1 Apmiyaclhec nic nat apvisqui Roboam tingma Jerusalén. Apcansaclhec nic nat aplhamoclhojo co Judá najan apquilmolhama Benjamín. Ciento ochenta mil enlhitaoc acma apquilmaycam aptomja apquilyacyescama. Apquiltamjoc nic nat elimpocjac enlhitaoc Israel. Apquililtamjoc nic nat etniclha apvisqui apyimtalhnamo apvisay Salomón apquitca niptamin. 2 Aplingac nic nat Dios Visqui ingac appayvam profeta Semaías, aptomja Dios aplingascama: 3 Ipamejitquis sat lhip Salomón apquitca Roboam, aptomja apvisqui nipyesicsa co Judá. Ipamejitquis sat enlhitaoc apquilmolhama Judá najan apquilmolhama Benjamín najan poc enlhitaoc. Itne sat lhip elanic: 4 Eycaso Dios Visqui ingac appayvam: Noelimpocja nasa enlhitaoc Israel, apquiltomja apquilmolhama quellhip. Eltajiclha sat quellhip. Coo eyca sictimesquiscama as asoc — sat itne elanic — nic nat intomjac Visqui ingac appayvam.
Apquiljalhnoc nic nat enlhitaoc Visqui ingac appayvam. Apquiltajaclhec nic nat. Apquilyajaclhoc nic nat actemaclha appayvam.
Apcanama Roboam elvascapoc apquiltamjaycam enlhit
5 Apcanama ilhnic nat apvisqui Roboam, colhic allana tingma apquilvanyam acma apjalhtam apquileyvomaclha co Judá. 6 Apcanama ilhnic nat colhic acyimnatesa tingma Belén, najan Etam, najan Tecoa, 7 Bet-sur, najan Soco, najan Adulam, 8 najan Gat, najan Maresa, najan Zif, 9 najan tingma Adoraim, najan Laquis, najan Azeca, 10 najan Zora, najan Ajalón, najan Hebrón. Eycaso ilhnic nat tingma apquilyimnatem apancaoc apquilmolhama Judá najan apquilmolhama Benjamín. 11 Apquillanac nic nat apquilyilhanmomaclha singilpilhtetemo najan apquilviscaa comandantes, najan acyivey nintom, najan aceite, najan uva ayingmenic. 12 Aptingyasquic nic nat apquilmaycam ningajapsomalhca najan sovjeva apquillhoy moclhama enlhit najan moclhama tingma apquilyimnatem. Apvisqui apyimtalhnamo ilhnic nat Roboam nipyesicsa co Judá najan co Benjamín.
13 Apquilvoctac nic nat apyovoclhojo sacerdotes najan levitas co Israel, yoyam ingyaniclhac maa apnaclha apvisqui Roboam. 14 Apquilyinyovquic nic nat amyip najan piquetes apancaoc levitas, yoyam elhnam tingma Jerusalén najan Judá. Apquilinmelham nic nat Jeroboam najan apnaymacoc. Colapvanquejec mataa sacerdotes najan apnaymacoc eltamjam napato Dios Visqui ingac. 15 Poc nic nat sacerdotes apquilanyomap eltimesam acyitnamaclha quilaycmasquiscama, ayinyema apquilyacyescama siclho Jeroboam, yoyam colhic ayaco yavey najan quilaycmasquiscama vayqui najan nipquesic acyitsomalhca dios. 16 Apquilyiplaclhec nic nat aplhamoclhojo co Israel meltomja apquilyamasma Dios Visqui apancaoc apquilyeyjamcaa, apquilmiyaclho tingma Jerusalén elpalhavomoc maa sacerdotes najan levitas, acyiplomo apquilmescama asoc macmescama Dios. 17 Apquiltimescasquic nic nat apquilpasmeyquiclha, yoyam etnejic apyimnatem apvisqui Roboam, Salomón apquitca, acvaycmo tres años. Acvamlha ilhnic nat tres años apquilyiplayclho nintemaclha acpeyvomo, apno ilhnic nat apquilyeyjamcaa David najan Salomón.
18 Roboam aptava ilhnic nat acvisay Mahalat, inyap nic nat Jerimot, apyap nic nat David. Mahalat inquin nic nat Abihail, inyata ilhnic nat Eliab. Eliab apyap nic nat Isaí. 19 Apquitquic nic nat Roboam najan aptava Mahalat apvisay: Jehús, najan Semarías, najan Zaham. 20 Aptimec nic nat mocjam aptava acvisay Maaca, Absalón apquitca. Ayitquic nic nat apvisay: Abíam, najan Atai, najan Ziza, najan Selomit. 21 Dieciocho apnatamcaa ilhnic nat Roboam, najan maa sesenta quilvanaa moc apnatamcaa. Avanjec nic nat apcasicjayo aptava Maaca, am colhno moc apnatamcaa. Apvitac nic nat veintiocho apquitquic apquilinava najan sesenta apquitquic quilvanaa ayitcoc.
22 Aptimesacpec nic nat Abiam, Maaca ayitca etnejic apquimja apmamyi nipyesicsa Roboam apquitquic. Apquiltamjoc nic nat Roboam etnesquisic apvisqui niptamin. 23 Apquillhocac nic nat apquitquic apquilcaycaoc yoclhilhma apancaoc co Judá najan co Benjamín. Apquillhocac nic nat tingma apquilvanyam, eltimjic maa apquilviscaa. Apquillhocac nic nat cotlaycaoc nintom mepqui ninsovjomo, najan maa aclhamoclhojo quilvanaa eltimjic apnatamcaa, ayinyema aptingyasquiscama mataa apquilyap Roboam.
