Pac ongilyiplovsic actemaclha singyascasingvoyam Dios
1 Aplingamcoc alhta acmasca Cristo. Collhen sat apquilvalhoc quellhip lha. Colapvanquejec quellhip lha melvita acmasca. Apquillingamcoc sat ancoc acmasca, elvatsamcoc sat quellhip yoyam eltamongvomjo olhma. 2 Elvatsamcoc sat najan actemaclha ayitsepma apnenyaoc naysicsa apquileyvam as nalhpop. Elyiplovsic sat mataa apmayjayoclha Dios. 3 Invocmec nelha quilhvo nac jay quellhip apquiltemaclha nano apquilvajaneycaoc enlhit lhalhma anco. Apquilvajanamquic alhta quellhip actemaclha mepqui apquiltamilcasomacpo apanco najan actemaclha apquilanatama najan actemaclha apyeyjamelhma ayinyema anmin najan mengyascama etovamcoc najan mengyascama elyinamcoc anmin najan actemaclha apquilpayescamo asoc apquilyitquiscama Dios singascamaclha ongilpayicsojo. 4 Pilapcasquic enlhitaoc lhalhma anco apquilvita melvajaneycaoc quellhip apquiltemaclha nano. Eycaso ayinyema apquillhenamap quellhip. 5 Colhic sat acnalaclho apnaclha singyicpilquemo yoyam elyicpilcojo aplhamoclhojo, najan apjalhnancaoc najan apquilmasquingvaycmo nano. 6 Apquilmasquingvocmec nic nat acyiplomo apquiltemaclha apancaoc yoyam elnatovasacpoc sat. Inquiltimnasalhquic najan naysicsa apquiljangaoc tasic amyaa. Yoyam colinmalhingvoclha apquiljangaoc aptemaclha Dios. 7 Camquitvocmec acnim yoyam colmasquingvomoc aclhamoclhojo asoc. Eltamilsacpojo apanco mataa quellhip. Noelyeyesacpojo nasa olhma yoyam comasqueje apquililmalhnancama quellhip. 8 Elasicjacpojo nipyesicsa quellhip. Ayinyemaclha ningasicjayo actomja acmasma yoyam onlhenic apquiltamongvaycmolhma ingmoc. 9 Elhnasojo sat moc apquilmam tacja mepqui apquilpameteycam. 10 Moclhama quellhip apquillhoca apquilmopvan Dios apmescama. Elyiplovquis sat mataa actemaclha apquillhoy Dios apmescama nipyesicsa quellhip. Eltamilquis sat quellhip Dios apcaycaoc malha apquilviscaa apquiltamila. 11 Apquiltimnam sat ancoc lhama nipyesicsa quellhip, ilhen sat Dios appayvam. Yitnec sat ancoc lhip actemaclha aptamjaycam, iyiplovquis sat actemaclha Dios apmescama. Incaymalhquic mataa yoyam colhic ayaco Dios Ingyapam ayinyemaclha singilpasmom Jesucristo. Colhic sat mataa ayaco Dios Ingyapam najan apmopvan cotmongvoycamlha nelha. Amén.
Actemaclha ninlingaycamco acmasca ningiltomja Jesucristo apmolhama
12 Quellhip elyalhinga. Nocotimquis nasa apquilvalhoc apquillingamco inlhojo acmasca. Apquiltamjoc Dios elyipconic actemaclha melyasquiyam. Nocoltime nasa apquilvalhoc: Am ongvitayac mocjam actema nac lha. 13 Apquillingamcoc sat ancoc acmasca quellhip, malha apquilpasmeyquiclha Cristo apquillingaycamco acmasca, colpayjiclha sat mataa apquilvalhoc. Coyangvomoc sat alpayjayclha apquilvalhoc apquilvita inlhojo apvoyctamlha Cristo naysicsa gloria aptemaclha apyimtalhnamo. 14 Apquiltanovacpec sat ancoc quellhip ayinyema apvisay Cristo, colpayjiclha sat apquilvalhoc. Ayinyemaclha aplhalhma sat etnejic Dios Espíritu apanco aptomja apyimtalhnamo. 15 Noelsilhnanap nasa quellhip actemaclha ningajem ingmoc najan actemaclha ningminyilhma najan actemaclha ningilsilhnanomalhca najan actemaclha ningmiyangvoyam cotnaja inganco. 16 Apquillingamcoc sat ancoc acmasca quellhip ayinyema apquilsoycam apvisay Cristo, noelmanca nasa. Eltime sat apquilayo Dios, ayinyemaclha quellhip apquiltomja apquilvisayo lhama Cristo.
17 Invocmec acvamlha acnim yoyam eyanmongsiclha Dios apquiltemaclha Jesucristo apmolhama. Apyanmongsaclhec sat ancoc siclhoc nintemaclha nincoo, coyimtilhojoc sat actamongvomlha nelha acnim apyanmongsayclha Dios apquiltemaclha enlhitaoc apquilyasquiyam Dios appayvam. 18 Cotlhingsic sat melvomsacpoc tap enlhit apquilpeyvomo. ¿Jalhco sat eltimjic enlhit apquilmapsomcaa najan enlhit melyascalhma? 19 Ninlingamcoc sat ancoc acmasca ayinyema apmayjayoclha Dios. Incaymalhquic mongilvatsamqueje ningyiplovquiscama asoc altamila. Incaymalhquic najan ongilmalhnesquisic Dios yoyam eltamilsic mataa ingilvalhoc nincoo. Ayinyemaclha Dios aptomja singilantipquiscama, nasoc anco yoyam jingmeyvoc.
