1 Apquilpenasquic nic nat apquilminlhinaycam filisteos Saúl najan apquillhalhmaa. Apquiltajaclhec nic nat. Aplingac nic nat Saúl amyaa aplhenacpo David, apna yoclhilhma actamopeycaoc acvisay En-gadi. 2 Apquilyacyesquic nic nat Saúl tres mil apquillhalhmaa enlhitaoc Israel. Apquillhinquic nic nat elsovjam David payjoc mataymong alvinatem. 3 Apvitac nic nat naysicsa aplhingam nipquesic aplhancoc. Ningatoc nic nat maa mataymong avalhoc, apquilyilhanmomaclha siclho David najan apquillhalhmaa. Am nic nat elvitacpoc maa congne. Aptalhnec nic nat siclho Saúl yoyam eyanic.
4 Apquilyilhacpoc nic nat elpamejitsacpojo apquillhalhma David: —Eycaso ayinyema Dios aplhanma alhta mepqui apyeycajascaoc, yoyam emoc lhip cotnaja ingmoc. Iyasamcojo sat lhip yavamlha etnejic — nic nat apquiltomjac.
Apquinmaclhec nic nat netin David. Apyilhacpoc nic nat apyatemena nipva apcalomap Saúl. 5 Yiplovcoc nic nat aclingaycamco acmasom apvalhoc David.
6 Aptomjac nic nat David apquilanya apquillhalhmaa: —Jemyoc sat Dios. Movanquejec ongvajic visqui rey. Dios alhta aptimesquiscama apvisqui, otnejic siyayo — nic nat aptomjac.
7 Apmiyovquic nic nat David eltimesquisic apmapsom Saúl. Mematnejec sat maa. Aptipquic nic nat mataymong avalhoc Saúl, yoyam etyisam.
8 Apquimjamquic nic nat David, aptepa mataymong avalhoc. Apyimnatasquic nic nat appayvam David: —¡Visqui ingac! ¡Visqui ingac! — nic nat aptomjac.
Appaycacpec nic nat Saúl apvita David. Apjalhec nic nat David, acticlhicvocmo nalhpop payjaclha napaat.
9 Aptomjac nic nat David apcanya Saúl: —Lhip visqui ingac. ¿So actomja yi apjalhenmo lhip apquilpayvam enlhitaoc, seltimesquiscama sicmasom? 10 Apvitac lhac lhip aptomjaclha Dios avalhoc mataymong. Evanquic lhac ongvajic lhip, am otnajac coo. Pac ongvasicjiclhojo sat mocjam lhip visqui ingac. Inlhenquic evalhoc, lhip nac visqui Dios apquilyacyescama. 11 Quip ilanojo, sicmaycam nipva apcalomap, sicyatemenma lhac maa. Evanquic lhac inyicje ongvajic lhip. Quilhvoc apyasamcoc lhip mepqui sicmasom coo, yoyam ongvajic lhip. Mepqui sicsilhnanomalhca ajanco. Lhip visqui ajac, aptomja seyamascam yoyam jeyajic. 12 Singyicpilquemo nac Dios ningyesicsa, eyanmongsiclhac lhip aptemaclha apanco. Coo eyca movanquejec mataa ongvajic lhip visqui ajac. 13 Yitnec aclhanmaclha nano: Acmasom ayinyema mataa apquilmapsomcaa — intomjac. Coo eyca movanquejec etnesquisic lhip apmapsom. 14 ¿So aptingya yi, lhip visqui nipyesicsa enlhitaoc Israel? ¿Soc enlhit aptomjac apyamascam lhip? ¿Coo ya'i? Sictomja malha simjing ápac, malha maling ascoc coo. 15 Dios aptomja singyicpilquemo ningyesicsa. Naso, appeyvescasquiclha sictemaclha coo najan semasma coo Dios napato lhip — nic nat aptomjac David.
16 Appenasquic nic nat appayvam David. Apyimnatasquic nic nat appayvam Saúl: —¿Naso ya lhquip eyitca David, siclingay appayvam? — nic nat aptomjac.
Apvinec nic nat Saúl. 17 Aptomjac nic nat Saúl apcanya David: —Appeyvomo apanco lhip, molhno coo. Lhip alhta setnesquiscama actamila, coo eyca sictimesquiscama lhip elngamcojo acmasom. 18 Quilhvo nac jay aptomja lhip semasma coo. Am lhac jeyajac coo, naysicsa mepqui apmasma Dios, yoyam omatong. 19 Paj mataa lhama enlhit aptomja apmasma cotnaja ingmoc. Elhcac sat lhip acyivey acyanmongam ayinyema Dios, aptomja lhip semasma as acnim nac jay. 20 Acyasamcoc coo, lhip sat etnejic visqui rey apyimtalhnamo. Cotamiliclhac sat apquileyvam enlhitaoc lhalhma anco. 21 Ilhen sat lhip mepqui apyeycajascaoc napato Dios. Emyoc sat lhip apyovoclhojo sicmolhama najan emyoc sat lhip coo sicvisay — nic nat aptomjac Saúl.
22 Aplhenquic nic nat mepqui apyeycajascaoc David napato Saúl. Aptajaclhec nic nat Saúl tingma pac. Aptajavoc nic nat David najan apquillhalhmaa apquilyilhanmomaclha netin inquilhe.
