Ekhem Pascua
1 Apkelpaqhetchessek axta Wesse' egegkok Moisés tén han Aarón ma'a Egipto. Aptáhak axta apkeláneya s'e:
2 “Keso pelten nak, katnehek sa' ekhem kélagkok kéxegke, pelten apkemha apmonye' apyeyam nak. 3 Kólteme sa' kólának apyókxoho israelitas se'e: ‘Keso ekhem diez sa', keso pelten nak se'e, kélxama sa' chá'a kólmok kéxegke xama nepkések apketkok essenhan xama yát'ay apketkok ektáhakxa nak chá'a kélhawóxama xamo' kélxagkok, xama sa' chá'a m'a xama tegma. 4 Ántawók sa' agkok chá'a ekheykha xama tegma yaqwayam katawagkok ekyókxoho m'a aqsok kéltósso ápetek, tén sa' ma'a ektáha nak apxagkok ma'a tegma, epasmekxak sa' etwok xamo' ma'a ektáhakxa nak chá'a ketók apxagkok, emlaskok sa' ma'a apwánxa enxoho apxámokma énxet apheykha, tén han ma'a ekwánxa enxoho chá'a néxa apto m'a xama. 5 Xama apyeyam agkok sa' nahan chá'a katnehek ma'a kéltósso nak, tén han kennawo', meyke enxoho ekmaso m'a ekyókxa, xama nepkések essenhan yát'ay apketkok. 6 Kóltaqmelchesek sa' ekweykmoho ekhem catorce keso pelten nak se'e, tén sa' xa ekhem nak, apyókxoho énxet'ák Israel sa' chá'a elnápok ma'a amonye' ektaxnól'a ekhem. 7 Kólmok sa' nahan éma agkok ma'a aqsok kéltósso nak, tén sa' kóltexneygkok ma'a ekyókxoho atña'ák kélagkok néten tén han ma'a nekhaw'ék nak, cham'a kéltókagkaxa enxoho m'a aqsok kéltósso ápetek. 8 Cháxa axta'a nak kóltawagkok sa' ápetek kélyaqxaqxo, ekyepetche m'a pánaqte áwa' ekmáske nak tén han ma'a kelpasmaga meyke nak kempáseyak. 9 Nágkóltow aqsa ketse enxoho m'a wetek nak tén han ma'a kélhanma nak aqsa kélyeta yegmen kélmakhetchesso. Kélyaqxaqxo eyke chá'a payhawok kóltók ma'a ekyókxoho nak aqsok kéltósso ápetek, cham'a akqátek nak, amagkok, tén han ma'a ekhéyak nak awáxok. 10 Megkeyméxchek nahan kóleymok yaqwayam enxoho kólmaha makham mók ekhem. Yetneyk sa' agkok eyeymomáxche ketse', kéméxcheyk kólwatnekxa'. 11 Kólántaxnekxa sa' kélántaxno, kólatchásekxa sa' kélatchesso kélmagkok, ekyetlómo kélméyak kélmék ma'a yámet kéltasqapeykha, kóltawák sa' ekpekhe m'a aqsok kéltósso ápetek, hakte cháxa mólwagqayam ektámaxche Wesse' egegkok ekhem apagkok Pascua xa. 12 Cháxa axta'a nak, aweynchamha sa' ko'o m'a ekyókxoho nak kañe' Egipto, alnápok sa' chá'a xama tegma étchek átnaha apketkók ma'a egipcia, tén han ma'a émha amonye' ekwete nak étkók ma'a apnaqtósso. Alyekpexchetagkok sa' nahan ko'o m'a ekyókxoho aqsok kéláyókxa nak chá'a m'a kañe' Egipto. Ko'o sekxeyenma xa, sektáha nak Wesse'.
