Actemaclha apquiltamjaycam apóstoles
1 Incaymalhquic eltimjic quellhip ningilvisay nincoo Cristo apquilancam. Ningiltomja singilasinaycam yoyam ongillhicmocsic asoc acyilhomalhca ayinyema Dios. 2 Incaymalhquic mongilyeycajacsejec mataa ninlhanma ningiltomja Cristo apquilancam. 3 Cotnejic ac maa siclhenomalhca nipyesicsa quellhip najan siclhenomalhca napatavo singyicpilquemo. Molhenalhcoyc najan ajanco. 4 Am oyasamcoc actemaclha sicsilhnanomalhca. Movanquejec eyca olhenic mepqui sicsilhnanomalhca coo. Apvamlha Visqui ingac aptomja apyicpilquemo sictemaclha. 5 Noeltime nasa quellhip apcanem eyicpilco poc yicpintama covac acnim ningyicpilcomalhcoclha. Elalh sat acnim apvoyctamlha Visqui ingac. Etnejic sat apyicpilquemo yoyam epquiniclha ayalhnaclhojo asoc acposomalhca ingvalhoc naysicsa yatescamalhma. Ayalhnaclhojo sat epquiniclha actemaclha alquitamsama ingvalhoc. Colhic sat singaco ayinyema Dios acno actemaclha nintamjaycam.
6 Quellhip elyalhinga. Actalhescasquic quellhip siclhenomalhca ajanco najan siclhanma apvisay Apolos najan siclhanma apquilvisay quellhip. Elvajanaoc sat quellhip actemaclha ningyiplovquiscama nincoo. Noelyeycajangvoclhojo nasa Dios appayvam actalhesomalhca. Noeltime nasa apquilayo lhama yoyam elvinam poc. 7 ¿Apne ya lhama aptamila melhno poc? ¿Yitne ya lhquip lhama asoc apanco cotnaja ayinyema Dios? Nasoc sat ancoc lhip actomja aplhoy ayinyema Dios. ¿Soctomja apyimtalhnesomacpo apanco lhip, malha cotnaja ayinyema Dios?
8 Ayanayquic coo inquilastinquic quellhip Dios appayvam. Malha enlhit acma apquilnatam apquiltomjac quellhip. Malha apquilviscaa apquiltomja quellhip. Am eliltamjoc quellhip yoyam ongilpasmoc mocjam nincoo. Altamjo inyicje quellhip nasoc anco yoyam eltimjic apquilviscaa. Yoyam ongiltimiclha lhama apquilviscaa. 9 Ayanayquic coo apquiltamjoc Dios yoyam ongilvinalhcac nipyesicsa enlhitaoc ningilvisay apóstoles. Ningiltomja nincoo malha enlhitaoc yoyam eticyo. Ningiltomja nincoo malha quilaycmasquiscama apquilyovoclhojo napatavo ángeles najan napatavo enlhitaoc lhalhma anco. 10 Malha ayanem jingiltimescasac enlhit ayinyema ninlhanma apvisay Cristo. Quellhip eyca apquillhenacpo apanco apquilyascamco ayinyema Cristo. Inmasquec nincoo ningilyimnaa, quellhip eyca apquiltomja apquilyimnatem. Ningilvinalhquic nincoo nipyesicsa enlhitaoc. Innec mataa alaco quellhip. 11 Acvocmo quilhvo nac jay ninlingaycamco mayc najan mepqui yingmin ningyinaycaoc najan mepqui ningilantalhnama. Ninlingamcoc singilyicpilhqueteycaoc nipyesicsa enlhitaoc. Paj najan nincoo tingma ingac. 12 Ningilinlhanacmec nincoo ningiltamjaycam. Ningilmalhnescasquic nincoo mataa asoc altamila naysicsa singiltimesquiscama ningilmasomcaa. Ningilinlhanacmec nincoo mataa naysicsa singminlhinaycam. 13 Ningiltamilcasoc mataa ingilvalhoc naysicsa singiltimesquiscama ningilmasomcaa. Malha asoc ápaoc ningiltomjac nincoo ayinyema lhalhma anco. Malha yingmin acyamopoy ningiltomjac nincoo nipyesicsa enlhitaoc acvocmo acnim nac jay.
