Enlhit apquilvatesquiyam actemaclha mongyasquiyam
1 Yitnec aplhanma Espíritu apanco Dios actomja nasoc anco: Yicpintama actamongvomlha nelha acnim elvatsamcoc sat melyasquiyam napocja Jesucristo apmolhama. Ayinyema apquilyiplovquiscama actemaclha singyinimquiscama najan actemaclha singillhicmoscama somquic quilyicjamo. 2 Elaylhojoc sat apquillhanma enlhitaoc apquilmopvancaa amyaa najan apquillhanma enlhitaoc apquilasinomap acyitna anit apvalhaoc. Alitsepma intomjac apquilvalhoc, malha ayinyema tava ápac acmeta. 3 Apquilasquic mataa colyimjapamcoc enlhitaoc. Apquilasquic najan eltovamcoc moc nintom. Dios nic nat apquillanay aclhamoclhojo nintom yoyam eltovamcoc Jesucristo apmolhama apquiltomja apquilyasingvoyam actomja nasoc anco. 4 Apquiltamjoc Dios ontimjic gracias yicpintama ontoc nintom. Tasi nac aclhamoclhojo asoc apquilantipquiscama Dios. Mongvanquejec ongyinyoc lhama asoc nintomaclha. 5 Actamila nac nintom ayinyema Dios appayvam, ayinyema najan ningilmalhnancama.
Aptamila apquilancam Jesucristo
6 Apquillhicmosquic sat ancoc lhip as amyaa nipyesicsa ingilyalhinga, etnejic sat lhip aptamila apquilancam Jesucristo. Apyiplovcasquic mataa lhip amyaa actemaclha mongyasquiyam najan actemaclha singillhicmoscama actamila. Sat cotnejic as amyaa malha aptom ayinyema Espíritu apanco Dios. 7 Nongyane nasa ellhicmocsic amyaa nano najan amyaa aclhenomalhca somquic quilyicjamo. Iyasingvom sat lhip actemaclha ningiltamilcasomalhco inganco napato Dios. 8 Yamactamila ongilactesquisic alyiptetaclha, eyca actamila anco actemaclha ningiltamilcasomalhco inganco. Actomja malha ningilmaycam actamila as nalhpop najan ningilmaycam actamila cotmongvoycamlha nelha. 9 Nasoc anco as amyaa actomja actamila anco yoyam colmoc apquilvalhoc aplhamoclhojo enlhit. 10 Eycaso ayinyema actemaclha ningiltamjaycam najan actemaclha ningvascapma, malha ningilnapomalhca. Ayinyemaclha yitnec nincoo aljalhanma ingvalhoc Dios aptomja mengyitsepma. Aptomja apmamyi singvomquiscama tap ningiltomja mongyasquiyam. Aptomja najan apquilvomquiscama tap aplhamoclhojo enlhitaoc.
11 Ilhicmos sat mataa lhip as amyaa yoyam elyiplovcasojo ingilyalhinga. 12 Nongyane nasa colhic acvina acvamlha apvaneycaoc lhip. Itamilsojo sat mataa actemaclha appayvam. Iyiplovquis sat actemaclha ningiltamilcasomalhco inganco najan actemaclha ningasicjayo najan actemaclha mongyasquiyam najan actemaclha ayalhnayo ingvalhoc. Ingyane sat cotalhca lhip aptemaclha yoyam elvajanamcoc ingilyalhinga. 13 Ilinlhanmojo sat apquilyipsateycaoc tasic amyaa. Iltimnas sat mataa ingilyalhinga, illhicmos sat mataa acvocmo acnim sicvactamo sat. 14 Itamilquis sat lhip macmescama ayinyema Dios. Aplhocac alhta lhip macmescama naysicsa apnincanma apmeoc apquilimja apmamyi Jesucristo apmolhama.
15 Ilinlhanmojo sat mataa eyiplovquisic as asoc. Yoyam cotalhcac actemaclha apyasingviyam lhip. 16 Itamilsacpojo apanco lhip. Itamilsojo sat actemaclha apquillhicmoscama. Ilinlhanmojo sat mataa as asoc. Apquilinlhanacmec sat ancoc lhip, evomsacpoc sat tap lhip najan apquiltomja apquiljalhenmo lhip appayvam.