13 “Éma sa' eyke kéxegke kólmaha kólqahasagkok ma'a tegma kélhágkaxa enxoho. Tén sa' sélnapa enxoho ko'o m'a egipcios, megkóletsephek sa' kélxama kéxegke, hakte ótak sa' chá'a m'a éma, tén sa' ayeykhak aqsa chá'a. 14 Cháxa ekhem nak, eyéméxko chá'a kéxegke kaxénwakxohok kélwáxok tén han kóllának chá'a xama kélessawássessamo ekwányam agko' eñama Wesse' egegkok. Kóllának sa' chá'a kéxegke meyke néxa xa yaqwayam sa' kawakxohok apkelánéyak ma'a kélketchek tén han ma'a aptawán'ák nak. 15 Kóltawagkok sa' kelpasmaga meyke kempáseyak ekweykmoho siete ekhem; tásek sa' megkólpekkenek kempáseyak kélxanák se'e émha amonye' ekhem nak. Énxet ektáhakxa enxoho apto kelpasmaga ekyetlómo kempáseyak neyseksa s'e siete ekhem nak, kóltekkesek sa' nepyeseksa m'a énxet'ák Israel. 16 Kéméxcheyk chá'a kóllának kélaqneykekxa ektaqmalma m'a émha amonye' ekhem nak, ekhawo nahan ma'a ekhem siete. Cháxa ekhem nak méko sa' xama enxoho nentamheykha, megkatnaha enxoho chá'a yaqwayam elának apto m'a xama énxet. 17 Kéméxcheyk chá'a kéxegke kólessawásseshok ma'a kelpasmaga meyke kempáseyak, hakte cháxa ekhem nak sélantekkesakxa axta ko'o kéxegke kélyókxoho m'a Egipto. Kóllának sa' chá'a kéxegke meyke néxa xa yaqwayam sa' kawakxohok apkelánéyak ma'a kélketchek tén han ma'a aptawán'ák nak. 18 Kóltawagkok sa' kelpasmaga meyke kempáseyak eyeynamo m'a ekhem catorce taxnám apkemha apmonye' pelten nak, ekweykmoho ekhem veintiuno taxnám ekhawo nahan se'e pelten nak. 19 Siete ekhem sa' kammohok meyke kempáseyak ma'a kélxanák nak, hakte énxet ektáhakxa enxoho apto kelpasmaga ekyetlómo kempáseyak, kóltekkesek sa' ma'a kañe' Israel, megkeyxek sa' ma'a énxet apkeñama nak mók apkelókxa tén han ma'a apkelókxa apagko' nak. 20 Nágkóltow chá'a xama enxoho m'a aqsok ekyetlómo nak kempáseyak, cham'a kélmakókxa enxoho chá'a kólhamok, kéméxcheyk kóltawagkok aqsa chá'a m'a kelpasmaga meyke nak kempáseyak.’”
21 Tén axta Moisés apkeltamho kólnaqlósawakxések ma'a apyókxoho apkelámha apmonye'e israelitas. Aptáhak axta apkeláneya s'e: “Kólxeg, kóltegyesha sa' chá'a xama nepkések apketkok essenhan xama yát'ay apketkok kélhawóxama, kólnáhap sa' nahan yaqwayam kóllának ektámaxche megkólwagqayam ekhem yaqwánxa sa' elyeykhagkok aqsa kélxanák ma'a Dios apkelásenneykha tekyawa yapmeyk, éltamhomaxchexa nak Pascua. 22 Sokpayhe ekwányam sa' eyke kólyetmok ma'a éma nak; tén sa' natámen kólmok yámet aktog hisopo kélexyesso naw'a kólatchesek ma'a éma nak, tén sa' kóltexneygkok chá'a m'a ekyókxoho atña'ák nekhaw'ék nak kélxanák. Méko sa' kélxama enxoho kéxegke kélwanchek kólántépok kélxagkok ma'a amonye' élseye sa'. 23 Apmahágkek sa' agkok Wesse' egegkok peya enxoho elnápok ma'a egipcios, étak sa' chá'a éma m'a ekyókxoho atña'ák nekhaw'ék nak, tén sa' eyeykha aqsa chá'a xa tegma nak. Megyohok sa' etxek Wesse' egegkok kañe' kélxagkok kéxegke m'a tekyawa yáp. 24 Kólyahakxohok sa' chá'a kéxegke s'e kélánémaxchexa nak chá'a kóltéhek tén han ma'a kéltawán'ák kélnentámen nak, katnehek sa' xama segánamakxa meyke néxa kélagkok. 25 Kélántaxneyk sa' agkok kéxegke m'a xapop apmáheyókxa nak egkések ma'a Wesse' egegkok, ekhawo nak ma'a apkeltennassama axta egkések, kéméxcheyk kólxegkesek aqsa kéllane s'e ektéma nak megkólwagqayam. 26 Aptemék sa' agkok nahan elmaxneyha kélketchek se'e: ‘¿Yaqsa nélteme xa ektéma nak kéllana?’ 27 Sa' kóltéhek kólátegmowagkokxak kéxegke s'e: ‘Keso aqsok kéltósso ekmatñà ekhem mólwagqayam Pascua, eñama m'a Wesse' egegkok. Hakte cham'a apkelnapa axta egipcios, apkelyeykhágkek axta aqsa chá'a apxanák ma'a israelitas apheykha axta m'a kañe' Egipto, keñe axta apkelweykmo negko'o teyp ma'a neghawóxama.’”
