Jesucristo apquilancam malha singilpilhtetemo aptamila
1 Lhip Timoteo, malha sictamongvoyam. Itne sat lhip apyimnatem ayinyema singamliyam Dios. Ninpasmeyquiclha Jesucristo actomja singyimnatescama. 2 Aplingac alhta mataa lhip amyaa actomja nasoc anco. Altimnasquic alhta mataa napatavo apquiltomja apquilvitaycamco. Ilasina sat lhip poc enlhitaoc apquilpeyvomo apquilmopvan ellhicmocsic apnaymacoc.
3 Lhip aptomja Jesucristo apquilancam, malha singilpilhtetemo aptamila. Ilinmalhacpojo sat lhip acmasca. 4 Eycaso sicyitquiscama: Appasmec sat ancoc apquilnapomacpilha lhama singilpilhtetemo. Am copvanac singilpilhtetemo colhenic apvalhoc yoyam etingya apquilyanmongsomap. Acvamlha apquilyajaclhoc mataa actemaclha apcanama comandante aptomja apvisqui pac. 5 Najan moc sicyitquiscama: Appasmec sat ancoc enlhit apquilyamasomap, malha carrera. Am sat ancoc etamilcasac naysicsa apquinyem, melhquejec sat acyanmongam aptomja apvoyam apmamyi. 6 Najan moc sicyitquiscama: Avanjec sat ancoc aptamjaycam enlhit apquilcacjam, apvanquic etovc apmamyi acyilhna. 7 Colhen apvalhoc lhip actomjaclha sicpayvam. Epasmoc sat Visqui ingac yoyam eyasingvomoc lhip aclhamoclhojo asoc.
8 Iyasingvoclhojo mataa lhip Jesucristo aptomja aplhaticjangviyam nipyesicsa apquilmasquingvaycmo. Aptomja alhta apvisqui David aptavin niptamin. Eycaso tasic amyaa siltimnascama mataa coo. 9 Acnec coo singilpilhtetomaclha ayinyema siclhanma mataa tasic amyaa. Alpilhtetalhquic coo malha enlhit apmapsom. Am eyca colpilhtetaclha tasic amyaa. 10 Aclingamco inyicje acmasca. Altamjo eyca opasmoc apquiltomja Dios apquilyacyescama. Yoyam elvitac sat ningilvomsomalhca tap cotmongvoyam nelha ayinyema ninpasmeyquiclha Cristo Jesús.
11 Eycaso actomja nasoc anco:
Ningitsepavoc sat ancoc lhama Jesucristo, ongnam sat lhama Jesucristo aptomja apjalhnancoc.
12 Ninlingamcoc sat ancoc lhama acmasca, ongilpasmoc sat mataa apcanamaclha aptemaclha Apvisqui.
Am sat ancoc ongillhenac apvisay Jesucristo, melhenejec sat najan ningilvisay napato Dios.
13 Ningilyeycajasquic sat ancoc ninlhanma, Jesucristo eyca meyeycajacsejec mataa aplhanma.
Copvanquejec eyeycajacsic aplhanma Jesucristo.
Enlhit macyipconma actemaclha aptamjaycam
14 Ililtimnas sat lhip Jesucristo apmolhama napato Dios yoyam elvatsamcoc actemaclha apquilatingmoctamo. Actomja alsilhnanoncama enlhitaoc apquiltomja apquiljalhenmo. 15 Itne sat lhip mataa napato Dios malha enlhit apmopvan etnajam. Iyiplovquis sat mataa aptamjaycam yoyam memancayc napato Dios. Ipeyvacsojo sat mataa tasic amyaa actomja nasoc anco. Iyasamcojo sat mataa actomjaclha appayvam yoyam eltimnacsic moclhama ingilyalhinga. 16 Nopasmiclha nasa ingilyalhinga apquiltomja apquillhamasomap. Ayinyemaclha enlhit apquillhamasomap apquiltomja apquilyamasma Dios. Inyangvocmec apquiltemaclha acmasom. 17 Malha pascapma intomjac apquillhicmoscama enlhit apquillhamasomap. Apquilsilhnanacpec alhta ingyalhing Himeneo najan Fileto. 18 Apquilvatsamquic apquilyiplovquiscama actomja nasoc anco. Apquiltomjac mataa apquillhanma: Inyeycaac ningnalhaticjangvoycamlha —alhta apquiltomjac mataa. Apquilvatescasamquic alhta actemaclha melyasquiyam napocja ingilyalhinga, ayinyema apquillhanma mataa. 19 Apquinimcasquic alhta Dios asoc monquinatquiscama acyimnatem, actomja malha mataymong avjac yoyam coyaninejec. Intomjac aclhanma asoc monquinatquiscama: “Apquilyicpilcoc Visqui ingac apquiltomja apmolhama”. Najan moc aclhanma: “Aplhamoclhojo Jesucristo apmolhama, noelvajaniclhojo nasa actemaclha acmasom” —alhta intomjac Dios appayvam.
