Apyanmongsayclha Dios apquiltemaclha israelitas
(1~Cr 21.1-17)1 Aplovquic nic nat Dios apvita apquiltemaclha israelitas. Apcanyacpec nic nat apvisqui David elyipsitic apyovoclhojo enlhitaoc Israel najan Judá.
2 Aptomjac nic nat David apcanya Joab najan apquillhalhmaa: —Elyas maa, elsavojo apquilipsatem apquilmolhama Israel, ayenmo yoclhilhma Dan acvaycmo Beerseba. Elyipsitaoc apyovoclhojo enlhitaoc, yoyam oyasamcojo apquilvamlha maa — nic nat aptomjac David.
3 Apcatingmavoc nic nat Joab: —Lhip visqui ingac. Apvanquic Dios elhamasiclha enlhitaoc mongmovan ongilyipsitic, malha cien veces. Etac sat lhip enlhitaoc aplhamayclha. ¿So actomja yi colhic alyipsata enlhitaoc? — nic nat aptomjac Joab.
4 Am nic nat copvanac elyacsilhma Joab najan apquillhalhmaa. Apquilmiyaclhec nic nat yoyam elyipsitic apyovoclhojo enlhitaoc. 5 Apquiljalhtipilhquitquic nic nat vatsam Jordán. Apquilyipsatquic nic nat tingma Aroer najan tingma payjoc alvata acyascama tingma Gad najan Jazer. 6 Apquilmiyaclhec nic nat Galaad najan Cades apquileyvomaclha hititas. Apquilvocmec nic nat Dan najan moc nicja Sidón. 7 Apquilvocmec nic nat apquilyilhanmomaclha Tiro najan tingma apancaoc heveos najan cananeos. Apquilvocmec nic nat nipiyam yoclhilhma Judá, tingma Beerseba. 8 Apvocmec nic nat nueve piltin najan veinte acnim. Apquilsovjoc nic nat yoclhilhma, apquiltajavo tingma Jerusalén. 9 Apquiltimnasquic nic nat Joab apquilvamlha enlhitaoc acma apquilmaycam yoclhilhma Israel. Ochocientos mil enlhitaoc Israel najan quinientos mil enlhitaoc Judá apquilmolhama.
10 Aplhenquic nic nat apvisqui David napato Dios aptemaclha apsilhnanomap apanco, ayinyema malyipsatem enlhitaoc.
Aptomjac nic nat apvisqui David: —Avanjec sicsilhnanomalhca ajanco ayinyema malyipsatem enlhitaoc. Lhip Dios Apyimtalhnamo, coo sicvisay silancam lhip. Jeyasicjiclhojo sat mocjam sictemaclha acyeyjamelhma — nic nat aptomjac.
11 Aplhaticjac nic nat secaseclha apvisqui David. Apcanyacpec nic nat Gad profeta Dios apcasinancama epamejitsic apvisqui David. 12 Ityaningvomjo sat apvisqui David. Iltimnas sat sicpayvam siclhanma natqui asoc yoyam covac sat. Apvanquic elyacyecsic apvisqui David, yavamlha otnejic coo — nic nat aptomjac Dios.
13 Apmiyaclhec nic nat profeta Gad apnaclha apvisqui David, aptomja apcanya: —Ilyacyes sat lhip lhama asoc, yoyam covac sat: Lhama siclho, mayic ataoc acvaycmo siete años. Moc najan, macyamascam lhip ayinyema cotnaja ingmoc acvaycmo tres piltin. Moc najan, ningmasquem alnapma lhalhma anco acvaycmo tres acnim. Jeltimnas sat lhip aclhanma apvalhoc, yoyam ongvatingmojo sat Dios aptomja seyapajascama — nic nat aptomjac profeta.
14 Apcatingmavoc nic nat apvisqui David: —Intiyacmec evalhoc coo siclinga. Actamila anco jemoc coo Dios aptomja singasicjayo, am colhno jingilmoc enlhitaoc — nic nat aptomjac David.
15 Apcapajasquic nic nat Dios ningmasquem alnapma enlhitaoc Israel acvaycmo tres acnim. Apquilitsepquic nic nat setenta mil enlhitaoc, ayenmo yoclhilhma Dan acvaycmo Beerseba. 16 Apvaac nic nat ángel apquilnapma tingma Jerusalén. Inquimjapeclhec nic nat apvalhoc Dios Apyimtalhnamo. Apcanama ángel apquilnapma: ¡Vamlha! ¡Nolnajap nasa mocjam! — nic nat aptomjac Dios.
Apnec nic nat ángel apquilnapma payjoc acliclamaclha trigo apactic, actomja apanco Arauna jebuseo. 17 Pilapcasquic nic nat apvisqui David apvita ángel apquilnapma.
Aptomjac nic nat David apcanya Dios: —¡Coo ayinyema sicsilhnanomalhca ajanco! Jave apquilmapsomcaa enlhitaoc. Iyanmongsiclha sat lhip sictemaclha coo najan sicmolhama — nic nat aptomjac David.
