Apquimpocjay David
(1~Cr 18.1-13)1 Apquillanac nic nat quimpocjacme David nipyesicsa filisteos. Inmasquec nic nat apquiltimem apquilviscaa filisteos yoclhilhma Israel. 2 Apquilmacpec nic nat moabitas yoyam eticyo. Apquilanyacpec nic nat apquilmomap, yoyam elyitnamojoc lhama mataa poc. Apquilpeyvasquic nic nat tama tacjaplhit apquilyitnama. Apquilpeyvasquic nic nat tama acvaycmo anit, eticyoc sat apquilyipsatomap coning tama. Mocjam lhama tama apquilpeyvascama nic nat, elmiyovacpoc apquilmomap. Apquilanyacpec nic nat eltimesam apvisqui David. Apquilanyacpec nic nat elyinyoc acyivey acyanmongam tributo.
3 Moc nic nat quimpocjacme David. Apmacpec nic nat apvisqui Hadad-ezer, apyap nic nat Rehob, apvisqui nic nat tingma Soba. Apquiltamjoc nic nat esavojo apcanamaclha Hadad-ezer yoclhilhma vatsam Éufrates. 4 Apquilmacpec nic nat cotnaja ingmoc mil setecientos nolhing apcapaoc najan veinte mil enlhitaoc nalhapaoc. Apquilmiyovcacpec nic nat nolhing apquilyinyovascama cien carros. Inquilyatemenalhquic nic nat apjajac poc nolhing apquilaymomap.
5 Apquilvaac nic nat co Siria apquilinyema tingma Damasco. Apquilpecjam nic nat elpasmoc Hadad-ezer apvisqui co Soba. Apticyovquic nic nat co Siria ventidós mil singilpilhtetemo. 6 Apquilanyacpec nic nat apquilviscaa apquiltamilquiscama nipyesicsa co Siria de Damasco. Apquiltimesam nic nat mataa co Siria. Apquilhaquic nic nat mataa tributo acyivey acyanmongam. Apyimnatem apanco ilhnic nat David lhalhma anco ayinyema Dios.
7 Apcansaclhec nic nat David apquilmaycam apquilajapquiscama alanomalhca oro asoc alyinmom. Apquilmaycam nic nat apancaoc apquilviscaa apquillhalhmaa Hadad-ezer. Apquilpatmaoclhec nic nat tingma Jerusalén. 8 Apcansaclhec nic nat David aclhamoclhojo tava ápac bronce tingma Beta najan Berotai, tingma apcanamaclha ilhnic nat siclho Hadad-ezer. 9 Aplingac nic nat amyaa apvisqui Toi tingma Hamat, apticyovam apyovoclhojo apquillhalhmaa Hadad-ezer. 10 Apcapajasquic nic nat Toi apcanyacpo apquitca Joram, epatmaoclha plata najan oro asoc alyinmom najan asoc alanomalhca bronce. Actomja ilhnic nat apmescama nasa aplhoy apvisqui David. Ayinyema ilhnic nat apyimnatem apanco David naysicsa apquilimpocjay Hadad-ezer. Najan apvisqui Toi apquillanac nic nat quimpocjacme Hadad-ezer. 11 Apcansaclhec nic nat David aclhamoclhojo asoc, najan oro najan plata asoc alyinmom ayinyema lhalhma anco. Innec nic nat acponquinquisa tingma apponquinomap macmescama Dios. 12 Alinyema ilhnic nat as asoc yoclhilhma Edom, yoclhilhma Moab, yoclhilhma Amón, yoclhilhma Filistea, yoclhilhma Amalec, najan ayinyema siclho quimpocjacme apvisqui Hadad-ezer, Rehob apquitca, apvisqui co Soba.
13 Apyimtalhnamo apanco ilhnic nat David. Apquillanac nic nat quimpocjacme nipyesicsa edomitas. Apticyovquic nic nat dieciocho mil enlhitaoc, payjoc alvata yancomilh. 14 Apquilanyacpec nic nat apquilviscaa apquilyimtalhnamo nipyesicsa co Edom. Apquiltimesam nic nat mataa co Edom apvisqui David. Appasmom nic nat mataa Dios apvoycamlha David lhalhma anco.
Apquilviscaa apquilyimtalhnamo
(2~S 20.23-261~Cr 18.14-17)15 Aptimem nic nat David apvisqui nipyesicsa enlhitaoc Israel. Aptemaclha ilhnic nat appeyvomo najan appeyvescasquiclha nipyesicsa enlhitaoc. 16 Singilpilhtetemo apvisqui ilhnic nat Joab, apyap nic nat Sarvia. Poc nic nat secretario apvisay Josafat, apyap nic nat Ahilud. 17 Poc nic nat sacerdotes apvisay Sadoc, apyap nic nat Ahitob, poc nic nat apvisay Ahimelec, apyap nic nat Abiatar. Poc nic nat cronista aptalhescama vaycajac apvisay Seraías. 18 Poc nic nat aptamilquiscama guardia cereteos najan peleteos apvisay Benaia, apyap nic nat Joiada. Sacerdotes nic nat najan David apquitquic.
