asoc altamila ayinyema Dios, apquiltomja inlhojo apquilyajayquiclho quellhip. 3 Ellhovamcoc sat apnaycam amyip, najan apnaycam tingma apvanyam. 4 Colhic sat aclhamasquiclha apquitquic quellhip najan acyilhna, najan apnatoscama vayqui ayitcavoc, najan nipquesic apquitcavoc, najan acyovoclhojo apnatoscama quellhip. 5 Najan maa pan aplhancoc najan pan apyelaquiscama. 6 Ellhovamcoc sat actamilaycam apquilvalhoc naysicsa apquileyvam as nalhpop.
7 Eltimjic sat apquilyimnatem quellhip, apquilimpocja inlhojo cotnaja ingmoc nipyesicsa quellhip. Elvac sat cotnaja ingmoc, elimpocja apquilpasmeyquiclha, natamin eyca elinyajamcoc sat lhalhma anco.
8 Colhic sat aclhamasquiclha ayinyema Dios, ellhovamcoc quellhip cotlaycaoc actic najan acyilhna. Ellhovamcoc sat actamilaycam apquilvalhoc naysicsa apquileyvam yoclhilhma apquilvoycamlha, actomja Dios apmescama.
9 Apquilsovjoc sat ancoc quellhip apquilyiplovquiscama singanamaclha Dios, eltimjic sat quellhip Dios apquilyacyescama, moc ningiltimem apquilponquinomap napato Dios, ayinyema ilhnic nat aplhanma Dios mepqui apyeycajascaoc. 10 Elangvomoc sat apyovoclhojo enlhitaoc apquileyvam as nalhpop, apquilvita inlhojo apquiltemaclha quellhip apquilponquinomap napato Dios. 11 Colhic sat aclhamasquiclha apquitquic quellhip, najan apnatoscama ayitcavoc, najan cotlaycaoc acyilhna, aplhanma ilhnic nat Dios mepqui apyeycajascaoc napatavo apquilyeyjamcaa. 12 Memyovejec sat Dios Apyimtalhnamo acmamayaclha, acvisay yingmin acpaliyam as nalhpop, elvitac sat acyilhna naysicsa apquilvascapma apquiltamjaycam quellhip. Elvac sat enlhitaoc naciones, eltimjic apquilmaycaoc nasa nipyesicsa quellhip. Jave quellhip, yoyam elmamcoc siclho nipyesicsa enlhitaoc lhalhma anco. 13 Eltimjic sat quellhip malha apquilimja apmamyi ayinyema Dios, jave apquilimja alhayi. Eltimjic sat apquilyimtalhnamo, malha netin anco, jave coning mepqui apquilyimtalhnamo. Incaymalhquic quellhip elsavojo apquilyiplovquiscama singanamaclha Dios siclingascama coo quilhvo nac jay. 14 Noelvatsaoc nasa apquilyiplovquiscama actema nac jay. Noeltingya nasa quilaycmasquiscama acyitsomalhca dios, noeltime nasa apquilayo.
Acmasom ayinyema mepqui ningilyajayquiclho
(Lv 26.14-46)15 Am sat ancoc elyajaclhoc quellhip appayvam ayinyema Dios. Am sat ancoc elyiplovcasac quellhip singanamaclha Dios, siltimnascama quellhip quilhvo nac jay. Ellingamcojoc sat quellhip moclhama acyimtalhnama: 16 Eltanovacpoc sat quellhip apnaycam amyip najan apnaycam tingma apvanyam. 17 Melvityejec sat pan congne aplhancoc, melvityejec sat motajap apyelaquiscama. 18 Elitsapoc sat apquitquic quellhip, melvityejec sat acyilhna, melvityejec sat apnatoscama vayqui ayitcavoc, najan nipquesic apquitcavoc, najan moc apnatoscama ayitcavoc. 19 Melmiyovacpejec sat quellhip naysicsa apquiltamjaycam.
