Nintemaclha actamila apyisponcama Dios
1 Quellhip ingilyalhinga. Ningiltamjoc nincoo ongiltimnasiclhojo quellhip naysicsa ninlhanma apvisay Visqui ingac Jesús: Elvajanaoc sat nintemaclha nincoo ningiltamilcasomalhco inganco yoyam eyispac Dios Ingyapam. Apquilvajanamquic quellhip quilhvo nac jay. Elinlhanmojo sat mocjam tap.
2 Apquilyasamcoc quellhip actemaclha alhta ningillhicmoscama ayinyema Visqui ingac Jesús. 3 Eltime sat Dios apquilponcanma yoyam eltimjic apquiltamila napato. Eycaso actomja apmayjayoclha Dios. Noelvajaniclhojo nasa apquiltemaclha apquilanatama. 4 Eltamilsojo sat quellhip apnatamcaa actemaclha ningiltamilcasomalhco inganco. 5 Noelvajaniclhojo nasa apquiltemaclha enlhitaoc lhalhma anco. Am elinyovcoc mataa apnatamcaa acyovoclhojo acnim. 6 Noeltovas nasa actomja poc ingyalhing apanco, actemaclha siclhanma lhac. Ayinyemaclha eyanmongsiclhac sat Dios nintemaclha. Ningiltimnasquic alhta quellhip as amyaa. 7 Apquiltamjoc Dios yoyam ontimjic ningiltamilcasomalhco inganco yoyam cotnejic ayalhnayo ingvalhoc. Dios aptomja singanama, malha singevoycam yoyam mongilvajanamquejec actemaclha ayitsepaycam ingnenyic. 8 Nintovasquic sat ancoc as appayvam, cotnaja nintovascama enlhit, nintovasquic eyca Dios. Ayinyemaclha ingilmesquic alhta Espíritu Santo.
9 Am oltamjoc otalhocsic mocjam actemaclha yoyam elasicjacpojo ingilyalhinga. Ayinyemaclha Dios alhta aptomja apquillhicmoscama quellhip actemaclha apquilasicjamacpo nipyesicsa quellhip. 10 Apquilvajanamquic quellhip actemaclha apquilasicjayo ingilyalhinga apnaycam yoclhilhma Macedonia. Ningiltamjoc nincoo yoyam coyangvomoc tap actemaclha apquilasicjayo quellhip. 11 Eltamilsojo sat mataa apquilvalhoc quellhip. Eltingyaoc sat acvamlha asoc apancaoc apanco. Eltamjam apanco quellhip yoyam coytic mepqui ayaymomalhca asoc. Ningiltimnasquic alhta siclhoc alhta quellhip. 12 Yoyam melyascamejec enlhitaoc lhalhma anco actemaclha apquiltamilcasomacpo apanco quellhip. Najan mepqui apquilmoncalhneycam quellhip yoyam coyimtilhejec apvalhoc poc enlhit.
Apvoyctamlha sat Visqui ingac
13 Quellhip ingilyalhinga. Ningiltamjoc ongilyascasingvomoc quellhip apquiltemaclha apquilmasquingvaycmo alhta. Yoyam coyitnocjejec apquilvalhoc quellhip aptema nac poc enlhitaoc mepqui aljalhneycam apquilvalhoc. 14 Am ongilyascacmoc nincoo apquitsepma Jesús najan aplhaticjangviyam. Am ongilyascacmoc najan Dios. Yoyam enalhaticjascomoc lhama Jesús apquilmasquingvaycmo alhta apquiltomja melyasquiyam.
15 Ningiltimnasquic nincoo quellhip ayinyema Visqui ingac appayvam. Ongvitac sat nincoo apvoyctamlha sat Visqui ingac ningiltomja ingjalhnancaoc. Apquilmamyi apquilvoyam sat cotnejic apquilmasquingvaycmo nano. Alhayi ningilvoyam sat cotnejic nincoo. 16 Ingyinyemac sat Visqui ingac netin ayinyema apcanama Dios. Colngalhcac sat najan appayvam ángeles apvisqui. Colngalhcac sat najan appayvascama trompeta ayinyema Dios. Natamin enalhaticjangvomoc sat apquilmamyi apquilmasquingvaycmo nano apquiltomja melyasquiyam Cristo. 17 Natamin nincoo lha ningiltomja ingjalhnancaoc. Jingnalaclhojoc sat lhama apnalhaticjangviyam apquilmamyi naysicsa yipjopay. Ongiltajanyac sat Visqui ingac netin yipjopay. Ongnam sat lhama Visqui ingac cotmongvoycamlha nelha. 18 Eliltimnas sat mataa poc as appayvam yoyam coltamalvomoc sat mataa apquilvalhoc.
