Nélpeykessamo apteme nak senlane
1 ¡Alpeykeshok sa' chá'a
ko'o Wesse' egegkok
ekweykmoho kañók
agko' ewáxok!
¡Apwányam apagko' xép,
Wesse', Dios ahagkok!
Aptaxneykekxeyk
apcheymákpoho,
tén han apkelyenma,
ektémól'a nentaxno;
2 apchaqlamakpek élseyéxma,
ektémól'a negaqlamaxche'.
¡Appeykessegkek xép néten
ektémól'a apáwa kélapmal'a!
3 ¡Apkeláneyak
apxagkok ma'a
néten yegmen nak,
cham'a netno' nak!
Apchánte aptamheykekxak
ma'a yaphope nak;
¡exog chá'a neyseksa éxchahayam!
4 Apteméssessegkek chá'a
apkelápháseykha m'a éxchahayam,
keñe chá'a táxa eyáléwe
m'a apkeláneykha nak.
5 Appekkenmeyk axta
xapop néten ma'a awhak
ekyennaqtéssamakxa nak,
yaqwayam enxoho
megkaltaqheykha m'a
ekyetnamakxa nak.
6 Chapmeyk axta
wátsam ekwányam
ekmattawóneg ma'a xapop,
ektémól'a nentaxno.
Chapmeyk axta yegmen ma'a
meteymog élwenaqte nak.
7 Appaqhetchessegkek
axta eyke exchep,
keñe élxegama;
yetlómok axta ényehéyak
eklegaya appeywa éxtegyawà.
8 Kelápxegmeyk
axta m'a egkexe,
keñe élweweykento m'a
élyapwátegweykenxa nak xapop,
kelmaheykegkek axta m'a
apkeltémókxa axta kalmahagkok,
9 cham'a néxa axta
apkeltémókxa megkamalláne',
yaqwayam enxoho
megkápekxók chá'a m'a xapop.
10 Aptekkessegkek
xép yegmen ma'a
élánteyapmakxa nak yegmen,
apkelya'áseykekxo m'a wátsam,
ényahama nak neyseksa
meteymog élekhahéyak.
11 Cháxa ekyeneykegko
nak chá'a aqsok nawha'ák
xa yegmen nak;
cháxa ekmasséssama
nak chá'a hem élnapma m'a
yámelyeheykok nawha'ák.
12 Kelyáqtegkek neyáwa
wátsam éláneykegko
axanák ma'a náta;
¡cha'a élpáwomakxa chá'a m'a
neyseksa aktegák nak yenta'a!
13 Xeyep chá'a
apkelexpaqhéyak
yegmen ma'a egkexe,
cham'a apxagkok,
aphamakxa nak netnók agko';
apméssegkek chá'a exchep
ektaqmalma xapop
apméssama m'a ekmámeye.
14 Aptekkessegkek
chá'a pa'at yaqwayam
katawagkok aqsok nawha'ák,
tén han aqsok
apkeneykekxa énxet,
yaqwayam étak apto,
15 nento ekméssamo
nak chá'a apyennaqte,
tén han vino,
ekpeykáseykekxoho
nak chá'a apwáxok,
eyátsessáseykhal'a chá'a nápat,
ektémól'a pexmok égmenek.
16 Kaxek chá'a yegmen
élámhakxa m'a yenta'a élyawe,
cham'a yámet cedros
élámha nak Líbano,
apkeneykekxa nak
Wesse' egegkok,
17 cham'a éláneykegkaxa han
chá'a axanák nátétkók ma'a,
keñe han chá'a seyána kalyagqak
ma'a néten nak yámet élyawe pinos.
18 Yát'ay apkelyáqtamakxa
m'a néten egkexe nak chá'a,
keñe m'a neyseksa
meteymog nak,
élyexanmomakxa chá'a m'a yekpa'.
19 Apkeláneyak axta exchep pelten
yaqwayam elyetsetagkok chá'a ekhem;
ya'ásegkók han chá'a ekwánxa
katxek ma'a ekhem.
