Ahías apxeyenma emassegwók Jeroboam
1 Apháxamákpek axta Abías xa ekhem nak, Jeroboam axta apketche. 2 Keñe axta Jeroboam aptéma apkenagkama aptáwa' s'e:
—Kaxeg, kalántaxnekxa sa' ma'a apáwa megkótémaxko nak chá'a kalmaha, yaqwayam sa' megkeykpelchexchék ektáha etáwa', kamhók sa' ma'a Siló. Apheyk Ahías ma'a, cham'a Dios appeywa aplegasso séltennassama axta ko'o atnehek wesse' apwányam se'e yókxexma nak. 3 Kalsaw sa' diez pán, torta, tén han xama egheykok ekyawe ekyeta yányawhéna' apyegmenek, keñe sa' kay'ókxak yaqwayam eltennaksek yaqwánxa katnehek se'e sakcha'a nak.
4 Temék axta Jeroboam aptáwa' xa ektáha nak. Kelnaqtamáha axta keñe ekxega ekmahágko m'a Siló, wokmek axta m'a Ahías apxagkok. Massegkek axta apwetéxma m'a Ahías, eñama apteme apwányamo, 5 apkeltennassegkek axta eyke Wesse' egegkok ekmáheyo kay'ammok ma'a Jeroboam aptáwa', yaqwayam kalmaxneyha yaqwánxa katnehek ma'a étche, cham'a apháxamap axta. Apkeltennassegkek axta han apkeltémókxa etnehek apchátegmowéyak, tén han apxeyenma ekmáheyo kalántaxnekxak élnaqta megkótémaxko nak chá'a kalmaha.
6 Xama axta apleg'a Ahías élpáwokmo amagkok ektaxnegwa'a m'a átog nak, aptáhak axta apcháneya:
—Katex, Jeroboam aptáwa'. ¿Yaqsa ektáha éltamho nak kánéxchek mók kelán'a? Eyáneyáxcheyk xeyk ko'o apaqhetchesek ekyennaqte exche', 7 kataqhoho sa', kaltennés sa' Jeroboam aptáha apxéna Wesse', Dios nak Israel se'e: ‘Ektekkessegkek axta ko'o exchep nepyeseksa énxet'ák, keñe sekteméssessama apkemha apmonye' apagkok ma'a énxet'ák ahagkok Israel. 8 Ekyementameykekxeyk axta ko'o David aptawán'ák neptámen aptamhéyak apkelwesse'e apkelwányam, keñe sekmeyáseykekxo exchep. Makke exchep etneyk ma'a aptémakxa axta David, séláneykha axta, apkeláneya axta m'a séltémókxa nak etnehek, sétleykencha'a axta ekweykmoho kañók agko' apwáxok, ekpéwomo axta aqsok apkelane nahaqto' ko'o; 9 asagkók agko' exchep aptémakxa', megkaxnawok apkeltémakxa axta m'a apyókxoho apheykencha'a axta, metyapmakxa axta exchep; elókassegkek xép apkeláneya m'a mók aqsok kéláyókxa, tén han kéleykmássesso kélpeykáseykekxa nak sawo, ewanyémok han. 10 Wahak sa' ko'o aqsok ekmaso m'a aptawán'ák neptámen eñama apteme xa: wának sa' eletsapok apyókxoho aptawán'ák neptámen apkelennay'a m'a kañe' Israel; esawhakpohok sa'. Amasséssók sa' apyókxoho aptawán'ák neptámen, máxa sa' atnéssesek ma'a ektémól'a kólchexák aqsok ekteyáseykha. 11 Semheg sa' katawagkok aphopák ma'a apteme apnámakkok, apkeletsapma nak ma'a tegma apwányam, keñe sa' ma'a apkeletsapma nak yókxexma, máma sa' etawagkok, cháxa sektáhakxa nak ko'o sekpeywa xa, sektáha nak Wesse'.’
