Apkelweykta makham ma'a kélnaqleykekxa axta megkatnahakxa apkelókxa
1 Yepyóshok sa' elanok Wesse' egegkok ma'a Jacob. Apkelyéseykha sa' etnekxak makham ma'a Israel, yának sa' elhakxak makham israelitas ma'a xapop apagkok nak. Elyepetchegwak sa' nahan ma'a megkatnaha nak apkelókxa xamo', epaxqeykxak sa' ma'a Jacob énxet'ák apagkok. 2 Elmok sa' takha' apxámokma apagko' pók aptémakxa énxet'ák ma'a israelitas, elyetlakxak sa' ekweykekxoho m'a apkelókxa, elmok sa' nahan yaqwayam etnéssesagkok apkelásenneykha naqsa m'a israelitas, cham'a Wesse' egegkok nak kañe' xapop apagkok. Elmok sa' israelitas ma'a ektáha axta chá'a apkelma, kóneg sa' etnessásekxak ma'a ektáha axta chá'a apnaqtawáseykegkoho.
Wesse' apwányam Babilonia kélwanyeykha
3 Énxet'ák Israel, apkellókassessek sa' agkok kéxegke kélyampe Wesse' egegkok eñama m'a ektémakxa nak kéllegeykegkoho, tén han ekyentaxnamo kélwáxok tén han kélmésso ekyentaxno agko' kélteme m'a kélásenneykha naqsa, 4 kólyetsetek sa' se'e eknaqtáxésamaxche nak amya'a yaqwayam sa' kólwanyaha m'a wesse' apwányam Babilonia:
“¡Kóllano ektáhakxa wesse' aplo!
¡Kóllano ektáhakxa
ekmassegwokmo m'a
apcheymákpoho!
5 Apmasséssessek
Wesse' egegkok
ektémakxa nak apkelyennaqte
m'a énxet'ák
élmasagcha'a nak apkeltémakxa,
apkelekkexchásekxeyk yámet
apmeykha nak chá'a m'a
wesse' aplo,
6 apkellegassáseykegkoho nak chá'a
énxet'ák yetlo aplo
apkeltekpageykencha'a nak chá'a
meyke néxa,
apkelteyammeykencha'a nak chá'a
énxet'ák yetlo aplo,
apmenxeneykencha'a nak chá'a
meyke apkelmopyósa apkelányo.
7 Sawhékxók kaxwók
meyke ektáhakxa
apheykha énxet'ák
ekyókxoho keso náxop,
taqmelákxeyk apheykha,
apkelwehéseykha nahan
élpayheykxo apkelwáxok.
8 Wokmók yámet pinos
tén han cedros
élaqnéyak nak Líbano
élpayheykekxa awáxok
kélmasséssekmo exchep,
táhak élpaqmeta s'e:
‘Méko sa' kaxwók negko'o
hẽlyaqtennek
apmassegwokmo nak xép.’
9 Yennegkexma s'e
kóneg xapop nak
nepyeseksa nak ma'a
apkeletsapma,
apkelántekkek nahan
peya emok takha' exchep.
Naqxétekhágkek apkelhagák ma'a
apkeletsapma axta,
apkelanyexakmek xép
apyókxoho m'a
apkelámha apmonye'e
axta keso náxop;
apkelchampákxeyk
néten apkeltaháno
apyókxoho m'a kelwesse'e
apkelwányam axta
ekyókxoho apheykegkaxa.
10 Apyókxoho nahan
apheyásawók mók apkelpeywa m'a,
aptáhak apcháneya s'e:
‘Méko exchepxa
entáhak apyennaqte,
eghágweykxók negko'o.
11 Keso néxa exchep
apcheymákpoho s'e
tén han apháxenmo
apkelpáwá m'a
arpa apagkok.
Élchónamaxche kaxwók ma'a
apyetnamakxa néten,
yápa apketkók nahan ma'a
apchaqlamap.’
12 “¡Apteyekmek xép néten
yaw'a apwányam apteyapmól'a
amonye' élseye!
Kélyenyenteyk xép náxop,
apnaqtawáseykegkoho
axta chá'a m'a
pók aptémakxa énxet'ák.