Enlhit apquilvatesquiyam actemaclha mongyasquiyam
1 Yitnec aplhanma Espíritu apanco Dios actomja nasoc anco: Yicpintama actamongvomlha nelha acnim elvatsamcoc sat melyasquiyam napocja Jesucristo apmolhama. Ayinyema apquilyiplovquiscama actemaclha singyinimquiscama najan actemaclha singillhicmoscama somquic quilyicjamo. 2 Elaylhojoc sat apquillhanma enlhitaoc apquilmopvancaa amyaa najan apquillhanma enlhitaoc apquilasinomap acyitna anit apvalhaoc. Alitsepma intomjac apquilvalhoc, malha ayinyema tava ápac acmeta. 3 Apquilasquic mataa colyimjapamcoc enlhitaoc. Apquilasquic najan eltovamcoc moc nintom. Dios nic nat apquillanay aclhamoclhojo nintom yoyam eltovamcoc Jesucristo apmolhama apquiltomja apquilyasingvoyam actomja nasoc anco. 4 Apquiltamjoc Dios ontimjic gracias yicpintama ontoc nintom. Tasi nac aclhamoclhojo asoc apquilantipquiscama Dios. Mongvanquejec ongyinyoc lhama asoc nintomaclha. 5 Actamila nac nintom ayinyema Dios appayvam, ayinyema najan ningilmalhnancama.
Aptamila apquilancam Jesucristo
6 Apquillhicmosquic sat ancoc lhip as amyaa nipyesicsa ingilyalhinga, etnejic sat lhip aptamila apquilancam Jesucristo. Apyiplovcasquic mataa lhip amyaa actemaclha mongyasquiyam najan actemaclha singillhicmoscama actamila. Sat cotnejic as amyaa malha aptom ayinyema Espíritu apanco Dios. 7 Nongyane nasa ellhicmocsic amyaa nano najan amyaa aclhenomalhca somquic quilyicjamo. Iyasingvom sat lhip actemaclha ningiltamilcasomalhco inganco napato Dios. 8 Yamactamila ongilactesquisic alyiptetaclha, eyca actamila anco actemaclha ningiltamilcasomalhco inganco. Actomja malha ningilmaycam actamila as nalhpop najan ningilmaycam actamila cotmongvoycamlha nelha. 9 Nasoc anco as amyaa actomja actamila anco yoyam colmoc apquilvalhoc aplhamoclhojo enlhit. 10 Eycaso ayinyema actemaclha ningiltamjaycam najan actemaclha ningvascapma, malha ningilnapomalhca. Ayinyemaclha yitnec nincoo aljalhanma ingvalhoc Dios aptomja mengyitsepma. Aptomja apmamyi singvomquiscama tap ningiltomja mongyasquiyam. Aptomja najan apquilvomquiscama tap aplhamoclhojo enlhitaoc.
11 Ilhicmos sat mataa lhip as amyaa yoyam elyiplovcasojo ingilyalhinga. 12 Nongyane nasa colhic acvina acvamlha apvaneycaoc lhip. Itamilsojo sat mataa actemaclha appayvam. Iyiplovquis sat actemaclha ningiltamilcasomalhco inganco najan actemaclha ningasicjayo najan actemaclha mongyasquiyam najan actemaclha ayalhnayo ingvalhoc. Ingyane sat cotalhca lhip aptemaclha yoyam elvajanamcoc ingilyalhinga. 13 Ilinlhanmojo sat apquilyipsateycaoc tasic amyaa. Iltimnas sat mataa ingilyalhinga, illhicmos sat mataa acvocmo acnim sicvactamo sat. 14 Itamilquis sat lhip macmescama ayinyema Dios. Aplhocac alhta lhip macmescama naysicsa apnincanma apmeoc apquilimja apmamyi Jesucristo apmolhama.
15 Ilinlhanmojo sat mataa eyiplovquisic as asoc. Yoyam cotalhcac actemaclha apyasingviyam lhip. 16 Itamilsacpojo apanco lhip. Itamilsojo sat actemaclha apquillhicmoscama. Ilinlhanmojo sat mataa as asoc. Apquilinlhanacmec sat ancoc lhip, evomsacpoc sat tap lhip najan apquiltomja apquiljalhenmo lhip appayvam.