20 Ellingamcojoc sat quellhip acmasom, najan aclhinganyam apquilvalhoc, najan actiyam apquilvalhoc naysicsa apquiltamjaycam quellhip. Enatovasacpoc sat quellhip quilhvoc anco, ayinyema quellhip apquilyamasma Dios naysicsa apquiltemaclha apancaoc. 21 Ingyapajacsic sat Dios Apyimtalhnamo ningmasquem nipyesicsa quellhip, elsovjacpoc sat apquilitsepma as yoclhilhma apquilvoycamlha sat quellhip. 22 Colhic sat ayapajasa ningmasquem colnapoc quellhip ayinyema Dios, najan actemaclha ningilpilhyinamam, najan melhanma ingyimpeoc. Ellingamcojoc sat acyamay olhma najan ascoc acnatovascama ninganma. Mengyaymacpejec sat lhama enlhit as yoclhilhma apquilvoycamlha sat quellhip. 23 Comacyejec sat mataa, colvitalhquejec sat mataa acyilhna. 24 Copalamoc sat lhopactic ayinyema netin, elsovjacpoc sat apquilitsepma quellhip. 25 Elimpocjac sat cotnaja ingmoc nipyesicsa quellhip. Elimpocjac sat quellhip lha apquilpasmeyquiclha, elinyajamcoc sat quellhip apquilhpansomap lhalhma anco. Elvitac sat enlhitaoc lhalhma anco apquiltemaclha quellhip. 26 Elpasmacpoc sat mama najan asoc navjac aclom, colsavojoc sat apjapaoc quellhip, mengyaymacpjejec sat lhama.
27 Colhic sat ayapajasa pascapma colnapoc quellhip ayinyema Dios, acno ilhnic nat siclho yoclhilhma Egipto, najan tumores, najan sarna, najan tiña, melvitay mataa (singmasma panatem sintamilquisquiyam). 28 Ellingamcojoc sat quellhip actemaclha acyeyjamelhma, najan mepqui ingataoc, najan actemaclha ayanem. 29 Colhojoc sat quellhip apquileyvam naysicsa yatescama olhma. Colapvanquejec quellhip ellana lhama asoc. Melmiyovacpejec sat quellhip naysicsa apquiltamjaycam acyimtalhnama, elnatamacpoc sat asoc apancaoc. 30 Etingyac sat lhama enlhit quilvana apponcanma, etnejic aptava. Poc enlhit eyca epatjetamcoc as quilvana. Lhama enlhit ellanac sat tingma pac, melhejec sat maa. Lhama enlhit ecniclhac sat uva avjac, metejec sat mataa acyilhna. 31 Comatong sat enlhit aptoscama vayqui napato avtip, metovejec sat maa. Colhic sat acyantama yamelyeyjaycoc enlhit aptoscama, metejec sat mocjam avtip. Elsavojoc sat cotnaja ingmoc enaliclha enlhit apnatoscama nipquesic, melvotayc sat mocjam. 32 Elmacpoc sat napatavo quellhip apquitquic apquilinava najan quilvanaa, apquilmam metnaja israelitas, melvotayc sat mocjam, mepqui lhama yoyam eltajicsojo. 33 Eltovamcoc sat acyilhna cotnaja ingmoc, ayinyema amyipayc najan apquilcaycaoc quellhip. Ellingamcojoc sat quellhip acyimtalhnama najan apquilyicpilhqueteycaoc cotnaja ingmoc. 34 Colhnanmoc sat apquilvalhoc quellhip, eltimiclhac sat ayanem, apquilvita inlhojo as asoc. 35 Colhic sat ayapajasa pascapma colnapoc quellhip ayinyema Dios, pascapma appilhquipcoc, najan apyayaoc, najan acyovoclhojo apyimpeoc quellhip, melvitay mataa panatem sintamilquisquiyam (mepqui singmasma).