20 Eyáqtéssesek chá'a exchep,
keñe chá'a katnehek axta'a,
keytlawhok han chá'a
élánteyapma m'a aqsok
nawha'ák élleykha nak naxma.
21 Kalpáwha chá'a awáxok
kategyagkok ekyógkexma
m'a yámakméwa;
kalmaxnak chá'a
Dios ma'a ektéyak.
22 Keñe ektepa
enxoho chá'a ekhem,
kaltaqhekxak chá'a,
kaxnagwakxak chá'a m'a
axanák nak meteymog áxwa.
23 Keñe etyapok
chá'a énxet etneykha,
ekweykmoho ekyáqtésa.
24 ¡Wesse',
xamók agko' xép
aqsok apkelane!
Yetlo apya'áseykegkoho
apkelanék ma'a ekyókxoho nak;
¡sawheykekxók ekyókxoho
xapop ma'a aqsok apkelane!
25 Cháxa ekyetna
wátsam ekwányam
ekyawe ekpayhakxa,
élleykegkaxa nak ma'a
ekxámokma aqsok nawha'ák,
élyawe, tén han keyetse nak;
26 cha'a élweynchámeykegkaxa
yántakpayhe m'a,
cha'a ekyetnamakxa
yegmen askok
ekyawe Leviatán ma'a,
apkeláneya axta
yaqwayam eneykesha chá'a.
27 Kaleyxek chá'a
exchep elagkok
ektéyak xa
ekyókxoho nak,
cham'a ekmayhágko
enxoho chá'a.
28 Elmések chá'a exchep,
keñe kalmagkok chá'a;
apkelméssek agkok chá'a,
kalyaqkanmekxohok chá'a
ektéyak ektaqmela;
29 massék agkok chá'a
exchep apkelano,
kalyegweyk chá'a;
apyementamákxeyk
agkok élennama,
kaletsapok chá'a,
xapop chá'a katnekxa'.
30 Apméssek agkok
ma'a apkennama
segméssamo nak
negyennaqte,
eyke peya kalanaxchek ma'a,
cháxa aptémakxa nak chá'a
exchep etnessásegkokxak
axnancha'ák aqsok keso náxop.
31 ¡Megkamassegwomek
apcheymákpoho Wesse' egegkok!
¡Kapeykessásekxak chá'a
apwáxok Wesse' egegkok
ma'a aqsok apkelane nak!
32 Kalpexyennók chá'a xapop
apkelano enxoho chá'a;
¡kalpaqnek chá'a néten egkexe
apkelpaknegwokmoho enxoho chá'a!
33 Anneykmássesek sa' chá'a
ko'o negmeneykmasso
Wesse' ahagkok
sekhakxa nak makham,
anneykmássesek sa' chá'a
ko'o negmeneykmasso
Dios ahagkok,
sekyennákxa nak makham.
34 Émenyeyk ko'o
kapeykessásekxak
apwáxok Wesse' egegkok
ma'a ektémakxa nak chá'a
élchetámeykha ewáxok,
hakte wánxa chá'a ko'o
segkésso ekpayheykekxa
ewáxok ma'a.
35 ¡Tásek kamassegwók
apkelweynchámeykha
náxop ma'a
melya'assáxma nak!
¡Tásek elmassegwók
ma'a élmasagcha'a
nak apkeltémakxa!
¡Alpeykeshok sa' chá'a
ko'o Wesse' egegkok,
ekweykmoho kañók
agko' ewáxok!
¡Aleluya!
Ñamomba'e guasu ñande apoharépe
1 Amomba'e guasu Ñandejárape
che py'aite guive.
Nde tuichaite niko Tupã che Jára,
remimbi ha rejajaipa,
2 ha mba'e rendýpe reñeñuã.
Óga pepóicha reipyso yvága
3 ha nde rogarã y ári remopu'ã.