Tén axta apkelháxahánto m'a israelitas apkelpeykásawo. 28 Tén axta apkelxega, apkelánegko ekyókxoho m'a aptémakxa axta Wesse' egegkok apkeltémókxa etnahagkok ma'a Moisés tén han ma'a Aarón.
Kélketchek átnaha apketkók apkeletsapma
29 Axta'a eyseksók axta apkelnapa Wesse' egegkok kélketchek átnaha apketkók xama tegma chá'a m'a kañe' Egipto. Axta nahan cheynawok sekxók ma'a faraón apketche átnaha apketkok aphama axta chá'a m'a taháno ekyawe ektaqmalma, ekweykekxoho m'a apketchek átnaha apketkók nak ma'a énxet'ák apheykha axta kañe' negmomaxchexa, tén axta nahan ma'a émha amonye' ekwete étkók nak ma'a aqsok kélnaqtósso. 30 Apxatakha'ak axta faraón xa axta'a nak, tén han ma'a apkeláneykha, tén han ma'a apyókxoho egipcios, legáxcheyk axta éllekxagwomáxche ekyawe agko' ma'a ekyókxoho kañe' Egipto. Méko axta nahan xama tegma enxoho magwet'akxa megyetsapma. 31 Cháxa axta'a apkeltamhókxa axta kólnaqlósawakxések faraón ma'a Moisés tén han Aarón. Aptáhak axta apkeláneya s'e:
—Kólxeg, kólántép nepyeseksa énxet'ák ahagkok, kéxegke tén han ma'a israelitas. Kólxeg heykxe kólpeykeshok ma'a Wesse' kélagkok, ekhawo m'a kélxeyenma nak chá'a. 32 Kólnaqlow sa' nahan ma'a nepkések kélnaqtósso tén han ma'a weyke, kélmámenyého nak chá'a kólnaqlók, tén sa' kólxog. Eyke hélmaxnéssesek sa' ko'óxa m'a Dios.
33 Kelpekhéssek axta nahan elántépok heykxe apkelókxa egipcios ma'a israelitas, hakte xénchek axta apkelwáxok eletsapok katnehek ma'a apyókxoho nak. 34 Apkelhaxyawássekxeyk axta israelitas ma'a hótáhap kélyelaqtésso meyke axta kélenchehe makham ma'a kempáseyak, yetlo m'a kélxata nak. Apyókxoho axta nahan apkelyaqsásegkokxak ma'a apkelnaqta tén axta apkelpatmeykxo. 35 Aptamhágkek axta nahan ma'a apkeltémókxa axta etnahagkok ma'a Moisés, apkelmaxneyágkek axta egipcios ma'a aqsok étkók éltaqmalma sawo ekyátekto élmomnáwa nak, tén han ma'a sawo ekmope élmomnáwa nak, tén han ma'a apkelántaxno. 36 Apkelmeyásegkek axta nahan meyke apmeyágweykekxa ekyókxoho aqsok apagkok apkelmaxneyakxa enxoho chá'a israelitas ma'a egipcios, hakte Wesse' egegkok axta keñamak apteméssesso. Axta keñamak apsawhéssamo aqsok apagkok egipcios ma'a israelitas.
Israelitas apkelánteyapma Egipto
37 Apkelántekkek axta israelitas ma'a yókxexma Ramsés apkelmeyákxo m'a yókxexma Sucot. Meyke kélyetsáteykekxa axta nahan ekwánxa m'a kelán'ák tén han ma'a sakcha'álétkók, ketók seiscientos mil énxet axta apweykmok apyókxoho apkelxega náxap'ák, élyennaqte nak apyempe'ék. 38 Apxámok apagko' axta nahan apkelyetlawa m'a pók aptémakxa nak chá'a énxet, apxámok axta nahan ma'a nepkések tén han ma'a weyke. 39 Apkelánegkek axta aqsa nahan pók aptémakxa kelpasmaga meyke kempáseyak ma'a hótáhap kélyélaqtésso apkelhaxyawáséyak axta m'a Egipto, cham'a meyke axta makham kélénchehe m'a kempáseyak, hakte méko axta ekhem apagkok yaqwayam elanagkok aptéyak apkelántekkesa ekpekhe agko' apkelókxa m'a egipcios.
