Dios apquitquic
1 Quip elanojo actemaclha singasicjayo Dios Ingyapam. Ingiltimescasquic ningilvisay Dios apquitquic. Nasoc ningiltomja Dios apquitquic. Eycaso ayinyema mejingilyicpilquem enlhit metnaja Dios apquitquic. Ayinyemaclha am elyicpilcac mocjam Dios Ingyapam. 2 Quip elyalhinga silasicjayo. Quilhvo nac jay ningiltomja nincoo Dios apquitquic. Am onlhicmosalhcac mocjam yoyam ontimjic sat nincoo. Ningyasamcoc eyca nincoo, apvoctac sat ancoc Jesucristo, onlhojoc sat aptemaclha. Ongvitac sat apyovoclhojo apanco aptemaclha Jesucristo. 3 Enlhit acyitna aljalhneycam apvalhoc, incaymalhquic etamilsacpojo apanco, apno Jesucristo aptomja aptamilsomacpo apanco.
4 Enlhit aptamongvaycmolhma meyiplovseje mataa actemaclha singanamaclha Dios. Ayinyemaclha mongyiplovquiscama singanamaclha Dios acvisay nintamongvaycmolhma. 5 Apquilyasamcoc quellhip, apvaac nat Jesucristo yoyam emascocsic mongilyascalhma. Am nat coyitnac lhama meyascalhma Jesús. 6 Ningilinlhanacmec sat ancoc ningilpasmeyquiclha Jesucristo, mongvanquejec ongilyiplovsic actemaclha nintamongvaycmolhma. Ningyiplovcasquic sat ancoc actemaclha nintamongvaycmolhma, ontimjic sat malha mongvitay najan malha mongyicpilquemo Jesucristo. 7 Quellhip eyitquic. Noelvajaniclhojo nasa enlhit yoyam elsilhnana. Ningilvajanamquic sat ancoc actemaclha acpeyvomo, ongiltimjic sat ningilpeyvomo. Onlhojoc sat Jesucristo aptomja appeyvomo. 8 Ningilvajanamquic sat ancoc actemaclha nintamongvaycmolhma, ongiltimjic sat ninpasmeyquiclha somquic quilyicjamo. Somquic quilyicjamo actomja ayinyemayaclha siclhoc anco mongilyascalhma. Eycaso ayinyema apvoya nat Dios Apquitca, yoyam etvasquisic actamjaycam somquic quilyicjamo.
9 Ningiltimec sat ancoc Dios apquitquic, mongvanquejec ongilyiplovsic actemaclha nintamongvaycmolhma. Ayinyemaclha yitnec ningyimnatem ayinyema Dios, malha actic ayenomalhca ingvalhoc. Mongvanquejec ongilyiplovsic actemaclha nintamongvaycmolhma. Ayinyemaclha nincoo ningiltomja Dios Apquitquic. 10 Melquinatsacpejec sat enlhit ningyesicsa apquiltomja Dios apquitquic najan poc apquiltomja somquic quilyicjamo ayitquic. Am sat ancoc ongilyiplovcasac actemaclha acpeyvomo. Am sat ancoc ongilasicjac ingilyalhing, am najan ongiltomjac Dios apquitquic.
Ningilasicjamalhco ningyesicsa
11 Eycaso actomja amyaa apquillinga quellhip siclhoc anco: Ningilanyalhquic ongilasicjalhcojo ningyesicsa. 12 Monlhoyc sat nincoo aptemaclha ilhnic nat Caín apcajayclha apyalhing. Apyiplovcasquic nic nat actemaclha somquic quilyicjamo. ¿Soctomja apcajayclha ilhnic nat apyalhing? Ayinyema ilhnic nat aptemaclha apanco apmapsom. Apyalhing eyca aptomja ilhnic nat appeyvomo.