Pac ongilyiplovsic actemaclha singyascasingvoyam Dios
1 Aplingamcoc alhta acmasca Cristo. Collhen sat apquilvalhoc quellhip lha. Colapvanquejec quellhip lha melvita acmasca. Apquillingamcoc sat ancoc acmasca, elvatsamcoc sat quellhip yoyam eltamongvomjo olhma. 2 Elvatsamcoc sat najan actemaclha ayitsepma apnenyaoc naysicsa apquileyvam as nalhpop. Elyiplovsic sat mataa apmayjayoclha Dios. 3 Invocmec nelha quilhvo nac jay quellhip apquiltemaclha nano apquilvajaneycaoc enlhit lhalhma anco. Apquilvajanamquic alhta quellhip actemaclha mepqui apquiltamilcasomacpo apanco najan actemaclha apquilanatama najan actemaclha apyeyjamelhma ayinyema anmin najan mengyascama etovamcoc najan mengyascama elyinamcoc anmin najan actemaclha apquilpayescamo asoc apquilyitquiscama Dios singascamaclha ongilpayicsojo. 4 Pilapcasquic enlhitaoc lhalhma anco apquilvita melvajaneycaoc quellhip apquiltemaclha nano. Eycaso ayinyema apquillhenamap quellhip. 5 Colhic sat acnalaclho apnaclha singyicpilquemo yoyam elyicpilcojo aplhamoclhojo, najan apjalhnancaoc najan apquilmasquingvaycmo nano. 6 Apquilmasquingvocmec nic nat acyiplomo apquiltemaclha apancaoc yoyam elnatovasacpoc sat. Inquiltimnasalhquic najan naysicsa apquiljangaoc tasic amyaa. Yoyam colinmalhingvoclha apquiljangaoc aptemaclha Dios. 7 Camquitvocmec acnim yoyam colmasquingvomoc aclhamoclhojo asoc. Eltamilsacpojo apanco mataa quellhip. Noelyeyesacpojo nasa olhma yoyam comasqueje apquililmalhnancama quellhip. 8 Elasicjacpojo nipyesicsa quellhip. Ayinyemaclha ningasicjayo actomja acmasma yoyam onlhenic apquiltamongvaycmolhma ingmoc. 9 Elhnasojo sat moc apquilmam tacja mepqui apquilpameteycam. 10 Moclhama quellhip apquillhoca apquilmopvan Dios apmescama. Elyiplovquis sat mataa actemaclha apquillhoy Dios apmescama nipyesicsa quellhip. Eltamilquis sat quellhip Dios apcaycaoc malha apquilviscaa apquiltamila. 11 Apquiltimnam sat ancoc lhama nipyesicsa quellhip, ilhen sat Dios appayvam. Yitnec sat ancoc lhip actemaclha aptamjaycam, iyiplovquis sat actemaclha Dios apmescama. Incaymalhquic mataa yoyam colhic ayaco Dios Ingyapam ayinyemaclha singilpasmom Jesucristo. Colhic sat mataa ayaco Dios Ingyapam najan apmopvan cotmongvoycamlha nelha. Amén.
Actemaclha ninlingaycamco acmasca ningiltomja Jesucristo apmolhama
12 Quellhip elyalhinga. Nocotimquis nasa apquilvalhoc apquillingamco inlhojo acmasca. Apquiltamjoc Dios elyipconic actemaclha melyasquiyam. Nocoltime nasa apquilvalhoc: Am ongvitayac mocjam actema nac lha. 13 Apquillingamcoc sat ancoc acmasca quellhip, malha apquilpasmeyquiclha Cristo apquillingaycamco acmasca, colpayjiclha sat mataa apquilvalhoc. Coyangvomoc sat alpayjayclha apquilvalhoc apquilvita inlhojo apvoyctamlha Cristo naysicsa gloria aptemaclha apyimtalhnamo. 14 Apquiltanovacpec sat ancoc quellhip ayinyema apvisay Cristo, colpayjiclha sat apquilvalhoc. Ayinyemaclha aplhalhma sat etnejic Dios Espíritu apanco aptomja apyimtalhnamo. 15 Noelsilhnanap nasa quellhip actemaclha ningajem ingmoc najan actemaclha ningminyilhma najan actemaclha ningilsilhnanomalhca najan actemaclha ningmiyangvoyam cotnaja inganco. 16 Apquillingamcoc sat ancoc acmasca quellhip ayinyema apquilsoycam apvisay Cristo, noelmanca nasa. Eltime sat apquilayo Dios, ayinyemaclha quellhip apquiltomja apquilvisayo lhama Cristo.
17 Invocmec acvamlha acnim yoyam eyanmongsiclha Dios apquiltemaclha Jesucristo apmolhama. Apyanmongsaclhec sat ancoc siclhoc nintemaclha nincoo, coyimtilhojoc sat actamongvomlha nelha acnim apyanmongsayclha Dios apquiltemaclha enlhitaoc apquilyasquiyam Dios appayvam. 18 Cotlhingsic sat melvomsacpoc tap enlhit apquilpeyvomo. ¿Jalhco sat eltimjic enlhit apquilmapsomcaa najan enlhit melyascalhma? 19 Ninlingamcoc sat ancoc acmasca ayinyema apmayjayoclha Dios. Incaymalhquic mongilvatsamqueje ningyiplovquiscama asoc altamila. Incaymalhquic najan ongilmalhnesquisic Dios yoyam eltamilsic mataa ingilvalhoc nincoo. Ayinyemaclha Dios aptomja singilantipquiscama, nasoc anco yoyam jingmeyvoc.