20 Moc sicyitquiscama: Innamquic aclhamoclhojo asoc congne tingma apvinatem. Innamquic asoc altamila anco allanomalhca oro najan plata. Mongmejec mataa acyovoclhojo acnim. Innamquic najan moc asoc yamaltamila allanomalhca yamit najan yelpa yoyam ongilmam acyovoclhojo acnim. 21 Incaymalhquic mongilpasmiclhejec asoc acmasom. Onlhojoc sat nincoo asoc actamila anco mepqui ningmaycam acyovoclhojo acnim. Onlhojoc sat asoc acponquinomalhca najan asoc acmomalhca, actomja apvisqui apmaycam. Ontimjic sat malha ninpensomalhca yoyam ongillana nintamjaycam actamila.
22 Novjaniclhojo nasa mataa lhip actemaclha ayitsepma apnenyaoc mepqui apnatamcaa. Iyiplovquis sat actemaclha acpeyvomo najan actemaclha mongyasquiyam najan actemaclha ningasicjayo najan actamilaycam ingvalhoc. Ipasmiclha sat apnaymacoc apquiltomja apquiltamilcasomacpo apanco, apquiltomja apquillhanma apvisay Visqui ingac. 23 Nopasmiclha nasa apquiltemaclha apquilatingmomap, malha ayanem appayvam. Coyiplovjoc sat mataa acyimtalhnescama ingvalhoc. 24 Copvanquejec Visqui ingac apquilancam evjaniclhojo actemaclha apquilatingmoctamo. Incaymalhquic cotnejic actamilaycam apvalhoc nipyesicsa aplhamoclhojo enlhitaoc. Incaymalhquic etnejic apquillhicmoscama aptamila. Incaymalhquic etamilsic apvalhoc naysicsa apquiltimesquiscama apmapsom 25 najan naysicsa aptamilquiscasquiclha apquilvalhoc enlhit apquiltomja apquillom. Apvanquic Dios eltimesquisic yoyam elyanmongsic apquilvalhoc as enlhitaoc. Yoyam najan elyicpilcangvomoc actomja nasoc anco. 26 Yoyam najan elvatsamcoc apquiltemaclha apancaoc, malha apnalhaticjay najan malha ayinquitma aljanma yavey diablo. Apquiltomja mocjam almam yavey diablo as enlhitaoc. Inquiltamjoc mataa cotnejic anco actemaclha acmayjayoclha.
Jesucristo apquilancam malha singilpilhtetemo aptamila
1 Lhip Timoteo, malha sictamongvoyam. Itne sat lhip apyimnatem ayinyema singamliyam Dios. Ninpasmeyquiclha Jesucristo actomja singyimnatescama. 2 Aplingac alhta mataa lhip amyaa actomja nasoc anco. Altimnasquic alhta mataa napatavo apquiltomja apquilvitaycamco. Ilasina sat lhip poc enlhitaoc apquilpeyvomo apquilmopvan ellhicmocsic apnaymacoc.
3 Lhip aptomja Jesucristo apquilancam, malha singilpilhtetemo aptamila. Ilinmalhacpojo sat lhip acmasca. 4 Eycaso sicyitquiscama: Appasmec sat ancoc apquilnapomacpilha lhama singilpilhtetemo. Am copvanac singilpilhtetemo colhenic apvalhoc yoyam etingya apquilyanmongsomap. Acvamlha apquilyajaclhoc mataa actemaclha apcanama comandante aptomja apvisqui pac. 5 Najan moc sicyitquiscama: Appasmec sat ancoc enlhit apquilyamasomap, malha carrera. Am sat ancoc etamilcasac naysicsa apquinyem, melhquejec sat acyanmongam aptomja apvoyam apmamyi. 6 Najan moc sicyitquiscama: Avanjec sat ancoc aptamjaycam enlhit apquilcacjam, apvanquic etovc apmamyi acyilhna. 7 Colhen apvalhoc lhip actomjaclha sicpayvam. Epasmoc sat Visqui ingac yoyam eyasingvomoc lhip aclhamoclhojo asoc.
8 Iyasingvoclhojo mataa lhip Jesucristo aptomja aplhaticjangviyam nipyesicsa apquilmasquingvaycmo. Aptomja alhta apvisqui David aptavin niptamin. Eycaso tasic amyaa siltimnascama mataa coo. 9 Acnec coo singilpilhtetomaclha ayinyema siclhanma mataa tasic amyaa. Alpilhtetalhquic coo malha enlhit apmapsom. Am eyca colpilhtetaclha tasic amyaa. 10 Aclingamco inyicje acmasca. Altamjo eyca opasmoc apquiltomja Dios apquilyacyescama. Yoyam elvitac sat ningilvomsomalhca tap cotmongvoyam nelha ayinyema ninpasmeyquiclha Cristo Jesús.