40 Cuatrocientos treinta apyeyam axta apweykmok apheykha israelitas ma'a Egipto. 41 Cháxa ekhem nak, apwokmo axta cuatrocientos treinta apyeyam, apkelántekkek axta apyókxoho Wesse' egegkok sẽlpextétamo apagkok ma'a apkelókxa nak. 42 Apheyk axta nahan apkeláneyncha'a apmako elántekkesek Wesse' egegkok Egipto xa axta'a nak. Cháxa eyéméxko nak han chá'a elanagkok apkelánteyápeykmoho israelitas ekweykekxoho aptawán'ák neptámen meyke néxa xa, hakte cháxa axta'a apagkok Wesse' egegkok xa.
Segánamakxa ekxeyenma nak apkelánteyapmakxa israelitas
43 Aptáhak axta apkeláneya Wesse' egegkok Moisés tén han Aarón se'e:
“Keso yaqwánxa katnehek segánamakxa agkok ekhem ektámáxchexa nak kéltósso ápetek ekhem Pascua s'e: Méko sa' xama énxet megkatnaha nak kélenyémeyo xamo' apwanchek etwok kéltósso ekmatñà ápetek, 44 sa' eyke m'a kélásenneykha naqsa apmomap nak kélyánmagkasso selyaqye, apwanchek etwok, ektáha enxoho sekxók kélyenyekhássesso m'a nekha apyempehek. 45 Méko sa' xama énxet enxoho megkatnaha nak kélpeywomo xamo', cham'a apwe nak yaqwatakxoho essenhan ma'a ekha nak apxawe kélyánmagkasso aptamheykha, apwanchek etwok kéltósso ápetek. 46 Xama tegma sa' aqsa wánxa katawaxche'. Megkóltekkesek sa' nahan kañe' kélxagkok ketse enxoho m'a kéltósso ápetek ekmatñà nak, megkólekkexchesek sa' nahan ma'a axchakkok nak. 47 Sa' etnahagkok apyókxoho israelitas xa. 48 Yetneyk agkok xama énxet megkatnaha nak kélpeywomo xamo' apha kélnepyeseksa kéxegke apmáheyo enxoho elának ma'a ektámaxche mólwagqayam nak Wesse' egegkok ekhem apagkok, cham'a Pascua, kéméxcheyk sekxo' kólának kólyenyekhássesagkok nekha apyempe'ék ma'a apyókxoho apnámakkok apkelennay'a nak, tén sa' natámen apwanchek elána', hakte máxa appalleykemxa apancha'awók sa' etnahagkok se'e apkelókxa nak. Mopwanchek eyke etwok kéltósso ápetek ma'a meyke enxoho kélyenyekhássesso nekha apyempehek. 49 Sa' etnehek nahan apkelyeheykekxoho appalleykemxa apagko' nak apkelókxa s'e segánamakxa nak, tén han ma'a megkatnaha nak kélpeywomo xamo' apheykha nak kélnepyeseksa kéxegke.”
50 Apkelánegkek axta nahan israelitas ma'a ekyókxoho apkeltémókxa axta etnahagkok Wesse' egegkok ma'a Moisés tén han Aarón. 51 Cháxa ekhem apkelántekkesakxa axta nahan Wesse' egegkok Egipto m'a énxet'ák apxámokma nak israelitas.