36 Elmacpoc sat quellhip najan apvisqui apancaoc, colhic sat acnalayclha nipyesicsa enlhit naciones melyicpilquemo quellhip. Elanyacpoc sat quellhip eltimjic apquilayo quilaycmasquiscama allanomalhca yamit najan mataymong. 37 Elasmesacpoc sat quellhip, elvennacpoc sat maa, cotipsalhcac sat apquilvisay quellhip as yoclhilhma apquilmomacpilha quellhip. 38 Elquiniclhac sat quellhip cotlaycaoc actic, elvitac sat anit acyilhna, ayinyema sova apnatovascama ninganma. 39 Elquiniclhac sat uva avjac quellhip, eltamilsic sat mataa, melvityejec sat acyilhna, mepqui najan uva ayingmenic, ayinyema ascoc acsovjomo uva avjac. 40 Inquilinmec olivo yamit lhalhma anco, melvityejec sat asoc acmasis olivo ayingmenic, ayinyema acpaliyam acyilhna aclepamco. 41 Quellhip apquitquic apquilinava najan quilvanaa elmacpoc sat, colhic sat acyantama moc yoclhilhma cotnaja apquilaoclha. 42 Colhic sat acnatovasa acyovoclhojo yamtaa najan acyovoclhojo acyilhna, ayinyema aptoycaoc sova. 43 Apquilyimnatem sat eltimjic metnaja israelitas nipyesicsa quellhip, casilhtojoc sat apquilyimnatem quellhip. 44 Mepqui apquilnatam sat eltimjic quellhip, eltimjic sat apquilmaycaoc nasa nipyesicsa metnaja apnaymacoc, mepqui sat solyayem quellhip. Eltimjic sat poc apquilimja apmamyi, quellhip sat apquilimja alhayi.
45 Ellingamcojoc sat quellhip as acyimtalhnama, elminlhinacpoc sat quellhip, elsovjacpoc sat apquilitsepma, ayinyema mepqui apquilyajayquiclho quellhip, najan mepqui apquilyiplovquiscama quellhip singanamaclha najan singascamaclha Dios Apyimtalhnamo. 46 Comasquejec sat mataa apquillingaycamco acyimtalhnama quellhip najan aptovana quellhip cotmongvoycamlha nelha. 47 Ayinyema mepqui apquilayo quellhip Dios Apyimtalhnamo, naysicsa actamilaycam apquilvalhoc najan conjamalhca apquilvalhoc, najan ayinyema apquillhoy quellhip cotlaycaoc asoc altamila. 48 Eltimjic sat quellhip apquilmomap, yoyam eltimesam nipyesicsa cotnaja ingmoc, ayinyema Dios. Ellingamcojoc sat quellhip mepqui nintom, mepqui yingmin ningyam, najan mepqui apava apquilantalhnama, najan mepqui asoc ayaymomalhca. Eyimtalhnecsic sat Dios (eyangviscomoc sat) apquillingaycamco acyimtalhnama quellhip apquilmomap, elsovjacpoc sat apquilitsepma quellhip. 49 Elvac sat cotnaja ingmoc apquilinyema mocjay, elimpocjac sat nipyesicsa quellhip ayinyema Dios. Cotlapsic sat apquilvitacpoc, malha mama apvayventama sat cotnejic, enlhitaoc cotnaja nimpayvomó lhama. 50 Malha enlhit nipvajac sat eltimjic, elnapoc sat apquilvanyam najan apquitquic. 51 Eltovamcoc sat nipvajac quellhip apnatoscama ayitcavoc najan acyilhna amyipayc, mepqui aptoycaoc sat cotnejic quellhip. Elsavojoc sat trigo apactic, najan uva ayingmenic, najan olivo ayingmenic, elnapoc sat vayqui ayitcavoc, najan nipquesic apquitcavoc, elsovjacpoc sat quellhip apquilitsepma.