Apquimpocjay David
(1~Cr 18.1-13)1 Apquillanac nic nat quimpocjacme David nipyesicsa filisteos. Inmasquec nic nat apquiltimem apquilviscaa filisteos yoclhilhma Israel. 2 Apquilmacpec nic nat moabitas yoyam eticyo. Apquilanyacpec nic nat apquilmomap, yoyam elyitnamojoc lhama mataa poc. Apquilpeyvasquic nic nat tama tacjaplhit apquilyitnama. Apquilpeyvasquic nic nat tama acvaycmo anit, eticyoc sat apquilyipsatomap coning tama. Mocjam lhama tama apquilpeyvascama nic nat, elmiyovacpoc apquilmomap. Apquilanyacpec nic nat eltimesam apvisqui David. Apquilanyacpec nic nat elyinyoc acyivey acyanmongam tributo.
3 Moc nic nat quimpocjacme David. Apmacpec nic nat apvisqui Hadad-ezer, apyap nic nat Rehob, apvisqui nic nat tingma Soba. Apquiltamjoc nic nat esavojo apcanamaclha Hadad-ezer yoclhilhma vatsam Éufrates. 4 Apquilmacpec nic nat cotnaja ingmoc mil setecientos nolhing apcapaoc najan veinte mil enlhitaoc nalhapaoc. Apquilmiyovcacpec nic nat nolhing apquilyinyovascama cien carros. Inquilyatemenalhquic nic nat apjajac poc nolhing apquilaymomap.
5 Apquilvaac nic nat co Siria apquilinyema tingma Damasco. Apquilpecjam nic nat elpasmoc Hadad-ezer apvisqui co Soba. Apticyovquic nic nat co Siria ventidós mil singilpilhtetemo. 6 Apquilanyacpec nic nat apquilviscaa apquiltamilquiscama nipyesicsa co Siria de Damasco. Apquiltimesam nic nat mataa co Siria. Apquilhaquic nic nat mataa tributo acyivey acyanmongam. Apyimnatem apanco ilhnic nat David lhalhma anco ayinyema Dios.
7 Apcansaclhec nic nat David apquilmaycam apquilajapquiscama alanomalhca oro asoc alyinmom. Apquilmaycam nic nat apancaoc apquilviscaa apquillhalhmaa Hadad-ezer. Apquilpatmaoclhec nic nat tingma Jerusalén. 8 Apcansaclhec nic nat David aclhamoclhojo tava ápac bronce tingma Beta najan Berotai, tingma apcanamaclha ilhnic nat siclho Hadad-ezer. 9 Aplingac nic nat amyaa apvisqui Toi tingma Hamat, apticyovam apyovoclhojo apquillhalhmaa Hadad-ezer. 10 Apcapajasquic nic nat Toi apcanyacpo apquitca Joram, epatmaoclha plata najan oro asoc alyinmom najan asoc alanomalhca bronce. Actomja ilhnic nat apmescama nasa aplhoy apvisqui David. Ayinyema ilhnic nat apyimnatem apanco David naysicsa apquilimpocjay Hadad-ezer. Najan apvisqui Toi apquillanac nic nat quimpocjacme Hadad-ezer. 11 Apcansaclhec nic nat David aclhamoclhojo asoc, najan oro najan plata asoc alyinmom ayinyema lhalhma anco. Innec nic nat acponquinquisa tingma apponquinomap macmescama Dios. 12 Alinyema ilhnic nat as asoc yoclhilhma Edom, yoclhilhma Moab, yoclhilhma Amón, yoclhilhma Filistea, yoclhilhma Amalec, najan ayinyema siclho quimpocjacme apvisqui Hadad-ezer, Rehob apquitca, apvisqui co Soba.
13 Apyimtalhnamo apanco ilhnic nat David. Apquillanac nic nat quimpocjacme nipyesicsa edomitas. Apticyovquic nic nat dieciocho mil enlhitaoc, payjoc alvata yancomilh. 14 Apquilanyacpec nic nat apquilviscaa apquilyimtalhnamo nipyesicsa co Edom. Apquiltimesam nic nat mataa co Edom apvisqui David. Appasmom nic nat mataa Dios apvoycamlha David lhalhma anco.
Apquilviscaa apquilyimtalhnamo
(2~S 20.23-261~Cr 18.14-17)15 Aptimem nic nat David apvisqui nipyesicsa enlhitaoc Israel. Aptemaclha ilhnic nat appeyvomo najan appeyvescasquiclha nipyesicsa enlhitaoc. 16 Singilpilhtetemo apvisqui ilhnic nat Joab, apyap nic nat Sarvia. Poc nic nat secretario apvisay Josafat, apyap nic nat Ahilud. 17 Poc nic nat sacerdotes apvisay Sadoc, apyap nic nat Ahitob, poc nic nat apvisay Ahimelec, apyap nic nat Abiatar. Poc nic nat cronista aptalhescama vaycajac apvisay Seraías. 18 Poc nic nat aptamilquiscama guardia cereteos najan peleteos apvisay Benaia, apyap nic nat Joiada. Sacerdotes nic nat najan David apquitquic.