13 Aptéma axta chá'a
kalchetmok apwáxok se'e:
‘Wántek sa' ko'o
ekweykmoho m'a néten;
apekkenwók sa' sektaháno ekyawe
ektaqmalma m'a néten nak Dios
yaw'a apagkok;
axek sa' ko'o m'a
makhawók agko' nak nexcheyha,
cham'a egkexe eyaqneykekxexa nak
ma'a aqsok kéláyókxa.
14 Wántek sa' ma'a teyp
netnók agko' nak ma'a yaphope;
atnehek sa' ma'a aptémól'a
Dios meyke nak Ekhémo.’
15 ¡Apteyekmek eyke m'a kañe'
apkelmaheykegkaxa nak chá'a
apkeletsapma,
cham'a kañók agko' nak máxek!
16 Apchaqneyk nahan chá'a
apkelano m'a
ektáha nak chá'a apkelwete,
aptáhak nahan chá'a apkelpaqmeta
neyseksa apkelányo s'e:
‘¿Enxoho énxet
apkelyegwakkáseykencha'a
axta chá'a énxet'ák
ekyókxoho apheykegkaxa xa,
apmassesseykmo nak
ma'a apkelókxa
apheykegkaxa nak chá'a pók
aptémakxa énxet'ák,
17 aptemessáseykekxo nak meyke
xama aqsok keso nélwanmégkaxa,
apmassesseykmo nak ma'a
tegma apkelyawe,
mekxeykekxo axta m'a
énxet'ák apkelmomap axta?’
18 Apyókxoho kelwesse'e
apkelwányam apkelókxa chá'a
apkeletsapmak yetlo kéláyo,
yetneyk chá'a takhaxpop
apagkok apagko' xama;
19 keñe exchep kélyenyawa aqsa
megkatnahakxa takhaxpop,
máxa m'a aqsok ápak kélyamasmal'a
megkaleklól'a kélwáxok kóllano',
máxa m'a kélhápak
élteyammomáxchel'a
nepyeseksa m'a énxet'ák aptekyawa,
kélyaqténcháséyak la'a apyespa'ák,
kélchexakhál'a m'a kañe' máxek
ekxámokmakxal'a m'a meteymog.
20 Megkólátawanyek sa'
ektéma nak ma'a nápakha
kelwesse'e apkelwányam nak,
hakte aptawáseykha m'a apchókxa,
apkelnapmeyk ma'a
énxet'ák apagkok.
Megkawegqók sa' chá'a
apkelweynchámeykha m'a
énxet'ák élmasagcha'a nak
apkeltémakxa
aptawán'ák neptámen.
21 Kóllánekxa sa' kéltáhakxa
yaqwayam kólnápekxak
kélketchek apkelennay'a
eñama ekmaso apkeltémakxa m'a
apyapmeyk nak,
yaqwayam sa' megkalxének kaxwók
apkelwáxok etnahagkok apagkok
keso náxop,
tén han exámaksek
tegma apkelyawe
keso nélwanmégkaxa.”
22 Aptáhak Wesse'
ekha nak apyennaqte s'e:
“Alenmexek sa' ko'o xa énxet'ák nak,
amasséssók sa' apkelxénamap ma'a
Babilonia,
yetlo m'a apkeleymomap
nak ma'a kañe',
tén han ma'a apketchek
ekweykekxoho m'a aptawán'ák nak.
23 Ekyetnamakxa yelpa'
ekmomhápa sa' atnessásekxa'
tén han yókxexma
apxámokmakxa sawe apkelyawe.
Wáxñeksek sa' ma'a kéláxñesso
ekmassesseykmoho nak aqsok”
Wesse' egegkok
ekha nak apyennaqte
apxeyenma xa.
Asiria yaqwayam kólmasséssók
24 Naqsók aptáha appeywa
Wesse' ekha nak apyennaqte s'e:
“Megkatnehek sa'
megkalánamáxche m'a
sekxeyenma axta ko'o kalanaxche';
aqsok sekmámenyého axta katnehek,
katnehek sa'.
25 Amasséssók sa'
énxet'ák Asiria m'a seyókxa,
alteyammaha sa' ma'a
néten meteymog
élekhahéyak ahagkok nak.
