Apkelhaxanma nak Dios elának énxet
1 Wesse',
¿yaqsa sa' awanchek
kaxek ma'a tegma
appagkanamap apagkok nak?
¿yaqsa sa' awanchek
kaxek ma'a egkexe
apagkok ektaqmalma nak?
2 Wánxa m'a énxet
apkeláneyo nak
aptémakxa ektaqmela,
apkeláneyo nak
nentémakxa ekpéwomo,
apxeyenmo nak
amya'a ekmámnaqsoho
ekweykmoho kañók
agko' apwáxok;
3 mexeyenma nak
chá'a ekmaso pók,
metnéssesseykmoho
nak exma ekmaso
m'a apxegexma,
metaqnagko nak ma'a
apha nak ketók apxagkok;
4 aptaqnagkamo nak
ma'a énxet ekpayhawo
nak etaqnaweykpok,
apcháyo nak chá'a
m'a apcháyo nak
Wesse' egegkok;
apkeláneyo nak chá'a
m'a aqsok apxeyenma elána',
neyseksa eykhe megkataqmalma
ekteyapma aqsok apkelane;
5 tén han ma'a
apmassáseykha nak
chá'a pók selyaqye apagkok,
meyke apkeltémo
eyánmagkasagkok néten;
tén han memà nak
selyaqye exkak yáneykpok
etwássesha apha
m'a énxet meyke
nak aptémakxa.
Énxet apteme
nak xa ektáha nak,
metyemek sa' chá'a.
SALMO 15 (14)
Lo que Dios espera del ser humano
1a (1a) Salmo de David.
1 1 (1b) Señor,
¿quién puede residir en tu santuario?,
¿quién puede habitar en tu santo monte?
2 Solo quien vive sin tacha y practica la justicia;
solo quien dice la verdad de todo corazón;
3 solo quien no habla mal de nadie;
ni hace daño a su amigo
ni ofende a su vecino;
4 solo quien mira con desprecio a quien desprecio merece,
pero honra a quien honra al Señor;
solo quien cumple sus promesas aunque le vaya mal;
5 y presta su dinero sin exigir intereses;
ni acepta soborno en contra del inocente.
Quien así vive jamás caerá.
