Apticyovam Saúl najan apquitquic
(1~S 31.1-13)1 Apquilimpocjac nic nat filisteos nipyesicsa enlhitaoc Israel. Apquilinyajamquic nic nat israelitas. Appintalhnama ilhnic nat apticyovam israelitas inquilhe Gilboa. 2 Apquilminlhinquic nic nat filisteos, yoyam elmoc Saúl najan apquitquic. Apmatnec nic nat Jonatán, najan Abinadab, najan Malquisúa. 3 Apquilpasmeclhec nic nat elajic apvisqui Saúl. Apquilyimsasquic nic nat yanca apancaoc. 4 Aptomjac nic nat apvisqui Saúl apcanya apsoycam apquilmaycam: ¡Ilic sovo pac jeyiplha coo! Am oltamjoc jelasquisic eyimpejic cotnaja ingmoc naysicsa selasmescama— nic nat aptomjac.
Am nic nat colcac apvalhoc aplhalhma, ayinyema acyivey ayay apvalhoc. Apliquic nic nat sovo pac apvisqui Saúl apyiplha apanco, apquitsepqui. 5 Pilapcasquic nic nat aplhalhma apvita apmatnam Saúl. Apyiplhaquic nic nat apanco aplhalhma, apquitsepquic najan maa. 6 Apticyovquic nic nat as acnim apvisqui Saúl najan tres apquitquic najan apyovoclhojo apquilmolhama.
7 Apquilvitac nic nat apnaycam amyip acvanyam apquiltemaclha israelitas apquinyajaycaoc. Apquilvitac nic nat apmatnam apvisqui Saúl najan apquitquic. Apquilinyajamquic nic nat apyovoclhojo maa tingma apquilvanyam. Apquilnaclhec nic nat maa cotnaja ingmoc filisteos.
8 Moc acnim nic nat intomjac. Apquiltingyac nic nat filisteos asoc apancaoc apticyovam. Apquilvitac nic nat apvisqui Saúl apmatnam najan apquitquic, payjoc inquilhe Gilboa. 9 Apquiljalhyovasquic nic nat apquilantalhnama. Apquilyatemenquic nic nat apcatic, apquilsayclha maa najan apquilmaycam. Apquilapajasquic nic nat soycam amyaa ellingacsic amyaa nipyesicsa filisteos najan quilaycmasquiscama apancaoc lhalhma anco. 10 Apninquinquic nic nat apquilmaycam Saúl congne tingma acyitnamaclha quilaycmasquiscama. Apquilhnesquic nic nat apcatic Saúl tingma acyitnamaclha quilaycmasquiscama acvisay Dagón.
11 Pilapcasquic nic nat apquillinga amyaa tingma Jabes yoclhilhma Galaad, apquiltemaclha apancaoc filisteos. 12 Apcaneclhec nic nat apyovoclhojo enlhit apquilyimnatem. Apquiltingyac nic nat apjápac Saúl najan apjápaoc apquitquic. Apquilpatmentac nic nat tingma Jabes. Apquilatoynquic nic nat payjoc ayimjaclha masit. Intomjac nic nat acmayovsa apquilvalhoc (yocsa) siete acnim mepqui aptoycaoc.
13 Eycaso amyaa apmatnam nic nat apvisqui Saúl. Apsilhnanomap apanco, ayinyema ilhnic nat mepqui apquilyajayquiclho Dios Visqui ingac appayvam, ayinyema najan acpamejitsomalhca quilvana quiljangaoc inyap. 14 Am nic nat epamejitsacpoc Dios apvisqui Saúl. Am nic nat emyavac Dios Visqui ingac ematong apvisqui Saúl. Aptimesacpec nic nat apvisqui David, Isaí apquitca.
Apticyovam Saúl najan apquitquic
(1~S 31.1-13)1 Apquilimpocjac nic nat filisteos nipyesicsa enlhitaoc Israel. Apquilinyajamquic nic nat israelitas. Appintalhnama ilhnic nat apticyovam israelitas inquilhe Gilboa. 2 Apquilminlhinquic nic nat filisteos, yoyam elmoc Saúl najan apquitquic. Apmatnec nic nat Jonatán, najan Abinadab, najan Malquisúa. 3 Apquilpasmeclhec nic nat elajic apvisqui Saúl. Apquilyimsasquic nic nat yanca apancaoc. 4 Aptomjac nic nat apvisqui Saúl apcanya apsoycam apquilmaycam: ¡Ilic sovo pac jeyiplha coo! Am oltamjoc jelasquisic eyimpejic cotnaja ingmoc naysicsa selasmescama— nic nat aptomjac.
Am nic nat colcac apvalhoc aplhalhma, ayinyema acyivey ayay apvalhoc. Apliquic nic nat sovo pac apvisqui Saúl apyiplha apanco, apquitsepqui. 5 Pilapcasquic nic nat aplhalhma apvita apmatnam Saúl. Apyiplhaquic nic nat apanco aplhalhma, apquitsepquic najan maa. 6 Apticyovquic nic nat as acnim apvisqui Saúl najan tres apquitquic najan apyovoclhojo apquilmolhama.
7 Apquilvitac nic nat apnaycam amyip acvanyam apquiltemaclha israelitas apquinyajaycaoc. Apquilvitac nic nat apmatnam apvisqui Saúl najan apquitquic. Apquilinyajamquic nic nat apyovoclhojo maa tingma apquilvanyam. Apquilnaclhec nic nat maa cotnaja ingmoc filisteos.
8 Moc acnim nic nat intomjac. Apquiltingyac nic nat filisteos asoc apancaoc apticyovam. Apquilvitac nic nat apvisqui Saúl apmatnam najan apquitquic, payjoc inquilhe Gilboa. 9 Apquiljalhyovasquic nic nat apquilantalhnama. Apquilyatemenquic nic nat apcatic, apquilsayclha maa najan apquilmaycam. Apquilapajasquic nic nat soycam amyaa ellingacsic amyaa nipyesicsa filisteos najan quilaycmasquiscama apancaoc lhalhma anco. 10 Apninquinquic nic nat apquilmaycam Saúl congne tingma acyitnamaclha quilaycmasquiscama. Apquilhnesquic nic nat apcatic Saúl tingma acyitnamaclha quilaycmasquiscama acvisay Dagón.
11 Pilapcasquic nic nat apquillinga amyaa tingma Jabes yoclhilhma Galaad, apquiltemaclha apancaoc filisteos. 12 Apcaneclhec nic nat apyovoclhojo enlhit apquilyimnatem. Apquiltingyac nic nat apjápac Saúl najan apjápaoc apquitquic. Apquilpatmentac nic nat tingma Jabes. Apquilatoynquic nic nat payjoc ayimjaclha masit. Intomjac nic nat acmayovsa apquilvalhoc (yocsa) siete acnim mepqui aptoycaoc.
13 Eycaso amyaa apmatnam nic nat apvisqui Saúl. Apsilhnanomap apanco, ayinyema ilhnic nat mepqui apquilyajayquiclho Dios Visqui ingac appayvam, ayinyema najan acpamejitsomalhca quilvana quiljangaoc inyap. 14 Am nic nat epamejitsacpoc Dios apvisqui Saúl. Am nic nat emyavac Dios Visqui ingac ematong apvisqui Saúl. Aptimesacpec nic nat apvisqui David, Isaí apquitca.
