David najan apquilviscaa filisteos
1 Apcaneclhec nic nat filisteos singilpilhtetemo tingma Afec. Apcaneclhec nic nat israelitas payjoc actiyapmaclha yingmin acvisay Jesreel. 2 Apquilanoc nic nat apquilviscaa filisteos, moclhama grupos mataa cien, moclhama grupos mataa mil singilpilhtetemo. Alhayi ilhnic nat apquilimjamco grupos de Aquis, apquillhalhmaa ilhnic nat David.
3 Apquiltomjac nic nat apquilviscaa filisteos apquilanya Aquis: —¿So apquiltingya yi singilpilhtetemo hebreos? — nic nat apquiltomjac.
Apcatingmavoc nic nat Aquis: —David nac lha, nanoc alhta apcasinancama Saúl, apvisqui co Israel. Siclhalhma mataa David anit años. Am alhta esilhnanacpoc mataa ningyesicsa — nic nat aptomjac.
4 Apquillovquic nic nat apquilviscaa filisteos. Apquiltomjac nic nat apquilanya Aquis: —Ingyane sat etajiclha David, etajojoc sat apquinyemayaclha. Mejingilpasmejec sat quimpocjacme. Etniclhac sat cotnaja ingmoc naysicsa ningilimpocjay. Colhic sat ayaco David apnaclha apvisqui pac Saúl, apvita inlhojo apticyovam ingnaymacoc filisteos alyatemenamalhca apcatcoc. 5 David nac lha, aplhenacpo alminaycmascama quilvanaa naysicsa altaycam: Saúl alhta apquilnapma mil cotnaja ingmoc, David alhta apquilnapma diez mil — alhta intomjac — nic nat apquiltomjac.
6 Aptomjac nic nat Aquis apcanya David: —Aptasic apanco nac lhip, siclhanma napato Dios Apyimtalhnamo. Acyispaquic coo mataa lhip aptemaclha nipyesicsa enaymacoc singilpilhtetemo. Am alhta esilhnanacpoc mataa lhip najato, ayenmo acnim apvoy alhta sicnaclha. Am colcac apquilvalhoc apquilviscaa filisteos. 7 Coyit actamilaycam apvalhoc lhip. Itajiclha sat mocjam. Metanovacpejec sat mocjam napatavo apquilviscaa filisteos — nic nat aptomjac Aquis.
8 Apcatingmavoc nic nat David: —¿Soc laa actomja yi? ¿Acsilhnanalhquic ya ajanco napato lhip? Aclhamoclhojo acnim mataa sictimesaycam lhip. ¿Movanqueje ya opasmoc apquilimpocjay lhip cotnaja ingmoc? — nic nat aptomjac David.
9 Apcatingmavoc nic nat Aquis: —Naso, aptasi nac lhip, apno ángel Dios apcasinancama. Apquilmiyovquic lhac apquilviscaa filisteos jingilpasmoc ningilimpocjay. 10 Ingyimpiclha sat secaseclha alhtoo, lhip najan apquillhalhmaa. Eltajiclha siclho mocjam — nic nat aptomjac.
11 Apnalhaticjac nic nat alhtoo David najan apquillhalhmaa. Apquiltajaclhec nic nat yoclhilhma Filistea. Apquilquimpaclhec nic nat singilpilhtetemo filisteos, elpeyvojo yoclhilhma Jesreel.
David najan apquilviscaa filisteos
1 Apcaneclhec nic nat filisteos singilpilhtetemo tingma Afec. Apcaneclhec nic nat israelitas payjoc actiyapmaclha yingmin acvisay Jesreel. 2 Apquilanoc nic nat apquilviscaa filisteos, moclhama grupos mataa cien, moclhama grupos mataa mil singilpilhtetemo. Alhayi ilhnic nat apquilimjamco grupos de Aquis, apquillhalhmaa ilhnic nat David.
3 Apquiltomjac nic nat apquilviscaa filisteos apquilanya Aquis: —¿So apquiltingya yi singilpilhtetemo hebreos? — nic nat apquiltomjac.
Apcatingmavoc nic nat Aquis: —David nac lha, nanoc alhta apcasinancama Saúl, apvisqui co Israel. Siclhalhma mataa David anit años. Am alhta esilhnanacpoc mataa ningyesicsa — nic nat aptomjac.
4 Apquillovquic nic nat apquilviscaa filisteos. Apquiltomjac nic nat apquilanya Aquis: —Ingyane sat etajiclha David, etajojoc sat apquinyemayaclha. Mejingilpasmejec sat quimpocjacme. Etniclhac sat cotnaja ingmoc naysicsa ningilimpocjay. Colhic sat ayaco David apnaclha apvisqui pac Saúl, apvita inlhojo apticyovam ingnaymacoc filisteos alyatemenamalhca apcatcoc. 5 David nac lha, aplhenacpo alminaycmascama quilvanaa naysicsa altaycam: Saúl alhta apquilnapma mil cotnaja ingmoc, David alhta apquilnapma diez mil — alhta intomjac — nic nat apquiltomjac.
6 Aptomjac nic nat Aquis apcanya David: —Aptasic apanco nac lhip, siclhanma napato Dios Apyimtalhnamo. Acyispaquic coo mataa lhip aptemaclha nipyesicsa enaymacoc singilpilhtetemo. Am alhta esilhnanacpoc mataa lhip najato, ayenmo acnim apvoy alhta sicnaclha. Am colcac apquilvalhoc apquilviscaa filisteos. 7 Coyit actamilaycam apvalhoc lhip. Itajiclha sat mocjam. Metanovacpejec sat mocjam napatavo apquilviscaa filisteos — nic nat aptomjac Aquis.
8 Apcatingmavoc nic nat David: —¿Soc laa actomja yi? ¿Acsilhnanalhquic ya ajanco napato lhip? Aclhamoclhojo acnim mataa sictimesaycam lhip. ¿Movanqueje ya opasmoc apquilimpocjay lhip cotnaja ingmoc? — nic nat aptomjac David.
9 Apcatingmavoc nic nat Aquis: —Naso, aptasi nac lhip, apno ángel Dios apcasinancama. Apquilmiyovquic lhac apquilviscaa filisteos jingilpasmoc ningilimpocjay. 10 Ingyimpiclha sat secaseclha alhtoo, lhip najan apquillhalhmaa. Eltajiclha siclho mocjam — nic nat aptomjac.
11 Apnalhaticjac nic nat alhtoo David najan apquillhalhmaa. Apquiltajaclhec nic nat yoclhilhma Filistea. Apquilquimpaclhec nic nat singilpilhtetemo filisteos, elpeyvojo yoclhilhma Jesreel.