Mataymong ningilmalhnancamaclha
(1~Cr 21.18-27)18 Apmiyaclhec nic nat profeta Gad as acnim apnaclha David. Aptomjac nic nat apcanya elanac sat mataymong mayicjescama ningilmalhnancamaclha, payjoc acliclamaclha trigo apactic Arauna jebuseo. 19 Apmiyaclhec nic nat apvisqui David elanac maa, acno apcanama siclho profeta Gad. 20 Pilapcasquic nic nat Arauna apvita apquilhyam apvisqui David najan apquillhalhmaa. Apquilamyilhamquic nic nat apnalhpolintamo apnaclha apvisqui David.
21 Aptomjac nic nat Arauna apcanya apvisqui: —¿So aptingya yi visqui ingac? Coo nac silancam lhip — nic nat aptomjac
Apcatingmavoc nic nat apvisqui David: —Pac oyanmongsic amyip ayitcoc acliclamaclha trigo apactic. Olanac sat mayicjescama mataymong ningilmalhnancamaclha Dios Apyimtalhnamo. Comascoc sat ningmasquem alnapma — nic nat aptomjac apvisqui.
22 Apcatingmavoc nic nat Arauna: —Itne sat lhip apanco mepqui acyanmongam. Elanac sat macmescama Dios. Ilnajap sat sicnatoscama vayqui najan actemaclha macmescama Dios. Vayqui nanyetic najan yamit ningilticpaycam acyilhna cotnejic sat alhpongja apvatnamaclha. 23 Eycaso sicmescama nasa lhip mepqui acyanmongam. Epasmoc sat lhip Dios — nic nat aptomjac Arauna.
24 Apcatingmavoc nic nat apvisqui David: —Oyinyoc sat acyanmongam sicmam amyip ayitcoc. Movanquejec olanac asoc macmescama Dios ayinyema asoc siclhoy mepqui acyanmongam — nic nat aptomjac David.
Apmec nic nat apvisqui David amyip ayitcoc najan vayqui acyanmongam cincuenta monedas de plata. 25 Apquillanac nic nat mataymong ningilmalhnancamaclha Dios Apyimtalhnamo. Apquilnapquic nic nat apnatoscama macmescama Dios acyanmongam mongilyascalhma. Najan macmescama Dios actemaclha singasicjayquiclha mocjam. Apjalhnoc nic nat apquilmalhnancama Dios. Apcasicjaclhec nic nat mocjam enlhitaoc. Inmasquec nic nat ningmasquem nipyesicsa enlhitaoc Israel.
Apyanmongsayclha Dios apquiltemaclha israelitas
(1~Cr 21.1-17)1 Aplovquic nic nat Dios apvita apquiltemaclha israelitas. Apcanyacpec nic nat apvisqui David elyipsitic apyovoclhojo enlhitaoc Israel najan Judá.
2 Aptomjac nic nat David apcanya Joab najan apquillhalhmaa: —Elyas maa, elsavojo apquilipsatem apquilmolhama Israel, ayenmo yoclhilhma Dan acvaycmo Beerseba. Elyipsitaoc apyovoclhojo enlhitaoc, yoyam oyasamcojo apquilvamlha maa — nic nat aptomjac David.
3 Apcatingmavoc nic nat Joab: —Lhip visqui ingac. Apvanquic Dios elhamasiclha enlhitaoc mongmovan ongilyipsitic, malha cien veces. Etac sat lhip enlhitaoc aplhamayclha. ¿So actomja yi colhic alyipsata enlhitaoc? — nic nat aptomjac Joab.
4 Am nic nat copvanac elyacsilhma Joab najan apquillhalhmaa. Apquilmiyaclhec nic nat yoyam elyipsitic apyovoclhojo enlhitaoc. 5 Apquiljalhtipilhquitquic nic nat vatsam Jordán. Apquilyipsatquic nic nat tingma Aroer najan tingma payjoc alvata acyascama tingma Gad najan Jazer. 6 Apquilmiyaclhec nic nat Galaad najan Cades apquileyvomaclha hititas. Apquilvocmec nic nat Dan najan moc nicja Sidón. 7 Apquilvocmec nic nat apquilyilhanmomaclha Tiro najan tingma apancaoc heveos najan cananeos. Apquilvocmec nic nat nipiyam yoclhilhma Judá, tingma Beerseba. 8 Apvocmec nic nat nueve piltin najan veinte acnim. Apquilsovjoc nic nat yoclhilhma, apquiltajavo tingma Jerusalén. 9 Apquiltimnasquic nic nat Joab apquilvamlha enlhitaoc acma apquilmaycam yoclhilhma Israel. Ochocientos mil enlhitaoc Israel najan quinientos mil enlhitaoc Judá apquilmolhama.
10 Aplhenquic nic nat apvisqui David napato Dios aptemaclha apsilhnanomap apanco, ayinyema malyipsatem enlhitaoc.
Aptomjac nic nat apvisqui David: —Avanjec sicsilhnanomalhca ajanco ayinyema malyipsatem enlhitaoc. Lhip Dios Apyimtalhnamo, coo sicvisay silancam lhip. Jeyasicjiclhojo sat mocjam sictemaclha acyeyjamelhma — nic nat aptomjac.