Kamaskok sa' elhakpok
énxet'ák ahagkok ma'a
apkeltamheykha ekyentaxno
apkelmésso nak chá'a m'a,
kamaskok sa' apkelpata m'a
aqsok ekyentaxno
apkelpatmeykencha'a nak chá'a.
26 Cháxa sekxéna nak ko'o alának
ekyókxoho keso náxop.
Xénchek ewáxok
allegássesagkohok ma'a
ekyókxoho apheykegkaxa nak chá'a
pók aptémakxa énxet.”
27 Apxénchek katnehek
Wesse' ekha nak apyennaqte xa,
méko nahan kawának kanókasha.
Peyk ellegássesagkoho',
méko nahan
kayaqmagkassessók mók
ma'a yaqwánxa etnehek.
Dios apxeyenma ellegássesagkohok filisteos
28 Apxeyenmeyk axta Isaías apyeyam apketsapma axta wesse' apwányam Ahaz se'e amya'a nak:
29 Filisteos, nágkalpayhekxa aqsa
kélwáxok kélekkexchesa m'a yámet
kéltekyaweykencha'a axta chá'a,
hakte sa' kañék katyapok
xama yéwa m'a
ekteyapmakxa nak chá'a m'a yéwa,
katyapok sa' xama yéwa ekwányam
ekmowána kampa'.
30 Keytek sa' pa'at
yaqwayam elagkok apnaqtósso
énxet'ák ahagkok meyke nak
aqsok apagkok ma'a
yókxexma ahagkok nak,
tásek sa' katnehek apkellókasso
apkelyampe m'a énxet'ák
meyke nak aqsok ma'a apxanák.
Keñe sa' ko'o wának emaskok
meyk élnapma m'a énxet'ák apagkok,
alnáhakkasek sa' nahan ma'a
apkeleymomap enxoho apqántawo'.
31 ¡Filisteos, kélheykha nak apyókxoho
tegma apkelyawe, kallapwomák,
kalpayheykha kélatña'ák
kóllekxagwaha,
kólpexyennem kélaye!
Hakte apkelxegakmek énxet
apxámokma yaqwayam
yempakhak ma'a
ekpayho nak nexcheyha,
máxa éten ekpánmal'a aptáhak;
méko nahan xama enxoho
apteyapma neyseksa m'a
apkeleyweykekxa nak apkelxega.
32 ¿Háxko sa' kóltéhek
kólátegmowagkokxak
ektáha nak élápháseykha m'a
apchókxa nak?
“Dios appekkenma m'a Sión.
Sa' elyexánegwakxak chá'a
énxet'ák apagkok
ekyentaxnamo nak chá'a
apheykha m'a”.
Ou jeýta hetãme oñemosẽ vaekue
1 Ñandejára oiporiahurerekóta Jacob, oiporavo jeýta Israel ha omohenda jeýta ijyvy teépe. Mombyrygua oñembojáta hese kuéra ha oñemoirũta Jacob rogagua ndive. 2 Heta tetã omoirũta Israel guápe hetã meve, ha Israelgua oguerekóta chupe kuéra hembiguái kuimba'éva ha kuñáva ramo Ñandejára yvýpe. Israelgua ogueraháta ipokuapy ipokua harépe, ha oguerekóta ipo guýpe ijára kuépe.
Ñembohory Babilonia ruvicha guasúre
3 Ñandejára ne mombytu'u ramo nde vy'a'ỹgui, ne rembiasa asy ha tembiguái ramo reiko haguégui, 4 repurahéita Babilonia ruvicha guasúre, reñembohorývo hese péicha:
“Pema'ẽmi mba'épepa opa
mburuvicha jero!
Pehechami
mba'épa oiko chugui!
5 Ñandejára omopẽ
iñañáva pokatu,
omyangu'i mburuvicha ahẽ
popegua yvyra.
6 Ha'e oinupã pochýva
opa tetãme
ha ombyepoti mantéva
chupe kuéra,
pochy rendýpe opyrũmbáva
tetã nguérare,
ha omuñáva ome'ẽ'ỹre jurujái.
7 Yvy tuichakue oiko
py'a guapýpe ha kyhyje'ỹre,
ha osapukái vy'águi.
