Sansón élyamhopma
1 Xama ekhem axta apmeyákxo Sansón ma'a yókxexma Timná, apwetágwokmek axta han xama kelán'a étkok filistea, 2 xama axta apwákxo makham ma'a apxagkok, apkeltennáseyha axta chána, aptáhak axta apkeláneya s'e:
—Ekwetágwokmek ko'o xama kelán'a filistea m'a Timná, éltamhók eykhe héllanaksek amya'a yaqwayam atnehek etáwa'.
3 Keñe axta chána ektáha eyáneya s'e:
—¿Yaqsa ektáha apmako nak etegyágwók aptáwa' nepyeseksa m'a filisteos melya'áseyak nak Dios? ¿Mékoya kelán'a negyeseksa negko'o néleñémeyo xamo', essenhan nepyeseksa apyókxoho nak ma'a israelitas?
Aptáhak axta Sansón apchátegmowágko:
—Wánxa eyke ko'o ekleklamo ewáxok ma'a kelán'a étkok nak, cháxa séltamho nak ko'o hélmések yaqwayam atnehek etáwa'.
4 Axta kalya'ásegkok chána ektáha Wesse' egegkok apkeltémo katnehek ekyókxoho xa, hakte apketamsegkek axta yaqweykenxa etnehek ektamagkok ma'a filisteos, hakte mékoho axta aptemessáseykekxak filisteos énxet'ák Israel xa ekhem nak. 5 Yetlókok axta han apmeyeykekxa Sansón ma'a Timná yetlo chána. Xama axta apwákxo Sansón ma'a émhakxa axta anmen yámet kélcheneykekxa m'a tegma apwányam, ketamokmek axta yámakméwa étkok, yexweyweyha axta. 6 Tén axta ektaxna apwáxok Wesse' egegkok apmopwána m'a Sansón, meyke apmeykha axta han aptemessásak nekha'a étkók ma'a yámakméwa, máxa axta aptemessásak ma'a yát'ay apketkok la'a; axta eyke eltennáseyha chána ektáhakxa. 7 Apwákxeyk axta m'a ekhakxa axta kelán'a étkok ekleklamókxa axta apwáxok, appaqhetchessek axta.
8 Yáma wenaqtémók axta, aptaqhémok axta makham Sansón apmáheyo emok ma'a kelán'a étkok, apyetnakhágweykxeyk axta apteyánegwákxoho m'a yámakméwa ápak, apwetágweykxeyk axta méwa ápak awáxok aptaxnama yányawhéna', apweynchákpek axta apyapmók, apyegmenek axta han eghak. 9 Apkelchekteyk axta han apmek ma'a pápa' apagkok, yaqwayam enxoho emok ma'a apyegmenek, aptaweygkokxeyk axta han neyseksa apxega. Xama axta apwákxo ekhágkaxa chána, apméssek axta m'a yányawhéna', tókagkek axta han ma'a, axta eyke eltennásak eñama m'a kañe' yámakméwa ápak awáxok.
10 Apmahágkek axta Sansón apyáp ma'a ekhakxa kelán'a étkok; tén axta Sansón apkelana xama ektámáxche ekyawe m'a, apkeltémakxa axta chá'a m'a apketkók nak. 11 Apnaqlókek axta treinta apkelxegexma'a filisteo yaqwayam etnehek apkelxegexma, hakte apcháyak axta m'a Sansón. 12 Aptáhak axta apkeláneya Sansón xa treinta nak:
—Altennaksek sa' ko'o xama aqsok kólya'asagkohok sa' kexa. Kélaqhawók sa' agkok kélxeyenma ekwokmo enxoho néxa siete ekhem élánamáxche ektámáxche ekyawe, almésagkok sa' chá'a kélxama kéxegke kélaqlamaxche apkeláxñe apkeltaqmalma, keñe han apáwa kélanchesso nak chá'a kélnáxameykha. 13 Sa' agkok kólaqhawok sélátegmowéyak, hélmések sa' chá'a ko'o kélxama kélaqlamaxche apkeláxñe tén han apáwa apkeltaqmalma, tén han ma'a apáwa nélmeykha nak chá'a nélnáxameykha.