Reñemombayru araípe
ha yvytu pepo ári reiko.
4 Yvytu ne maranduhára
ha ára vera katu ne rembiguái.
5 Nde remopyenda vaekue ko yvy
ani haguã oku'e araka'eve.
6 Y guasúpe ahojáicha
reñuãmba ko yvy,
yvyty jepe ojaho'ipa vaekue.
7 Ha nde resapukáivo ohopa,
nerendúvo resunu okañymba.
8 Yvytýre ojepoi,
ñúre isarambi
ha opyta remohenda haguépe.
9 Rehai chupe yvy ani haguã ohasa,
anive haguã ojaho'i yvy
araka'eve.
10 Ñúre yvúgui y remotororõ
ha yvyty pa'ũ rupi osyry.
11 Umívagui hoy'u tymba saite,
vúrro saite ombogue ijyuhéi.
12 Ysyry rembe'ýre
guyra kuéra ojaitypo
ha yvyra rakãre
ohenduka ipurahéi.
13 Yvate guio umi yvyty remohe'õ
ha ne rembiapokuégui
hyguãtã pe yvy.
14 Kapi'i remoheñói
mymba kuérape guarã,
kóga kuéra yvypóra rembi'urã,
15 tembi'u chupe omohyguãtãva,
kaguy chupe ombopy'a rorýva,
ha ñandy ryku hova omboveráva.
16 Hyguãtãmba umi yvyra
yvyty Líbano pegua,
umi kuri'y
Ñandejára oñotỹ vaekue.
17 Umívare guyra kuéra ojaitypo
ha hu'ãitépe tujuju ojehupapo.
18 Umi yvytýre kavara oiko
ha anguja guasu umi ita kuápe.
19 Jasy rejapo
ára oñeha'ã haguã,
kuarahy oikuaa araka'épa oikéta,
20 rembou pyhare
ha pytũmbýpe tymba ñarõ omangea.
21 Jaguarete ra'y kuéra
hembi'úre okororõ,
Tupãme ojerure ho'u vaerã.
22 Kuarahy osẽvo katu okañymba,
ikehápe ohopa oñeno.
23 Upévo osẽ yvypóra omba'apo,
kuarahy oike peve omba'apo.
24 Ore Jára,
hetaite mba'e niko rejapo.
Nde katupyrýgui umíva rejapo.
Ko yvy henyhẽ ne rembiapokuégui.
25 Péina upépe yguasu
ipe ha ipyrusúva,
ipype omumumba
tymba kuéra michĩ ha tuicháva
ikatu'ỹva jaipapa.
26 Upe rupi ygára guasu kuéra ohasa,
ha upépe hetia'e ku Leviatán.
27 Opa ko'ãva nde rehe ojepoka
hembi'urã hi'árape
chupe kuéra reme'ẽ haguã.
28 Reme'ẽ ha ogueraha,
nde po jerágui ha'e kuéra hyguãtã.
29 Nde rova reñomi ramo
ha'e kuéra oñemondýi,
ipytu rejoko ramo omanomba,
ha yvýpe jeýnte oho opa.
30 Nde pytúpe umíva rejapo,
ha ko yvy ári
opa mba'e rembopyahu.
31 Ñandejára tomimbipa opa ára,
Ñandejára tovy'a hembiapokuére.
32 Yvy oryrýi,
ha'e hese oma'ẽvo,
umi yvyty otĩmbo,
ha'e hese opoko ramo.
33 Ñandejárape apurahéine
aikove aja pukukue,
Tupãme aropurahéine
aiko aja ko yvy ári.
34 Iporã nga'u ra'e Ñandejárape
umi mba'e che akãme arekóva.
Ha'e añoite ku hína upe che mbovy'áva.
35 Heko vaíva
tomanomba ko yvy ape ári,
iñañáva ta hapykuereve'ỹ.
Amomba'e guasu Ñandejárape
che py'aite guive.
Aleluya.