11 Eycaso actomja nasoc anco:
Ningitsepavoc sat ancoc lhama Jesucristo, ongnam sat lhama Jesucristo aptomja apjalhnancoc.
12 Ninlingamcoc sat ancoc lhama acmasca, ongilpasmoc sat mataa apcanamaclha aptemaclha Apvisqui.
Am sat ancoc ongillhenac apvisay Jesucristo, melhenejec sat najan ningilvisay napato Dios.
13 Ningilyeycajasquic sat ancoc ninlhanma, Jesucristo eyca meyeycajacsejec mataa aplhanma.
Copvanquejec eyeycajacsic aplhanma Jesucristo.
Enlhit macyipconma actemaclha aptamjaycam
14 Ililtimnas sat lhip Jesucristo apmolhama napato Dios yoyam elvatsamcoc actemaclha apquilatingmoctamo. Actomja alsilhnanoncama enlhitaoc apquiltomja apquiljalhenmo. 15 Itne sat lhip mataa napato Dios malha enlhit apmopvan etnajam. Iyiplovquis sat mataa aptamjaycam yoyam memancayc napato Dios. Ipeyvacsojo sat mataa tasic amyaa actomja nasoc anco. Iyasamcojo sat mataa actomjaclha appayvam yoyam eltimnacsic moclhama ingilyalhinga. 16 Nopasmiclha nasa ingilyalhinga apquiltomja apquillhamasomap. Ayinyemaclha enlhit apquillhamasomap apquiltomja apquilyamasma Dios. Inyangvocmec apquiltemaclha acmasom. 17 Malha pascapma intomjac apquillhicmoscama enlhit apquillhamasomap. Apquilsilhnanacpec alhta ingyalhing Himeneo najan Fileto. 18 Apquilvatsamquic apquilyiplovquiscama actomja nasoc anco. Apquiltomjac mataa apquillhanma: Inyeycaac ningnalhaticjangvoycamlha —alhta apquiltomjac mataa. Apquilvatescasamquic alhta actemaclha melyasquiyam napocja ingilyalhinga, ayinyema apquillhanma mataa. 19 Apquinimcasquic alhta Dios asoc monquinatquiscama acyimnatem, actomja malha mataymong avjac yoyam coyaninejec. Intomjac aclhanma asoc monquinatquiscama: “Apquilyicpilcoc Visqui ingac apquiltomja apmolhama”. Najan moc aclhanma: “Aplhamoclhojo Jesucristo apmolhama, noelvajaniclhojo nasa actemaclha acmasom” —alhta intomjac Dios appayvam.
20 Moc sicyitquiscama: Innamquic aclhamoclhojo asoc congne tingma apvinatem. Innamquic asoc altamila anco allanomalhca oro najan plata. Mongmejec mataa acyovoclhojo acnim. Innamquic najan moc asoc yamaltamila allanomalhca yamit najan yelpa yoyam ongilmam acyovoclhojo acnim. 21 Incaymalhquic mongilpasmiclhejec asoc acmasom. Onlhojoc sat nincoo asoc actamila anco mepqui ningmaycam acyovoclhojo acnim. Onlhojoc sat asoc acponquinomalhca najan asoc acmomalhca, actomja apvisqui apmaycam. Ontimjic sat malha ninpensomalhca yoyam ongillana nintamjaycam actamila.
22 Novjaniclhojo nasa mataa lhip actemaclha ayitsepma apnenyaoc mepqui apnatamcaa. Iyiplovquis sat actemaclha acpeyvomo najan actemaclha mongyasquiyam najan actemaclha ningasicjayo najan actamilaycam ingvalhoc. Ipasmiclha sat apnaymacoc apquiltomja apquiltamilcasomacpo apanco, apquiltomja apquillhanma apvisay Visqui ingac. 23 Nopasmiclha nasa apquiltemaclha apquilatingmomap, malha ayanem appayvam. Coyiplovjoc sat mataa acyimtalhnescama ingvalhoc. 24 Copvanquejec Visqui ingac apquilancam evjaniclhojo actemaclha apquilatingmoctamo. Incaymalhquic cotnejic actamilaycam apvalhoc nipyesicsa aplhamoclhojo enlhitaoc. Incaymalhquic etnejic apquillhicmoscama aptamila. Incaymalhquic etamilsic apvalhoc naysicsa apquiltimesquiscama apmapsom 25 najan naysicsa aptamilquiscasquiclha apquilvalhoc enlhit apquiltomja apquillom. Apvanquic Dios eltimesquisic yoyam elyanmongsic apquilvalhoc as enlhitaoc. Yoyam najan elyicpilcangvomoc actomja nasoc anco. 26 Yoyam najan elvatsamcoc apquiltemaclha apancaoc, malha apnalhaticjay najan malha ayinquitma aljanma yavey diablo. Apquiltomja mocjam almam yavey diablo as enlhitaoc. Inquiltamjoc mataa cotnejic anco actemaclha acmayjayoclha.