14 Am otalhoscasac quellhip as vaycajac, yoyam olmancacsic quellhip. Altamjoc eyca olyascasingvomoc quellhip, ayinyemaclha apquiltomja malha eyitquic silasicjayo. 15 Apnam sat ancoc aplhamoclhojo apquillhicmoscama nipyesicsa quellhip, am elhnam aplhamoclhojo apquiltomja malha apquilyap nipyesicsa quellhip ayinyema Cristo. Coo eyca apquiltomja malha apquilyap quellhip ayinyema melyasquiyam Jesucristo. Ayinyema najan siclingascama tasic amyaa nipyesicsa quellhip. 16 Actomjac coo silanya quellhip: Elyiplovquis sat coo sictemaclha mataa.
17 Pac ongvapajacsic sat ingyalhing Timoteo nipyesicsa quellhip. Aptomja malha sictamongvoyam ayinyema meyasquiyam Cristo. Ayasicjavoc coo Timoteo aptomja apquilyajayquiclho. Elhicmocsic sat yoyam elyasingvoclhojoc quellhip sictemaclha mataa sicyiplovquiscama sictimem moyasquiyam Cristo. Elhicmocsic sat actemaclha mataa sillhicmoscama coo aclhamoclhojo apcaneyquiclhilha Jesucristo apmolhama. 18 Apquiltomjac alhta apquilyimtalhnesomacpo apanco napocja sellhena quellhip: Mevotayc sat Pablo —alhta apquiltomjac. 19 Actomjac coo silanya quellhip: Apquiltamjoc sat ancoc Visqui ingac, cotlapsic sat ovoclhac nipyesicsa quellhip. Olyicpilcojoc sat apquiltomjaclha apquilyimtalhnesomacpo apanco, jave acvamlha actemaclha apquillhamasomap. 20 Cotalhcac sat Dios apquilnancascama actemaclha ningmovan ayinyema Dios, cotnaja nintemaclha ninlhamasomalhca. 21 ¿Jalhco sat otnejic coo ovoclhac nipyesicsa quellhip? ¿Pa ya oyanmongsiclhac apquiltemaclha quellhip? ¿Pa ya olasicjojo quellhip acyiplomo actamilaycam evalhoc? Paj inyicje.
Actemaclha apquiltamjaycam apóstoles
1 Incaymalhquic eltimjic quellhip ningilvisay nincoo Cristo apquilancam. Ningiltomja singilasinaycam yoyam ongillhicmocsic asoc acyilhomalhca ayinyema Dios. 2 Incaymalhquic mongilyeycajacsejec mataa ninlhanma ningiltomja Cristo apquilancam. 3 Cotnejic ac maa siclhenomalhca nipyesicsa quellhip najan siclhenomalhca napatavo singyicpilquemo. Molhenalhcoyc najan ajanco. 4 Am oyasamcoc actemaclha sicsilhnanomalhca. Movanquejec eyca olhenic mepqui sicsilhnanomalhca coo. Apvamlha Visqui ingac aptomja apyicpilquemo sictemaclha. 5 Noeltime nasa quellhip apcanem eyicpilco poc yicpintama covac acnim ningyicpilcomalhcoclha. Elalh sat acnim apvoyctamlha Visqui ingac. Etnejic sat apyicpilquemo yoyam epquiniclha ayalhnaclhojo asoc acposomalhca ingvalhoc naysicsa yatescamalhma. Ayalhnaclhojo sat epquiniclha actemaclha alquitamsama ingvalhoc. Colhic sat singaco ayinyema Dios acno actemaclha nintamjaycam.
6 Quellhip elyalhinga. Actalhescasquic quellhip siclhenomalhca ajanco najan siclhanma apvisay Apolos najan siclhanma apquilvisay quellhip. Elvajanaoc sat quellhip actemaclha ningyiplovquiscama nincoo. Noelyeycajangvoclhojo nasa Dios appayvam actalhesomalhca. Noeltime nasa apquilayo lhama yoyam elvinam poc. 7 ¿Apne ya lhama aptamila melhno poc? ¿Yitne ya lhquip lhama asoc apanco cotnaja ayinyema Dios? Nasoc sat ancoc lhip actomja aplhoy ayinyema Dios. ¿Soctomja apyimtalhnesomacpo apanco lhip, malha cotnaja ayinyema Dios?