12 “Kelán'a, kampekxa néten, kamyekxa axagkok. Kawakxohok sa' aqsa exche' m'a tegma apwányam nak, keñe sa' yetsapok ma'a sakcha'a. 13 Tén sa' ellekxagwaha elanok ma'a apyókxoho énxet'ák nak Israel, keñe sa' yátawanyek; sa' aqsa han wánxa Jeroboam aptáwen neptámen kaxek takhaxpop apagkok. Wánxa aqsa han ekleklamo apwáxok Wesse' egegkok, Dios nak Israel xa sakcha'a nak, nepyeseksa m'a apyókxoho Jeroboam aptawán'ák neptámen nak. 14 Keñe sa' epekkenek xama wesse' apwányam ma'a Israel, yaqwayam sa' emasséssók apyókxoho m'a Jeroboam aptawán'ák neptámen nak. Keso kaxwo' nak, tén han ma'a egmonye' sa', 15 ellegássesagkohok sa' Wesse' egegkok ma'a énxet'ák nak Israel, elpexyennegkesek sa' ektémól'a yegmen ényé kalpexyennegkesek ma'a tappo. Elántekkesek sa' se'e ektaqmelakxa nak xapop apmésso axta m'a apyapmeyk nano', ekxakhagwók sa' ma'a teyp nak wátsam Éufrates, cham'a makhawo' nak, eñama apkeláneyak ma'a kéleykmássesso nak Astarté, eklókassama nak ma'a Wesse' egegkok. 16 Ekxák sa' Wesse' egegkok ma'a énxet'ák Israel, eñama m'a aptémakxa axta apkelane mey'assáxma m'a Jeroboam, apkelánéseykegko axta melya'assáxma m'a israelitas.”
17 Tén axta émpákxo néten ma'a Jeroboam aptáwa' ektaqhákxo, wákxeyk axta m'a Tirsá; xama axta ektaxnegwákxo m'a axagkok, keñe apketsapa m'a sakcha'a. 18 Apyókxoho énxet'ák Israel axta apkelmahágkok ma'a kélátawanyakxa, apkellekxagweyha axta han apkelano, aptáhakxa axta appeywa m'a Wesse' egegkok, apchásenneykekxo axta exének ma'a apkeláneykha, apteme axta aplegasso appeywa apwesey Ahías.
19 Ektémakxa axta apweynchámeykha Jeroboam, kempakhakma apya'áyam tén han ma'a ektémakxa axta chá'a m'a aptémakxa nak wesse' apwányam, hágkek eknaqtáxésamaxche m'a weykcha'áhak apagkok axta m'a kelwesse'e apkelwányam axta m'a Israel. 20 Veintidós apyeyam axta weykmok apteme wesse' apwányam ma'a Jeroboam, keñe apketsapa, apyaqmagkasa apteme wesse' apwányam ma'a apketche Nadab.
Roboam apteme wesse' apwányam ma'a Judá
(2 Cr 12.1-16)21 Aptemegkek axta wesse' apwányam Roboam ma'a Judá, Salomón axta apketche. Cuarenta y un apyeyam apagkok axta apkeynamo apteme wesse' apwányam, diecisiete apyeyam axta han apteme wesse' apwányam ma'a Jerusalén, tegma apwányam apkelyéseykegkaxa axta Wesse' egegkok nepyeseksa m'a apyókxoho tegma apkelyawe apagkok nak énxet'ák Israel, yaqwayam katnehek ekyetnamakxa apwesey. Naamá axta ekwesey egken ma'a Roboam, ekteme axta amonita.
22 Asagkek axta eyke aptémakxa Roboam nápaqtók Wesse' egegkok, lókassegkek axta, axta kaxnémok ektémakxa axta apkeláneyak melya'assáxma m'a apyapmeyk nano', 23 hakte apkeláneykegkek axta han kélpeykessamókxa chá'a kéleykmássesso m'a egkexe nak chá'a, apkeláncháseykegkek axta han meteymog, tén han yámet awhak apkeláyókxa m'a ekyókxoho egkexe néten nak, keñe han ma'a kóneg nak yenta'a élyentaxno nak pessesse agkok. 24 Apkeláneykegkek axta han apkeltémakxa ekmaso megkalmopsexta'a énxet'ák ma'a apchókxa, apkelyamasma chá'a apyókxa, cham'a apkelpeykessamókxa nak chá'a aqsok apkeláyókxa apkeláneykegkek axta m'a ekyókxoho aqsok ekmaso apkeláneykegkoho axta chá'a m'a énxet'ák melya'áseyak nak Dios, apkelántekkesso axta Wesse' egegkok apmonye'e m'a énxet'ák Israel.