1 Apmiyaclhec nic nat apvisqui Roboam tingma Jerusalén. Apcansaclhec nic nat aplhamoclhojo co Judá najan apquilmolhama Benjamín. Ciento ochenta mil enlhitaoc acma apquilmaycam aptomja apquilyacyescama. Apquiltamjoc nic nat elimpocjac enlhitaoc Israel. Apquililtamjoc nic nat etniclha apvisqui apyimtalhnamo apvisay Salomón apquitca niptamin. 2 Aplingac nic nat Dios Visqui ingac appayvam profeta Semaías, aptomja Dios aplingascama: 3 Ipamejitquis sat lhip Salomón apquitca Roboam, aptomja apvisqui nipyesicsa co Judá. Ipamejitquis sat enlhitaoc apquilmolhama Judá najan apquilmolhama Benjamín najan poc enlhitaoc. Itne sat lhip elanic: 4 Eycaso Dios Visqui ingac appayvam: Noelimpocja nasa enlhitaoc Israel, apquiltomja apquilmolhama quellhip. Eltajiclha sat quellhip. Coo eyca sictimesquiscama as asoc — sat itne elanic — nic nat intomjac Visqui ingac appayvam.
Apquiljalhnoc nic nat enlhitaoc Visqui ingac appayvam. Apquiltajaclhec nic nat. Apquilyajaclhoc nic nat actemaclha appayvam.
Apcanama Roboam elvascapoc apquiltamjaycam enlhit
5 Apcanama ilhnic nat apvisqui Roboam, colhic allana tingma apquilvanyam acma apjalhtam apquileyvomaclha co Judá. 6 Apcanama ilhnic nat colhic acyimnatesa tingma Belén, najan Etam, najan Tecoa, 7 Bet-sur, najan Soco, najan Adulam, 8 najan Gat, najan Maresa, najan Zif, 9 najan tingma Adoraim, najan Laquis, najan Azeca, 10 najan Zora, najan Ajalón, najan Hebrón. Eycaso ilhnic nat tingma apquilyimnatem apancaoc apquilmolhama Judá najan apquilmolhama Benjamín. 11 Apquillanac nic nat apquilyilhanmomaclha singilpilhtetemo najan apquilviscaa comandantes, najan acyivey nintom, najan aceite, najan uva ayingmenic. 12 Aptingyasquic nic nat apquilmaycam ningajapsomalhca najan sovjeva apquillhoy moclhama enlhit najan moclhama tingma apquilyimnatem. Apvisqui apyimtalhnamo ilhnic nat Roboam nipyesicsa co Judá najan co Benjamín.
13 Apquilvoctac nic nat apyovoclhojo sacerdotes najan levitas co Israel, yoyam ingyaniclhac maa apnaclha apvisqui Roboam. 14 Apquilyinyovquic nic nat amyip najan piquetes apancaoc levitas, yoyam elhnam tingma Jerusalén najan Judá. Apquilinmelham nic nat Jeroboam najan apnaymacoc. Colapvanquejec mataa sacerdotes najan apnaymacoc eltamjam napato Dios Visqui ingac. 15 Poc nic nat sacerdotes apquilanyomap eltimesam acyitnamaclha quilaycmasquiscama, ayinyema apquilyacyescama siclho Jeroboam, yoyam colhic ayaco yavey najan quilaycmasquiscama vayqui najan nipquesic acyitsomalhca dios. 16 Apquilyiplaclhec nic nat aplhamoclhojo co Israel meltomja apquilyamasma Dios Visqui apancaoc apquilyeyjamcaa, apquilmiyaclho tingma Jerusalén elpalhavomoc maa sacerdotes najan levitas, acyiplomo apquilmescama asoc macmescama Dios. 17 Apquiltimescasquic nic nat apquilpasmeyquiclha, yoyam etnejic apyimnatem apvisqui Roboam, Salomón apquitca, acvaycmo tres años. Acvamlha ilhnic nat tres años apquilyiplayclho nintemaclha acpeyvomo, apno ilhnic nat apquilyeyjamcaa David najan Salomón.
18 Roboam aptava ilhnic nat acvisay Mahalat, inyap nic nat Jerimot, apyap nic nat David. Mahalat inquin nic nat Abihail, inyata ilhnic nat Eliab. Eliab apyap nic nat Isaí. 19 Apquitquic nic nat Roboam najan aptava Mahalat apvisay: Jehús, najan Semarías, najan Zaham. 20 Aptimec nic nat mocjam aptava acvisay Maaca, Absalón apquitca. Ayitquic nic nat apvisay: Abíam, najan Atai, najan Ziza, najan Selomit. 21 Dieciocho apnatamcaa ilhnic nat Roboam, najan maa sesenta quilvanaa moc apnatamcaa. Avanjec nic nat apcasicjayo aptava Maaca, am colhno moc apnatamcaa. Apvitac nic nat veintiocho apquitquic apquilinava najan sesenta apquitquic quilvanaa ayitcoc.
22 Aptimesacpec nic nat Abiam, Maaca ayitca etnejic apquimja apmamyi nipyesicsa Roboam apquitquic. Apquiltamjoc nic nat Roboam etnesquisic apvisqui niptamin. 23 Apquillhocac nic nat apquitquic apquilcaycaoc yoclhilhma apancaoc co Judá najan co Benjamín. Apquillhocac nic nat tingma apquilvanyam, eltimjic maa apquilviscaa. Apquillhocac nic nat cotlaycaoc nintom mepqui ninsovjomo, najan maa aclhamoclhojo quilvanaa eltimjic apnatamcaa, ayinyema aptingyasquiscama mataa apquilyap Roboam.