Nintemaclha actamila apyisponcama Dios
1 Quellhip ingilyalhinga. Ningiltamjoc nincoo ongiltimnasiclhojo quellhip naysicsa ninlhanma apvisay Visqui ingac Jesús: Elvajanaoc sat nintemaclha nincoo ningiltamilcasomalhco inganco yoyam eyispac Dios Ingyapam. Apquilvajanamquic quellhip quilhvo nac jay. Elinlhanmojo sat mocjam tap.
2 Apquilyasamcoc quellhip actemaclha alhta ningillhicmoscama ayinyema Visqui ingac Jesús. 3 Eltime sat Dios apquilponcanma yoyam eltimjic apquiltamila napato. Eycaso actomja apmayjayoclha Dios. Noelvajaniclhojo nasa apquiltemaclha apquilanatama. 4 Eltamilsojo sat quellhip apnatamcaa actemaclha ningiltamilcasomalhco inganco. 5 Noelvajaniclhojo nasa apquiltemaclha enlhitaoc lhalhma anco. Am elinyovcoc mataa apnatamcaa acyovoclhojo acnim. 6 Noeltovas nasa actomja poc ingyalhing apanco, actemaclha siclhanma lhac. Ayinyemaclha eyanmongsiclhac sat Dios nintemaclha. Ningiltimnasquic alhta quellhip as amyaa. 7 Apquiltamjoc Dios yoyam ontimjic ningiltamilcasomalhco inganco yoyam cotnejic ayalhnayo ingvalhoc. Dios aptomja singanama, malha singevoycam yoyam mongilvajanamquejec actemaclha ayitsepaycam ingnenyic. 8 Nintovasquic sat ancoc as appayvam, cotnaja nintovascama enlhit, nintovasquic eyca Dios. Ayinyemaclha ingilmesquic alhta Espíritu Santo.
9 Am oltamjoc otalhocsic mocjam actemaclha yoyam elasicjacpojo ingilyalhinga. Ayinyemaclha Dios alhta aptomja apquillhicmoscama quellhip actemaclha apquilasicjamacpo nipyesicsa quellhip. 10 Apquilvajanamquic quellhip actemaclha apquilasicjayo ingilyalhinga apnaycam yoclhilhma Macedonia. Ningiltamjoc nincoo yoyam coyangvomoc tap actemaclha apquilasicjayo quellhip. 11 Eltamilsojo sat mataa apquilvalhoc quellhip. Eltingyaoc sat acvamlha asoc apancaoc apanco. Eltamjam apanco quellhip yoyam coytic mepqui ayaymomalhca asoc. Ningiltimnasquic alhta siclhoc alhta quellhip. 12 Yoyam melyascamejec enlhitaoc lhalhma anco actemaclha apquiltamilcasomacpo apanco quellhip. Najan mepqui apquilmoncalhneycam quellhip yoyam coyimtilhejec apvalhoc poc enlhit.
Apvoyctamlha sat Visqui ingac
13 Quellhip ingilyalhinga. Ningiltamjoc ongilyascasingvomoc quellhip apquiltemaclha apquilmasquingvaycmo alhta. Yoyam coyitnocjejec apquilvalhoc quellhip aptema nac poc enlhitaoc mepqui aljalhneycam apquilvalhoc. 14 Am ongilyascacmoc nincoo apquitsepma Jesús najan aplhaticjangviyam. Am ongilyascacmoc najan Dios. Yoyam enalhaticjascomoc lhama Jesús apquilmasquingvaycmo alhta apquiltomja melyasquiyam.
15 Ningiltimnasquic nincoo quellhip ayinyema Visqui ingac appayvam. Ongvitac sat nincoo apvoyctamlha sat Visqui ingac ningiltomja ingjalhnancaoc. Apquilmamyi apquilvoyam sat cotnejic apquilmasquingvaycmo nano. Alhayi ningilvoyam sat cotnejic nincoo. 16 Ingyinyemac sat Visqui ingac netin ayinyema apcanama Dios. Colngalhcac sat najan appayvam ángeles apvisqui. Colngalhcac sat najan appayvascama trompeta ayinyema Dios. Natamin enalhaticjangvomoc sat apquilmamyi apquilmasquingvaycmo nano apquiltomja melyasquiyam Cristo. 17 Natamin nincoo lha ningiltomja ingjalhnancaoc. Jingnalaclhojoc sat lhama apnalhaticjangviyam apquilmamyi naysicsa yipjopay. Ongiltajanyac sat Visqui ingac netin yipjopay. Ongnam sat lhama Visqui ingac cotmongvoycamlha nelha. 18 Eliltimnas sat mataa poc as appayvam yoyam coltamalvomoc sat mataa apquilvalhoc.