11 Aplhaticjac nic nat secaseclha apvisqui David. Apcanyacpec nic nat Gad profeta Dios apcasinancama epamejitsic apvisqui David. 12 Ityaningvomjo sat apvisqui David. Iltimnas sat sicpayvam siclhanma natqui asoc yoyam covac sat. Apvanquic elyacyecsic apvisqui David, yavamlha otnejic coo — nic nat aptomjac Dios.
13 Apmiyaclhec nic nat profeta Gad apnaclha apvisqui David, aptomja apcanya: —Ilyacyes sat lhip lhama asoc, yoyam covac sat: Lhama siclho, mayic ataoc acvaycmo siete años. Moc najan, macyamascam lhip ayinyema cotnaja ingmoc acvaycmo tres piltin. Moc najan, ningmasquem alnapma lhalhma anco acvaycmo tres acnim. Jeltimnas sat lhip aclhanma apvalhoc, yoyam ongvatingmojo sat Dios aptomja seyapajascama — nic nat aptomjac profeta.
14 Apcatingmavoc nic nat apvisqui David: —Intiyacmec evalhoc coo siclinga. Actamila anco jemoc coo Dios aptomja singasicjayo, am colhno jingilmoc enlhitaoc — nic nat aptomjac David.
15 Apcapajasquic nic nat Dios ningmasquem alnapma enlhitaoc Israel acvaycmo tres acnim. Apquilitsepquic nic nat setenta mil enlhitaoc, ayenmo yoclhilhma Dan acvaycmo Beerseba. 16 Apvaac nic nat ángel apquilnapma tingma Jerusalén. Inquimjapeclhec nic nat apvalhoc Dios Apyimtalhnamo. Apcanama ángel apquilnapma: ¡Vamlha! ¡Nolnajap nasa mocjam! — nic nat aptomjac Dios.
Apnec nic nat ángel apquilnapma payjoc acliclamaclha trigo apactic, actomja apanco Arauna jebuseo. 17 Pilapcasquic nic nat apvisqui David apvita ángel apquilnapma.
Aptomjac nic nat David apcanya Dios: —¡Coo ayinyema sicsilhnanomalhca ajanco! Jave apquilmapsomcaa enlhitaoc. Iyanmongsiclha sat lhip sictemaclha coo najan sicmolhama — nic nat aptomjac David.
Mataymong ningilmalhnancamaclha
(1~Cr 21.18-27)18 Apmiyaclhec nic nat profeta Gad as acnim apnaclha David. Aptomjac nic nat apcanya elanac sat mataymong mayicjescama ningilmalhnancamaclha, payjoc acliclamaclha trigo apactic Arauna jebuseo. 19 Apmiyaclhec nic nat apvisqui David elanac maa, acno apcanama siclho profeta Gad. 20 Pilapcasquic nic nat Arauna apvita apquilhyam apvisqui David najan apquillhalhmaa. Apquilamyilhamquic nic nat apnalhpolintamo apnaclha apvisqui David.
21 Aptomjac nic nat Arauna apcanya apvisqui: —¿So aptingya yi visqui ingac? Coo nac silancam lhip — nic nat aptomjac
Apcatingmavoc nic nat apvisqui David: —Pac oyanmongsic amyip ayitcoc acliclamaclha trigo apactic. Olanac sat mayicjescama mataymong ningilmalhnancamaclha Dios Apyimtalhnamo. Comascoc sat ningmasquem alnapma — nic nat aptomjac apvisqui.
22 Apcatingmavoc nic nat Arauna: —Itne sat lhip apanco mepqui acyanmongam. Elanac sat macmescama Dios. Ilnajap sat sicnatoscama vayqui najan actemaclha macmescama Dios. Vayqui nanyetic najan yamit ningilticpaycam acyilhna cotnejic sat alhpongja apvatnamaclha. 23 Eycaso sicmescama nasa lhip mepqui acyanmongam. Epasmoc sat lhip Dios — nic nat aptomjac Arauna.
24 Apcatingmavoc nic nat apvisqui David: —Oyinyoc sat acyanmongam sicmam amyip ayitcoc. Movanquejec olanac asoc macmescama Dios ayinyema asoc siclhoy mepqui acyanmongam — nic nat aptomjac David.
Apmec nic nat apvisqui David amyip ayitcoc najan vayqui acyanmongam cincuenta monedas de plata. 25 Apquillanac nic nat mataymong ningilmalhnancamaclha Dios Apyimtalhnamo. Apquilnapquic nic nat apnatoscama macmescama Dios acyanmongam mongilyascalhma. Najan macmescama Dios actemaclha singasicjayquiclha mocjam. Apjalhnoc nic nat apquilmalhnancama Dios. Apcasicjaclhec nic nat mocjam enlhitaoc. Inmasquec nic nat ningmasquem nipyesicsa enlhitaoc Israel.