Keñe axta aptáha apkelátegmowágko:
—Hẽltennés sa' aqsok apmáheyo exének magya'áseyak nak. Neghaxnawók negko'o.
14 Apkeltennássek axta Sansón ma'a aqsok apxeyenma magya'áseyak nak:
“Aqsok ekteykekxa
nak chá'a mók
katyapok chá'a nento;
aqsok ekyennaqte nak
katyapok chá'a
nento ekmátsa.”
Ántánxo ekhem axta entáhak melya'áseyak ektáhakxa aqsok ekxénamaxche magya'áseyak nak; 15 keñe axta ektáha cuatro ekhem aptáha apcháneya Sansón aptáwa' s'e:
—Kaltennés hana atáwa' hẽltennaksek sa' negko'o aqsok sẽlmaxneyeykha axta magya'áseyak nak, sa' agkok kalmaxneyáha, agwatnekxak sa' xeye' yetlo yáp apnámakkok. ¡Wánxa ko'onék sẽláneyancha'a kéxegke yaqwayam hẽlmenyexchesek aqsok egagkok!
16 Keñe axta ekya'aweykxo m'a Sansón, kelekxagweyha axta ektáha eyáneya s'e:
—¡Neyke heyásekhék xép! ¡Etaqnagkamchek xép! Apkeltamhók axta exchep epékásekxak aqsok magya'áseyak apkeltennasso m'a sekpeywomo xamo', mehéltennassók han xép ektémakxa.
Aptáhak axta Sansón apchátegmowágko:
—Maltennassók ko'o táta tén han méme, maltennaksehek han xeye'.
17 Kelekxagweykha axta aqsa han nápaqtók ekweykmoho siete ekhem élánamáxche ektámaxche ekyawe, axta kalwátesseykmok, tén axta ektáha siete ekhem apkeltennasa ektémakxa. Yetlókok axta han ekxega éltennássekxo m'a ekpeywomo xamo'. 18 Siete ekhem axta entáhak, peyk axta katxek ekhem, apkelya'aweykxo filisteos aptáha apcháneya Sansón se'e:
“Méko ekhawo ekmátsa m'a
yányawhéna' apyegmenek,
méko han ekhawo
ekyennaqte m'a yámakméwa.”
Apchátegmowágkek axta Sansón:
“Kaxtemék xeyk
kéxegke megkólchakkasso
weyke étkok sektósso
megkólya'asagkehek xeyk.”
19 Yetlókok axta han ektaxno apwáxok Wesse' egegkok apmopwána m'a Sansón; apmeyákxeyk axta m'a Ascalón, apkelnáhapweykxeyk axta han treinta énxet ma'a yókxexma nak, Apkelhaxyawassásegkek axta apkelnaqta, keñe apkelsákxésa m'a apchaqhémo axta apkelátegmowéyak apkelmaxneyeykha. Yetlo aplo axta apmeyákxak ma'a apyáp apxagkok, 20 keñe axta aptáwa' ekxawákxo apxegexma axta chá'a m'a Sansón.
Sansón omenda ramo guare
1 Peteĩ jey Sansón oho táva Timnat ha upépe hesaho peteĩ kuña filistéo kuéravare. 2 Ojevývo hógape he'i túva kuérape:
—Ajuhu peteĩ kuña Timnátpe filistéo kuérava. Aipota upéva pehecha chéve che rembirekorã.
3 Túva ha sy katu he'i chupe:
—Ndaipóri piko ñane rehegua kuéra apytépe kuña ajeve reipota filistéo kuérava ne rembirekorã? Umíva niko ndojeroviái Tupã rehe.
Sansón katu he'i chupe kuéra:
—Upéva upe kuñánte aipota che rembirekorã, ha aipota upéva pehecha chéve.
4 Túva ha sy ndoikuaái ko'ã mba'e upéicha ojehuha Tupã upéicha oipotágui. Umíva umi árape niko Israel ñemoñare oĩ filistéo kuéra po guýpe, ha Tupã oheka mba'éichapa oñorãirõvo hendive kuéra.
