Wesse' egegkok ekhem apagkok ekwe
1 Aptáhak Wesse' egegkok ekha apyennaqte s'e: “Chágketwa'ak ekhem, ekmexanma ektémól'a táxa axagkok, yaqwánxa sa' elmétek apyókxoho m'a éleymáxkoho nak apkelwáxok ektémól'a kalmétek ma'a pa'at apák eyáléweykhal'a ekyawe. Elmétek sa' ekwa'a enxoho xa ekhem nak, Cháxa ekhem peya nak kawa', megyeymakpek sa' xama enxoho. 2 Keñe sa' kéxegke kélteme nak séláyo ko'o, kalyenmok sa' kélnepyeseksa m'a ektémakxa nak ekpéwomo sektémakxa, ektémól'a ekhem éltátchesso, segméssamól'a ekyennaqte egyempehek hẽltátchesek. Kólnextegmakha sa' néten kéxegke kólátsaha, ektémól'a weyke étkók kelennay'a élánteyapmal'a m'a axanák. 3 Cháxa ekhem sekpagkanma nak ko'o, máxa yagkamex sa' kólteméssesek kéxegke kólteyammaha m'a élmasagcha'a nak apkeltémakxa'.
4 “Kaxénwakxoho sa' kélwáxok ma'a segánamakxa sekméssama axta ko'o séláneykha Moisés ma'a egkexe nak Horeb. ¡Segánamakxa axta m'a, apkelánémap axta elanagkok ma'a apyókxoho énxet'ák Israel!
5 “Kóllano: Peyk ko'o wáphássesek kéxegke m'a aplegasso sekpeywa Elías, amonye' ekwe m'a Wesse' egegkok ekhem apagkok, cham'a peya sa' katnehek ekhem ekyentaxno, tén han ekmaso. 6 Elásekhassásekxohok sa' apketchek ma'a apyapmeyk. Sa' agkok katnahak xa ektáha nak, awaták sa', keñe sa' allegássesagkok ma'a apchókxa nak, amasséssók sa' ma'a apyókxoho nak.”
La venida del día del Señor
1 1 (3.19) El Señor todopoderoso dice: «Ya está llegando el día, ardiente como un horno, en el que todos los arrogantes y malvados arderán como paja. Y este día que está llegando los quemará, hasta no dejarles raíz ni rama. 2 2 (3.20) Pero para ustedes, los que me honran, nacerá la justicia como sol brillante, que trae salud en sus rayos. Y ustedes saltarán de alegría como terneros que salen del establo. 3 3 (3.21) En ese día que estoy preparando, ustedes pisotearán a los malvados como si fueran ceniza debajo de sus pies.
4 4 (3.22) »Acuérdense de la ley que le di a mi siervo Moisés en el monte Horeb. ¡Eran preceptos y mandatos que todo Israel debía obedecer!
5 5 (3.23) »Presten atención: Voy a enviarles al profeta Elías, antes de que llegue el día del Señor, que será un día grande y terrible. 6 6 (3.24) Él hará que los padres se reconcilien con los hijos, y los hijos con los padres. De lo contrario vendré y castigaré al país con la destrucción total.»