Páskua
1 Ñandejára he'i Moisés ha Aarónpe Egíptope:
2 —Ko mes ha'éta hína peẽme guarã, áño pegua mes tenondegua. 3 Peje opa Israel guápe: “Ko mes pegua ára 10hápe, opa óga jára toñongatu peteĩ ovecha ra'y térã kavara ra'y hóga guápe guarã. 4 Peteĩ óga pegua imbovy ramo ho'upa haguã, tome'ẽ hembyre hóga ykére oĩvape. Ojeporavo haguã upe mymba, toñema'ẽ mbovýpa umi ogagua ha mbovýpa ho'u jepi peteĩ-teĩ. 5 Ta upéva ovecha ra'y térã kavara ra'y mácho imarã'ỹva ha hi'áño peteĩva. 6 Peñongatu ára 14 peve ha opa Israelgua tojuka oguahẽvo ka'aru pytũ. 7 Pemona huguykuépe mokõive óga rokẽ ykére pe'uhápe upe mymba, avei hembe'y yvategua. 8 Upe pyharépe voi toje'u ho'o jehesy pyre, mbuja ha pohã ñana iróva reheve. Upe mbuja tojejapo trígo ku'i oñembovu'ỹvagui. 9 Upe mymbágui ani pe'u mba'eve ipýra térã ñembojy pyre. Jehesy pyre pe'u vaerã, iñakãngue, ipokue ha hyekue reheve. 10 Ani peheja mba'eve upe ára ambuépe guarã ha hembyre pehapy ko'ẽmba vove. 11 Upéicha pe'u: jeku'a jopýpe, pende py rehegua pende py rehe ha yvyra jekoha pende pópe. Ha pe'u pya'e, Ñandejára Páskua,*f** niko hína. 12 Che ahasáta upe pyharépe Egipto rupi ha ajukapáta Egiptogua ra'y ypykue, taha'e kuimba'e térã mymba. Upéicha ainupãta tupã gua'u kuéra Egipto guápe. Che hína pende Jára! 13 Upe tuguy oĩva pende róga rokẽre, ha'éta mba'e rechaukaha ha ahasakuévo ahasáta henonde rupi ha ndoike mo'ãi pende jukávo porojukahára, ainupã ramo Egíptope. 14 Ko ára hína mandu'arã peẽme ha pembyaretéta chéve peẽ ha pene ñemoñare. Pembyarete ko ára tembiapoukapy ramo opa árape guarã peẽme ha pene ñemoñarépe.”
Mbuja iñembovu pyre'ỹ
15 Pe'u mbuja oñembovu'ỹva 7 ára pukukue. Ára peteĩha guive peipe'a pende rógagui mbuja mbovuha. Umi ho'úva mbuja oñembovupyréva umíva umi árape, toñemosẽ Israélgui. 16 Ára peteĩháme pejapo aty marangatu. Ára 7hápe upéicha avei. Umi árape ani oñemba'apo, ndaha'éi ramo tembi'u apópe. Upéva ñoite ikatu pejapo. 17 Pembyarete mbuja iñembovu pyre'ỹ ára, upe árape niko anohẽ vaekue Egíptogui opa Israel guápe. Pembyarete ko ára tembiapoukapy ramo opa árape guarã peẽme ha pene ñemoñarépe. 18 Pe'u mbuja iñembovu pyre'ỹ mes peteĩháme, ára 14 ka'aru guive, ára 21 ka'aru peve. 19 Ani oĩ mbuja mbovuha pende rógape 7 ára pukukue. Upe ho'úva mba'e ñembovu pyre, taha'e mombyrygua, taha'e tetãgua, toñemosẽ Israélgui. 20 Mamo peikohápe ani pe'u mba'eve iñembovu pyre. Noñembovúi vaekuénte pe'u vaerã.
Tembiapoukapy Páskua rehegua
21 Moisés ohenói Israel myakãhára*f** kuérape ha he'i chupe kuéra:
—Tapeho peheka ovecha ra'y ha kavara ra'y kuéra pende róga guápe guarã ha pejuka upe mymba Paskuarã. 22 Pemono'õ huguykue ña'ẽme ha upépe pemyakỹ ñana rogue. Upévape pemona tuguy mokõi okẽ rembe'y ykére ha hi'arigua rehe avei. Upe okẽ rupi tosẽ'ỹ avave hógagui ko'ẽmba mboyve. 23 Ñandejára ohasáta ha ojukáta Egipto guápe ha ohechávo tuguy onáva pende róga rokẽ rembe'y mbohapýre, ohasátante henonde rupi ha ndoheja mo'ãi porojukahára oike pende rógape pende jukávo. 24 Pejapo kóva tembiapoukapy ramo opa árape guarã peẽme ha pene ñemoñarépe. 25 Upéicha avei pejapóta peikévo upe yvýpe Ñandejára ome'ẽtava peẽme, he'i haguéicha. 26 Ha peẽme oporandu ramo pende ra'y kuéra: “Mba'e piko he'ise ko pejapóva?”, 27 peje kóicha chupe kuéra: “Kóva hína Páskua rehegua mymbajuka*f** ombyaretéva Ñandejárape guarã, ha'e ohasa ramo guare Israelgua róga renonde rupi Egíptope. Ha ojuka Egiptogua róga guápe, ore róga guápe katu ndojukái.” Upérõ Israelgua oñesũ ha omomba'e guasu.