5 Upéi oho Sansón, túva ha sy ndive Timnátpe. Oguahẽvo parralty oĩva upe táva jerére, upégui osẽ okororõ chupe peteĩ león ra'y rusu. 6 Tupã pu'aka omombarete Sansónpe. Ha ipo nandípe ojuka upe león ra'y rusu kavara ra'y ojuka ramo guáicha. Túva ha sýpe katu mba'evete nde'íri. 7 Oguahẽ upe kuña iñakã vaívare rógape ha oñe'ẽ chupe.
8 Nda aréi ete rire, oúvoma omenda haguãicha upe kuñáre, opia upe tapégui ohecha jey haguã upe león re'õngue oheja vaekue. Ojuhu káva ojaitypo hague hyepýpe ha ijeiraha. 9 Oguenohẽ ipópe ha ho'u ohóvo tapére. Ohupytývo túva kuérape, ome'ẽ avei chupe kuéra ha umíva ho'u avei. Sansón nomombe'úi chupe kuéra oguenohẽ hague upe león re'õngue retepýgui. 10 Túva oho oguahẽ upe kuña rógape. Sansón ojapo peteĩ karu guasu, ojapoháicha mitã rusu kuéra umíva umi árape. 11 Filistéo kuéra ohechávo upéva, omondo hikuái 30 mitã rusu oĩ haguã hendive. 12 Ko'ãvape Sansón he'i:
—Areko peteĩ mba'e aporanduséva peẽme jahecha peikuaápa. Ágã 7 ára haguépe, ko karu guasu opa vove, peje ramo chéve mba'épa hína upe aporandúva peẽme ame'ẽta peẽme peteĩ-teĩ pende ahojarã ha pende ao areterã. 13 Ndapeikuaái ramo katu peẽ peme'ẽta chéve peteĩ-teĩ che ahoja ha che aorã.
He'i chupe hikuái:
—Eporandu katu oréve. Rojapysaka hína nde rehe.
14 He'i chupe kuéra Sansón:
Hapicha ro'o ho'úvagui osẽ ja'úva
ha imbaretévagui osẽ he'ẽva.
Mbohapy ára ohasa rire ndoikuaái gueteri hikuái upe Sansón oporandúva chupe kuéra. 15 Upe irundy arahápe katu he'i Sansón rembirekópe hikuái:
—Ere ne ménape te'i oréve mba'épa hína upe oporandu vaekue oréve. Cháke nereporandúi ramo, rombojáta tata nde ru rógare pende reheve ipype. Taiko ore gueru ápe peipe'apa haguã ore hegui roguerekomíva?
16 Sansón rembireko oho iména rendápe ha tasẽme he'i chupe:
—Nde niko nda che rayhúi ajeve ndeeréi chéve mba'épa upe reporandu vaekue umi che retã guápe.
He'i chupe iména:
—Che ru ha che sýpe namombe'úi, ha piko ndéve amombe'úta?
17 Upe kuña katu hasẽ iménape upe karu guasu aja pukukue. Upe 7 arahápe katu, omongueráiguima chupe, omombe'u hembirekópe ha kóva oho omombe'u hetã guápe. 18 Upe 7 arahápe kuarahy oike mboyve oñemboja Sansón rendápe umi filistéo kuéra ha he'i chupe:
—Mba'épa oĩ he'ẽvéva eíragui,
ha mba'épa imbareteve leóngui?
Ha he'i chupe kuéra Sansón:
—Ndapejetypekái rire che kokuépe,
ndapeikuaái vaerã mo'ã upe aporandúva peẽme.
19 Ha Tupã pu'aka omombarete Sansónpe, ha osẽ oho Ascalónpe ha ojuka 30 kuimba'e upépe guápe. Ha umi ojuka vaekuégui oipe'a ijao ha ogueraha ome'ẽ umi oikuaa vaekuépe imba'e porandu. Pochýpe osẽ upégui ha oho túva rógape. 20 Upe kuña katu oñeme'ẽ Sansón irũ peteĩme hembirekorã.