13 Quellhip elyalhinga. Apquiltanovacpec sat ancoc quellhip nipyesicsa enlhitaoc lhalhma anco, noelpilapquis nasa apquilvalhoc. 14 Ningyinyovquic nincoo nintemaclha nano yoyam ongiltovasalhcac. Ningillhocac acyimnatem ingnenyic. Eycaso ningyasamcoc nincoo, ayinyemaclha ningilasicjavoc ingilyalhinga. Am sat ancoc ongasicjac ingilyalhing, coytic sat mocjam nintemaclha nano yoyam ongiltovasalhcac. 15 Nintanovquic sat ancoc ingyalhing, ontimjic sat malha ticyovam inyap. Apquilyasamcoc quellhip, am coyitnac acyimnatem apnenyic ticyovam inyap cotmongvoycamlha nelha. 16 Ningyicpilcangvocmec actemaclha singasicjayo Jesucristo. Apyinyovquic acyimnatem apnenyic singyanmongam nincoo. Incaymalhquic nincoo lha ongyinyoc acyimnatem ingnenyaoc acyanmongam ingilyalhinga. 17 Yitnec sat ancoc anitoc ningilnatam. Am eyca colhenac ingvalhoc ongimlimojo ingyalhing aptomja ayaymomalhca asoc. Naso, comascoc sat acliclamo ingvalhoc Dios Ingyapam. 18 Quellhip eyitquic. Noeltime nasa alhto apquilpayvam yoyam elasicjojo. Elyiplovcasojo sat mataa actemaclha ningasicjayo actomja nasoc anco.
Cotnajaycam ingvalhoc napato Dios
19 Ingvanquic ongilyasamcojo acyitna ingvalhoc actomja nasoc anco. Cotnajamejec sat ingvalhoc napato Dios. 20 Intomjac sat ancoc ingvalhoc colhenic ningmasom nincoo, ongnovacsic sat ingvalhoc yoyam colvaticsic. Dios aptomja apyimtalhnamo apanco, am colhno ingvalhoc. Apyasamcoc aclhamoclhojo asoc. 21 Quellhip silasicjayo. Am sat ancoc colhenam ingvalhoc ningmasom nincoo, cotnajamejec sat ingvalhoc napato Dios. 22 Ongillhovac sat asoc ningilmalhnaycam Dios. Ayinyemaclha ningyiplovcasquic mataa singanamaclha Dios najan actomja apyisponcama. 23 Eycaso actomja singanamaclha Dios: Apquiltamjoc mongilyascomoc nincoo apvisay Jesucristo Dios Apquitca. Apquiltamjoc ongilasicjalhcojo nincoo ningyesicsa, acno actemaclha singanamaclha ontimjic. 24 Ningyiplovcasquic sat ancoc singanamaclha Dios, ontimjic sat ninpasmeyquiclha Dios. Etnejic sat najan sinpasmeyquiclha nincoo. Monginatsejec sat actemaclha sinpasmeyquiclha Dios, ayinyemaclha ingilmasquic Espíritu apanco.
Dios apquitquic
1 Quip elanojo actemaclha singasicjayo Dios Ingyapam. Ingiltimescasquic ningilvisay Dios apquitquic. Nasoc ningiltomja Dios apquitquic. Eycaso ayinyema mejingilyicpilquem enlhit metnaja Dios apquitquic. Ayinyemaclha am elyicpilcac mocjam Dios Ingyapam. 2 Quip elyalhinga silasicjayo. Quilhvo nac jay ningiltomja nincoo Dios apquitquic. Am onlhicmosalhcac mocjam yoyam ontimjic sat nincoo. Ningyasamcoc eyca nincoo, apvoctac sat ancoc Jesucristo, onlhojoc sat aptemaclha. Ongvitac sat apyovoclhojo apanco aptemaclha Jesucristo. 3 Enlhit acyitna aljalhneycam apvalhoc, incaymalhquic etamilsacpojo apanco, apno Jesucristo aptomja aptamilsomacpo apanco.
4 Enlhit aptamongvaycmolhma meyiplovseje mataa actemaclha singanamaclha Dios. Ayinyemaclha mongyiplovquiscama singanamaclha Dios acvisay nintamongvaycmolhma. 5 Apquilyasamcoc quellhip, apvaac nat Jesucristo yoyam emascocsic mongilyascalhma. Am nat coyitnac lhama meyascalhma Jesús. 6 Ningilinlhanacmec sat ancoc ningilpasmeyquiclha Jesucristo, mongvanquejec ongilyiplovsic actemaclha nintamongvaycmolhma. Ningyiplovcasquic sat ancoc actemaclha nintamongvaycmolhma, ontimjic sat malha mongvitay najan malha mongyicpilquemo Jesucristo. 7 Quellhip eyitquic. Noelvajaniclhojo nasa enlhit yoyam elsilhnana. Ningilvajanamquic sat ancoc actemaclha acpeyvomo, ongiltimjic sat ningilpeyvomo. Onlhojoc sat Jesucristo aptomja appeyvomo. 8 Ningilvajanamquic sat ancoc actemaclha nintamongvaycmolhma, ongiltimjic sat ninpasmeyquiclha somquic quilyicjamo. Somquic quilyicjamo actomja ayinyemayaclha siclhoc anco mongilyascalhma. Eycaso ayinyema apvoya nat Dios Apquitca, yoyam etvasquisic actamjaycam somquic quilyicjamo.