1 Apquilpenasquic nic nat apquilminlhinaycam filisteos Saúl najan apquillhalhmaa. Apquiltajaclhec nic nat. Aplingac nic nat Saúl amyaa aplhenacpo David, apna yoclhilhma actamopeycaoc acvisay En-gadi. 2 Apquilyacyesquic nic nat Saúl tres mil apquillhalhmaa enlhitaoc Israel. Apquillhinquic nic nat elsovjam David payjoc mataymong alvinatem. 3 Apvitac nic nat naysicsa aplhingam nipquesic aplhancoc. Ningatoc nic nat maa mataymong avalhoc, apquilyilhanmomaclha siclho David najan apquillhalhmaa. Am nic nat elvitacpoc maa congne. Aptalhnec nic nat siclho Saúl yoyam eyanic.
4 Apquilyilhacpoc nic nat elpamejitsacpojo apquillhalhma David: —Eycaso ayinyema Dios aplhanma alhta mepqui apyeycajascaoc, yoyam emoc lhip cotnaja ingmoc. Iyasamcojo sat lhip yavamlha etnejic — nic nat apquiltomjac.
Apquinmaclhec nic nat netin David. Apyilhacpoc nic nat apyatemena nipva apcalomap Saúl. 5 Yiplovcoc nic nat aclingaycamco acmasom apvalhoc David.
6 Aptomjac nic nat David apquilanya apquillhalhmaa: —Jemyoc sat Dios. Movanquejec ongvajic visqui rey. Dios alhta aptimesquiscama apvisqui, otnejic siyayo — nic nat aptomjac.
7 Apmiyovquic nic nat David eltimesquisic apmapsom Saúl. Mematnejec sat maa. Aptipquic nic nat mataymong avalhoc Saúl, yoyam etyisam.
8 Apquimjamquic nic nat David, aptepa mataymong avalhoc. Apyimnatasquic nic nat appayvam David: —¡Visqui ingac! ¡Visqui ingac! — nic nat aptomjac.
Appaycacpec nic nat Saúl apvita David. Apjalhec nic nat David, acticlhicvocmo nalhpop payjaclha napaat.
9 Aptomjac nic nat David apcanya Saúl: —Lhip visqui ingac. ¿So actomja yi apjalhenmo lhip apquilpayvam enlhitaoc, seltimesquiscama sicmasom? 10 Apvitac lhac lhip aptomjaclha Dios avalhoc mataymong. Evanquic lhac ongvajic lhip, am otnajac coo. Pac ongvasicjiclhojo sat mocjam lhip visqui ingac. Inlhenquic evalhoc, lhip nac visqui Dios apquilyacyescama. 11 Quip ilanojo, sicmaycam nipva apcalomap, sicyatemenma lhac maa. Evanquic lhac inyicje ongvajic lhip. Quilhvoc apyasamcoc lhip mepqui sicmasom coo, yoyam ongvajic lhip. Mepqui sicsilhnanomalhca ajanco. Lhip visqui ajac, aptomja seyamascam yoyam jeyajic. 12 Singyicpilquemo nac Dios ningyesicsa, eyanmongsiclhac lhip aptemaclha apanco. Coo eyca movanquejec mataa ongvajic lhip visqui ajac. 13 Yitnec aclhanmaclha nano: Acmasom ayinyema mataa apquilmapsomcaa — intomjac. Coo eyca movanquejec etnesquisic lhip apmapsom. 14 ¿So aptingya yi, lhip visqui nipyesicsa enlhitaoc Israel? ¿Soc enlhit aptomjac apyamascam lhip? ¿Coo ya'i? Sictomja malha simjing ápac, malha maling ascoc coo. 15 Dios aptomja singyicpilquemo ningyesicsa. Naso, appeyvescasquiclha sictemaclha coo najan semasma coo Dios napato lhip — nic nat aptomjac David.
16 Appenasquic nic nat appayvam David. Apyimnatasquic nic nat appayvam Saúl: —¿Naso ya lhquip eyitca David, siclingay appayvam? — nic nat aptomjac.
Apvinec nic nat Saúl. 17 Aptomjac nic nat Saúl apcanya David: —Appeyvomo apanco lhip, molhno coo. Lhip alhta setnesquiscama actamila, coo eyca sictimesquiscama lhip elngamcojo acmasom. 18 Quilhvo nac jay aptomja lhip semasma coo. Am lhac jeyajac coo, naysicsa mepqui apmasma Dios, yoyam omatong. 19 Paj mataa lhama enlhit aptomja apmasma cotnaja ingmoc. Elhcac sat lhip acyivey acyanmongam ayinyema Dios, aptomja lhip semasma as acnim nac jay. 20 Acyasamcoc coo, lhip sat etnejic visqui rey apyimtalhnamo. Cotamiliclhac sat apquileyvam enlhitaoc lhalhma anco. 21 Ilhen sat lhip mepqui apyeycajascaoc napato Dios. Emyoc sat lhip apyovoclhojo sicmolhama najan emyoc sat lhip coo sicvisay — nic nat aptomjac Saúl.
22 Aplhenquic nic nat mepqui apyeycajascaoc David napato Saúl. Aptajaclhec nic nat Saúl tingma pac. Aptajavoc nic nat David najan apquillhalhmaa apquilyilhanmomaclha netin inquilhe.