28 Israelgua ojapo opa mba'e he'i vaekue Ñandejára Moisés ha Aarónpe, ha'e he'i haguéicha.
Ta'ýra ypykue jejuka
29 Pyhare pyte Tupã ojuka Egíptope opa ta'ýra ypykue, Faraón, iguapyha jeguápe oguapýva ra'y guive, upe kuimba'e koty ypytũme oĩva ra'y peve, ha opa mymba ra'y ypykue Egiptogua mba'e. 30 Faraón, opa hembiguái kuéra ha opa umi Egiptogua, opu'ã upe pyharépe ha oiko jahe'o soro mbarete eterei Egiptopy rehe ndaipórigui óga noĩrihápe omanóva. 31 Upe pyharépe voi Faraón ohenói Moisés ha Aarónpe ha he'i chupe kuéra:
—Pepu'ã ha pesẽ ore retãgui peẽ ha opa Israelgua ha tapeho pemomba'e guasu Tupãme peje haguéicha. 32 Peraha avei pende ovecha ha vaka kuéra peje haguéicha. Tapeho ha che rovasa chéve avei.
33 Umi Egiptogua avei ojerure asy chupe kuéra osẽ pya'e haguã Egíptogui, he'ívo:
—Romanombáta niko!
34 Umi Israelgua ogueraha mbujarã ovu'ỹva gueteri opa hyru reheve ha omoĩvo ijahojápe ohupi ijati'ýre.
Egiptogua ñemondoho
35 Opa Israelgua ojapo Moisés he'i vaekue chupe kuéra ha ojerure Egipto guápe imba'e jegua pláta ha óro ha ijao kuéra. 36 Ñandejára ombopy'a porã rupi Egipto guápe, ome'ẽ Israel guápe opa mba'e ha'e kuéra ojeruréva. Upéicha omondoho hikuái Egipto guápe.
Israelgua ñesẽ
37 Israelgua osẽ Ramsésgui ha oho Sucot gotyo. Osẽ 600.000 kuimba'e rupi ojepapa'ỹ rehe kuña ha mitã nguéra. 38 Osẽ avei hendive kuéra tapicha opaichagua, heta vaka, ovecha ha kavara reheve. 39 Mbujarãgui oguenohẽ vaekue Egíptogui ojapo hikuái mbuja iñembovu pyre'ỹ, oñemosẽvo Egíptogui niko ndaikatúi ogueraha tembi'u tape rehe guarã. 40 Israelgua hi'are vaekue Egíptope 430 áño. 41 Upe ára oñemboty haguépe umi 430 áño, osẽ Egíptogui opa Israelgua, Ñandejára ñorãirõhára. 42 Pyhare ojeke'ỹha vaekue upéva ñande járape guarã, oguenohẽ haguã chupe kuéra Egíptogui. Ha upe pyharéta hína avei pyhare jeke'ỹha opa Israelgua ha iñemoñarépe opa árape guarã, ombyaretévo Ñandejára rembiapokue.
Tembiapoukapy Páskua rehegua
43 Ñandejára he'i Moisés ha Aarónpe:
—Ãva hína tembiapoukapy Páskua rehegua: Ani ho'u chugui avave mombyrygua. 44 Pene rembiguái ijogua pyre, peapi'o vaekue, ikatúta ho'u. 45 Oikóva pende apytépe térã omba'apóva peẽme guarã katu ani ho'u. 46 Toje'u óga pýpe. Ani penohẽ okápe upe so'o ha ani pemopẽ ikãnguekue. 47 Israelgua oĩ haguéicha ombyarete vaerã. 48 Oĩ ramo mombyrygua pende apytépe ho'uséva Ñandejára Páskua, tojeapi'ouka ha'e ha kuimba'e kuéra hesegua. Upéicha oñemboja kuaa ombyaretévo, peẽichaguáta niko hína avei. Upe ojeapi'o'ỹva katu ani ho'u. 49 Peteĩnte upe tembiapoukapy tetãgua ha mombyrygua pene ndive oikóvape guarã.
50 Upéicha ojapo Israelgua, Ñandejára he'i haguéicha Moisés ha Aarónpe. 51 Upe árape voi Ñandejára oguenohẽ Egíptogui aty-atýpe opa Israel guápe.