52 Elimpocjac sat cotnaja ingmoc nipyesicsa tingma apquilvanyam quellhip, elnatovacsic sat mataymong apjalhtam tingma, apquilyilhanmeycam mataa quellhip. Elsovjacpoc sat apquilimpocjay tingma apquilvanyam as yoclhilhma macmescama quellhip ayinyema Dios. 53 Naysicsa apquilimpocjay cotnaja ingmoc nipyesicsa quellhip tingma apquilvanyam, colnapoc sat mayic quellhip, eltovamcoc sat apquitquic apancaoc quellhip, najan apquilinava najan quilvana ayitcavoc, macmescama quellhip ayinyema Dios. 54 Avanjec sat etnejic enlhit apmasma aptom napato apyalhing najan naato aptava, najan napatavo apquitquic apquilaymomap. 55 Aplhapcoc sat etoc as enlhit apquitca apmatnam. Mepqui nintom sat cotnejic naysicsa apquilimpocjay cotnaja ingmoc tingma apquilvanyam. Avanjec sat cotnejic apquilay quellhip naysicsa apquillingaycamco acyimtalhnama lhalhma anco tingma apquilvanyam. 56 Colhic sat quilvana ayajamalhco avalhoc, cotimsic sat ayitca, colhanma actiyam ayitca napato atava najan napatavo ayitquic. 57 Comyoc sat ayitca, copocsic sat, metejec sat atava, melvityejec sat ayitquic apquilaymomap. Inlhapcoc sat cotoc ayitca acmatnam, acyiplomo apac actiyam, ayinyema avalhoc. Cosavojoc sat actom as quilvana, ayinyema mepqui nintom lhalhma anco naysicsa apquilimpocjay cotnaja ingmoc.
58 Am sat ancoc elyiplovcasac quellhip singanamaclha acnatalhesomalhca as vaycajac. Am sat ancoc eltomjac apquilayo quellhip actamila apvisay apanco Dios. 59 Ellingamcojoc sat quellhip acyimtalhnama ayinyema Dios colnapoc sat ningmasquem quellhip najan aptovana, meltamalvomejec sat naysicsa acmasca apyimpeoc. 60 Ellingamcojoc sat quellhip ningmasquem acyimtalhnama, acno ilhnic nat yoclhilhma Egipto. 61 Elhamasiclhac sat Dios ningmasquem ataoc najan moc apquillingaycamco acyimtalhnama, mepqui allhenamalhca as vaycajac singillhicmoscama. Elsovjacpoc sat apquilitsepma quellhip. 62 Appintalhnama alhta quellhip israelitas, mongmovan ongilyipsitic, apcanit sat eltimjic apquilaymomap, ayinyema mepqui apquilyajayquiclho Dios. 63 Inlhenquic alhta siclho apvalhoc Dios ingyimlimojoc mataa quellhip najan elhamasiclhac quellhip. Quilhvo eyca aclhanma apvalhoc Dios enatovacsic quellhip, eyinyovsic sat yoclhilhma apquilvoycamlha sat quellhip. 64 Elilhpansacpoc sat quellhip ayinyema Dios nipyesicsa enlhitaoc lhalhma anco, acvaycmo nelha lhapop. Eltimjic sat apquilayo quellhip quilaycmasquiscama acyitsomalhca dios allanomalhca yamit najan mataymong, melyicpilquemo nat apquilyeyjamcaa quellhip. 65 Mepqui apquillovquiscama apquilyampay sat cotnejic quellhip naysicsa apquileyvam nipyesicsa cotnaja apquiltemolhama. Ellingamcojoc sat quellhip actiyam apquilvalhoc, najan acmayovsa apquilvalhoc, najan ayay apquilvalhoc. 66 Ellingamcojoc sat mataa quellhip piligro acmasom, najan ayay apquilvalhoc acnim anco najan alhtaa, mepqui mataa apquilyilhanmeycam quellhip. 67 Avanjec mataa ayay apquilvalhoc quellhip, avanjec mataa apquilvitay acmasom, colhenic sat apquilvalhoc quellhip ayitsac'a: Ningiljalhnec cotnejic alhtaa. Colhenic sat apquilvalhoc alhta: Ningiljalhnec nincoo ayitsay — sat colhenic apquilvalhoc quellhip. 68 Aplhenquic nat Dios melvotayc sat mocjam quellhip yoclhilhma Egipto. Elmiyaclhac sat quellhip netin barcos tiyascam nayingmin acvaycmo yoclhilhma Egipto, eltingya sat apquiltamjaycam malha apquilmomap nipyesicsa cotnaja ingmoc. Elmeyvoc sat apquiltamjaycam egipcios apquiltanoncama quellhip, colapvanqueje quellhip eltamjam — nic nat aptomjac Moisés.