25 Apketámeykegkek axta Jerusalén ma'a Sisac, wesse' apwányam axta Egipto, cham'a ekweykmo axta cinco apyeyam apteme wesse' apwányam ma'a Roboam, 26 apkelmomchek axta m'a aqsok élmomnáwa ekhéyak axta m'a Wesse' egegkok tegma appagkanamap apagkok, tén han ma'a wesse' apwányam apxagkok. Apsawhomók axta apkelmoma aqsok, apkelseykekxeyk axta han ma'a kéláhakkásamáxche' sawo élyátekto élmomnáwa, Salomón axta apkelane. 27 Apkelánekxeyk axta Roboam kéláhakkásamáxche' m'a sawo ekyexwase ekyaqmagkasso m'a mók axta, apkelméssek axta han yaqwayam eltaqmelchesek ma'a sẽlpextétamo kelwesse'e, apkeláneykha axta chá'a m'a átog nak wesse' apwányam apxagkok. 28 Apmeyákxeyk axta agkok chá'a wesse' apwányam ma'a Wesse' egegkok nak tegma appagkanamap apagkok, elsók axta han chá'a kéláhakkásamáxche' m'a sẽlpextétamo apkeláneykha nak tegma. Apkelwa'akteyk axta agkok chá'a m'a, exatmekxak axta chá'a m'a apheykegkaxa axta apkeltaqmelchesso tegma.
29 Ektémakxa axta apweynchámeykha Roboam keñe han ma'a ekyókxoho aqsok apkelane, hágkek eknaqtáxésamaxche m'a weykcha'áhak apagkok axta m'a kelwesse'e apkelwányam nak Judá.
30 Axta kamassegweykmok apkelnápomap Roboam ma'a Jeroboam. 31 Xama axta apketsapma Roboam, kélátawanyegwákxeyk axta xamo' ma'a kélátawanyamakxa axta apyapmeyk nano', ekpayho nak David Tegma Apwányam apagkok. Naamá axta ekwesey egken, eñama axta m'a Amón. Keñe axta apyaqmagkasa apteme wesse' apwányam ma'a apketche Abiam.
Ahías omomarandu Jeroboam okuitaha
1 Umiha árape hasy Jeroboam ra'y Abías. 2 Ha Jeroboam he'i hembirekópe:
—Emonde ao ne mba'e'ỹva ani haguã ojekuaa che rembirekoha, ha tereho Sílope. Upépe oiko maranduhára*f** Ahías he'i vaekue chéve ha'étaha ko tetã megua mburuvicha guasu. 3 Eraha 10 mbujape, mbujape ha peteĩ járra eíra ha tereho hendápe he'i haguã ndéve mba'épa oikóta ko mitãgui.
4 Upéicha ojapo Jeroboam rembireko. Oñembosako'i, oho Sílope ha oguahẽ Ahías rógape. Ahías ndaikatúi ohecha itujámagui, 5 Ñandejára katu oikuaauka, Jeroboam rembireko ohotaha oporandu chupe ita'ýra hasývare. Oikuaauka avei mba'épa he'íta chupe, ha oñemondetaha ao imba'e'ỹva reheve.
6 Ahías ohendúvo oikeha hokẽ rupi he'i chupe:
—Eike Jeroboam rembireko, mba'ére piko reñemonde rejekuaa'ỹ haguãicha? Oje'e chéve ha'e haguã ndéve ñe'ẽ pohýi: 7 tereho jey katu ha ere Jeroboámpe ko he'ikáva chupe Tupã Israel Jára: ‘Che roguenohẽ vaekue pe tetãgua apytégui, ha romoingo che retã Israel ruvicha guasúrõ. 8 Che aipe'a upe tetã David ñemoñarégui ame'ẽ haguã ndéve. Nde katu nderejoguái che rembiguái Davídpe, ojapo vaekue che rembiapoukapy, oiko che rape rupi ipy'aite guive, ha hembiapo porã che renondépe; 9 nde reiko vaive opa umi ne mboyve guarégui; nde, che mbopochy haguã, rejapo nde jupe ambue tupã nguéra, ta'ãnga fiérro ñemboyku pyrégui, ha che apo'i. 10 Upévare aitýta ivaíva nde ha ne ñemoñare ári; ajukáta opa ne ñemoñare kuimba'e Israélpe, opyta'ỹ rehe peteĩnte jepe. Aitypeipaitéta ne ñemoñarépe ojetypeiháicha vaka repoti. 11 Umi nde rehegua kuérape omanóva távape, ho'úta jagua; ha umi ñúme omanóvape, ho'úta yryvu, che opa mba'e Jára upéicha ha'e haguére.’