9 Ningiltimec sat ancoc Dios apquitquic, mongvanquejec ongilyiplovsic actemaclha nintamongvaycmolhma. Ayinyemaclha yitnec ningyimnatem ayinyema Dios, malha actic ayenomalhca ingvalhoc. Mongvanquejec ongilyiplovsic actemaclha nintamongvaycmolhma. Ayinyemaclha nincoo ningiltomja Dios Apquitquic. 10 Melquinatsacpejec sat enlhit ningyesicsa apquiltomja Dios apquitquic najan poc apquiltomja somquic quilyicjamo ayitquic. Am sat ancoc ongilyiplovcasac actemaclha acpeyvomo. Am sat ancoc ongilasicjac ingilyalhing, am najan ongiltomjac Dios apquitquic.
Ningilasicjamalhco ningyesicsa
11 Eycaso actomja amyaa apquillinga quellhip siclhoc anco: Ningilanyalhquic ongilasicjalhcojo ningyesicsa. 12 Monlhoyc sat nincoo aptemaclha ilhnic nat Caín apcajayclha apyalhing. Apyiplovcasquic nic nat actemaclha somquic quilyicjamo. ¿Soctomja apcajayclha ilhnic nat apyalhing? Ayinyema ilhnic nat aptemaclha apanco apmapsom. Apyalhing eyca aptomja ilhnic nat appeyvomo.
13 Quellhip elyalhinga. Apquiltanovacpec sat ancoc quellhip nipyesicsa enlhitaoc lhalhma anco, noelpilapquis nasa apquilvalhoc. 14 Ningyinyovquic nincoo nintemaclha nano yoyam ongiltovasalhcac. Ningillhocac acyimnatem ingnenyic. Eycaso ningyasamcoc nincoo, ayinyemaclha ningilasicjavoc ingilyalhinga. Am sat ancoc ongasicjac ingilyalhing, coytic sat mocjam nintemaclha nano yoyam ongiltovasalhcac. 15 Nintanovquic sat ancoc ingyalhing, ontimjic sat malha ticyovam inyap. Apquilyasamcoc quellhip, am coyitnac acyimnatem apnenyic ticyovam inyap cotmongvoycamlha nelha. 16 Ningyicpilcangvocmec actemaclha singasicjayo Jesucristo. Apyinyovquic acyimnatem apnenyic singyanmongam nincoo. Incaymalhquic nincoo lha ongyinyoc acyimnatem ingnenyaoc acyanmongam ingilyalhinga. 17 Yitnec sat ancoc anitoc ningilnatam. Am eyca colhenac ingvalhoc ongimlimojo ingyalhing aptomja ayaymomalhca asoc. Naso, comascoc sat acliclamo ingvalhoc Dios Ingyapam. 18 Quellhip eyitquic. Noeltime nasa alhto apquilpayvam yoyam elasicjojo. Elyiplovcasojo sat mataa actemaclha ningasicjayo actomja nasoc anco.
Cotnajaycam ingvalhoc napato Dios
19 Ingvanquic ongilyasamcojo acyitna ingvalhoc actomja nasoc anco. Cotnajamejec sat ingvalhoc napato Dios. 20 Intomjac sat ancoc ingvalhoc colhenic ningmasom nincoo, ongnovacsic sat ingvalhoc yoyam colvaticsic. Dios aptomja apyimtalhnamo apanco, am colhno ingvalhoc. Apyasamcoc aclhamoclhojo asoc. 21 Quellhip silasicjayo. Am sat ancoc colhenam ingvalhoc ningmasom nincoo, cotnajamejec sat ingvalhoc napato Dios. 22 Ongillhovac sat asoc ningilmalhnaycam Dios. Ayinyemaclha ningyiplovcasquic mataa singanamaclha Dios najan actomja apyisponcama. 23 Eycaso actomja singanamaclha Dios: Apquiltamjoc mongilyascomoc nincoo apvisay Jesucristo Dios Apquitca. Apquiltamjoc ongilasicjalhcojo nincoo ningyesicsa, acno actemaclha singanamaclha ontimjic. 24 Ningyiplovcasquic sat ancoc singanamaclha Dios, ontimjic sat ninpasmeyquiclha Dios. Etnejic sat najan sinpasmeyquiclha nincoo. Monginatsejec sat actemaclha sinpasmeyquiclha Dios, ayinyemaclha ingilmasquic Espíritu apanco.