8 Ayanayquic coo inquilastinquic quellhip Dios appayvam. Malha enlhit acma apquilnatam apquiltomjac quellhip. Malha apquilviscaa apquiltomja quellhip. Am eliltamjoc quellhip yoyam ongilpasmoc mocjam nincoo. Altamjo inyicje quellhip nasoc anco yoyam eltimjic apquilviscaa. Yoyam ongiltimiclha lhama apquilviscaa. 9 Ayanayquic coo apquiltamjoc Dios yoyam ongilvinalhcac nipyesicsa enlhitaoc ningilvisay apóstoles. Ningiltomja nincoo malha enlhitaoc yoyam eticyo. Ningiltomja nincoo malha quilaycmasquiscama apquilyovoclhojo napatavo ángeles najan napatavo enlhitaoc lhalhma anco. 10 Malha ayanem jingiltimescasac enlhit ayinyema ninlhanma apvisay Cristo. Quellhip eyca apquillhenacpo apanco apquilyascamco ayinyema Cristo. Inmasquec nincoo ningilyimnaa, quellhip eyca apquiltomja apquilyimnatem. Ningilvinalhquic nincoo nipyesicsa enlhitaoc. Innec mataa alaco quellhip. 11 Acvocmo quilhvo nac jay ninlingaycamco mayc najan mepqui yingmin ningyinaycaoc najan mepqui ningilantalhnama. Ninlingamcoc singilyicpilhqueteycaoc nipyesicsa enlhitaoc. Paj najan nincoo tingma ingac. 12 Ningilinlhanacmec nincoo ningiltamjaycam. Ningilmalhnescasquic nincoo mataa asoc altamila naysicsa singiltimesquiscama ningilmasomcaa. Ningilinlhanacmec nincoo mataa naysicsa singminlhinaycam. 13 Ningiltamilcasoc mataa ingilvalhoc naysicsa singiltimesquiscama ningilmasomcaa. Malha asoc ápaoc ningiltomjac nincoo ayinyema lhalhma anco. Malha yingmin acyamopoy ningiltomjac nincoo nipyesicsa enlhitaoc acvocmo acnim nac jay.
14 Am otalhoscasac quellhip as vaycajac, yoyam olmancacsic quellhip. Altamjoc eyca olyascasingvomoc quellhip, ayinyemaclha apquiltomja malha eyitquic silasicjayo. 15 Apnam sat ancoc aplhamoclhojo apquillhicmoscama nipyesicsa quellhip, am elhnam aplhamoclhojo apquiltomja malha apquilyap nipyesicsa quellhip ayinyema Cristo. Coo eyca apquiltomja malha apquilyap quellhip ayinyema melyasquiyam Jesucristo. Ayinyema najan siclingascama tasic amyaa nipyesicsa quellhip. 16 Actomjac coo silanya quellhip: Elyiplovquis sat coo sictemaclha mataa.
17 Pac ongvapajacsic sat ingyalhing Timoteo nipyesicsa quellhip. Aptomja malha sictamongvoyam ayinyema meyasquiyam Cristo. Ayasicjavoc coo Timoteo aptomja apquilyajayquiclho. Elhicmocsic sat yoyam elyasingvoclhojoc quellhip sictemaclha mataa sicyiplovquiscama sictimem moyasquiyam Cristo. Elhicmocsic sat actemaclha mataa sillhicmoscama coo aclhamoclhojo apcaneyquiclhilha Jesucristo apmolhama. 18 Apquiltomjac alhta apquilyimtalhnesomacpo apanco napocja sellhena quellhip: Mevotayc sat Pablo —alhta apquiltomjac. 19 Actomjac coo silanya quellhip: Apquiltamjoc sat ancoc Visqui ingac, cotlapsic sat ovoclhac nipyesicsa quellhip. Olyicpilcojoc sat apquiltomjaclha apquilyimtalhnesomacpo apanco, jave acvamlha actemaclha apquillhamasomap. 20 Cotalhcac sat Dios apquilnancascama actemaclha ningmovan ayinyema Dios, cotnaja nintemaclha ninlhamasomalhca. 21 ¿Jalhco sat otnejic coo ovoclhac nipyesicsa quellhip? ¿Pa ya oyanmongsiclhac apquiltemaclha quellhip? ¿Pa ya olasicjojo quellhip acyiplomo actamilaycam evalhoc? Paj inyicje.