12 “Epu'ã katu, nde kuñakarai, ha tereho jey nde rógape. Repyrũ vove upe távape, pe mitã omanóta. 13 Upérõ opa Israelgua ojahe'óta hese ha oñotỹta chupe; upéva ñoitéta hína pe oñeñotỹtava umi Jeroboam ñemoñare apytégui. Hese ñoite ojuhu Ñandejára pe ombovy'áva chupe opa Jeroboam ñemoñare apytégui. 14 Upéi omoĩta Israélpe peteĩ mburuvicha guasu hi'árape ohundítava Jeroboam róga guápe. Águive, 15 Ñandejára ombokuchúta Israel, ysyry ombokuchuháicha pirity. Ohapo'óta ko yvy porãgui ome'ẽ vaekue itúva kuéra ypykuépe ha omombóta ysyry guasu Éufrates mboypýri, ojapo haguére Astarté ra'ãnga, ombopochývo péicha Ñandejárape. 16 Ñandejára ome'ẽta Israel tetã ambuegua pópe, Jeoroboam angaipáre, ha'e ojapo vaekue ha ojapouka vaekue Israel guápe.”
17 Upérõ Jeroboam rembireko opu'ã oho, ha oguahẽ Tírsape. Oikévo hóga rokẽ rupi pe mitã omano. 18 Opa Israelgua oho iñeñotỹháme ha ojahe'o hese, he'i haguéicha Ñandejára, hembiguái maranduhára Ahías rupi.
19 Pe hembýva Jeroboam rekovekuégui, umi ñorãirõ ha'e oike haguépe ha umi mba'e oiko vaekue ha'e oisãmbyhy ramo guare, ojehai Israelgua ruvicha guasu kuéra kuatiápe. 20 Jeroboam oisãmbyhy 22 áño, ha ha'e omano rire oisãmbyhy hendaguépe ita'ýra Nadab.
Roboam oisãmbyhy Judápe
(2 Cr 12.1-16)21 Judápe oisãmbyhy Roboam, Salomón ra'y. Oñepyrũ ramo oisãmbyhy oguereko 41 áño, ha oisãmbyhy 17 áño Jerusalénpe, upe táva Ñandejára oiporavo vaekue oiko haguã, opa táva Israelgua apytégui. Roboam sy héra Naamá, Amongua. 22 Roboam rembiapokue katu ivai Ñandejára renondépe ha ombopochyve chupe opa itúva kuéra ypykue angaipágui, 23 ha'e kuéra avei niko omopu'ã vaekue tupã nguéra rekoha, ita ñembo'y ha yvyra tupã nguérape oñemboykéva, umi ijyvateha rupi ha opa yvyra máta guasu guýpe. 24 Umi tetãguára avei omoĩ kilómbo itupã nguéra rekohápe omomba'e guasu haguã chupe kuéra ha ojapo opa umi mba'e ky'a ojapo vaekue umi tetã nguéra Ñandejára omosẽ vaekue Israelgua renonderãgui.
25 Oñembotývo 5 áño Roboam oguapy hague mburuvicha guasúrõ, Sisac, Egipto ruvicha guasu, ondyry Jerusalén rehe. 26 Ha oñemomba'e umi mba'e repyeta tupao ha mburuvicha guasu róga peguáre. Opa mba'e oipe'a, ha ogueraha avei umi tete mo'ãha óro ojapo vaekue Salomón. 27 Mburuvicha guasu Roboam ojapo hendaguépe tete mo'ãha vrónse ha ome'ẽ oñongatu haguã umi ñorãirõha ruvicha kuérape oñangarekóva mburuvicha guasu róga rokẽre. 28 Mburuvicha guasu ohóvo tupaópe, umi mburuvicha omoirũva chupe ogueraha umi mo'ãha vrónse; ou jeývo, omoĩ jey hendaguépe. 29 Roboam rekovekue ha opa mba'e ojapo vaekue, ojehai Judá ruvicha guasu kuéra kuatiápe. 30 Oñorãirõ manté vaekue oñondive Roboam ha Jeroboam. 31 Ha omano rire Roboam oñeñotỹ itúva kuéra ypykue ndive David távape. Isy héra vaekue Naamá, Amongua. Upéi oguapy hendaguépe ita'ýra Abiam.