8 Líbano pegua kuri'y ha kuri'y,
ovy'a joa reñehundi haguére,
ha he'i hikuái: ‘Rekúi guive,
ndaipóri véima ore kytĩva.’
9 Yvy guýpe oiko ayvu guasu,
omano vaekue apytépe
ha osẽ joa ne moguahẽvo.
Omanóva ãngue opáy joa,
umi tetã ruvichakue
osẽ ne ruguãitĩvo,
iguapyhágui opu'ã joa.
10 Oĩ haguéicha he'i ndéve:
‘Nde avei reju ne kangypa,
oréichante avei.
11 Ápe ou opa nde jejapo,
ne mba'epu ha ne mbarakapu,
ápe yso rupápe reñenóta,
ha sevo'i meméta nde ahoja.’
12 Mba'éicha rupi piko
yvágagui re'a mbyja ko'ẽ!
Ne mona hikuái yvýre,
tetã nguéra rehe
nde pu'akámiva.
13 Eréva nde jupe nde py'a pýpe:
‘Yvága peve voi ajupíta,
ha Tupã mbyja ári
che guapyha amoĩta,
amoite mombyry
yvate gotyope aguapýta,
upe yvyty
tupã nguéra ijatyhápe.
14 Ajupíta umi arai
ijyvatevéva ári.
Chéta hína
upe Yvatete guáicha.’
15 Ipahápe katu
reguejy omanóva retãme,
amoite hugua hypyvehápe!
16 Nde recháva ijurujái
oma'ẽvo nde rehe,
ha he'i joa hikuái:
‘Kóva piko hína
pe omboryrýi vaekue yvy,
ohundíva tetã nguéra,
17 yvy oheja vaekue iperõmbaite,
táva kuéra katu oitypa
ha umi omosã vaekuégui ndopoíri?’
18 Opa tetã ruvicha kuéra
peteĩ-teĩ opytu'u,
ityvy ojeguapávape.
19 Nde katu reñerenohẽ
yty ky'áicha nde tyvýgui,
ha reñemombo pe yvy kuápe,
te'õngue oñepyrũmbáva apytépe,
itápe ojejatýva.
20 Ne reñeñotỹ mo'ãi
tetã nguéra ruvicháicha,
rehundi haguére ne retã
ha rejuka ne retã guápe.
Tekove ahẽ ñemoñare
opytáta tesaráipe.
21 Peñembosako'íke
pejuka haguã ta'ýra kuérape,
itúva porojukakuére,
anive haguã oñembojára
yvy imba'e'ỹvare,
ha omyenyhẽ itáva kuéragui
yvy tuichakue.”
22 Ñandejára ipu'akapáva he'i:
“Apu'ãta hese kuéra
ha ahapo'óta Babilóniagui,
héra, chugui hembýva,
ta'ýra ha iñemoñare.
23 Ajapóta chugui
kui'ĩ raity ha karugua,
aitypeíta ñehundi typychápe.”
Ñandejára ipu'akapáva he'i péicha.
Asiria oñehundíta
24 Ñandejára ipu'akapáva
ome'ẽ ijehe iñe'ẽ:
“Upe ha'e vaekue
oikóta katuete.
25 Asírio kuérape ahundíta
che retãme,
hese kuéra apyrũmbáta
che yvytýpe.
Che retã guágui ojejopyha
aipe'áta,
noñakãmby mo'ã véima
ijati'ýre.
26 Ha'éma pe yvy tuichakuére
ajapótava,
che po tetã nguéra rehe
amopu'ãma.”
27 Ñandejára ipu'akapáva
he'íma iñe'ẽ,
ha oñemoĩ vaerã hese
ndaipóri.
Ha'e oipysóma hína ipo,
omboguevi vaerã chupe
ndaipóri.
Upe he'íva filistéo kuérare
28 Pe áño omano haguépe mburuvicha guasu Ahaz, Isaías he'i ko marandu:
29 Ani revy'a, filistéo retã,
oso haguére tukumbo
ne mbyepotíva,
cháke mbóigui osẽta hína mbói,
ha upévagui teju jagua ovevéva.
30 Mboriahu oguerekóta
iñúme kapi'i
ijovecha kuérape guarã,
ha umi mba'eve oguereko'ỹva,
py'a guapýpe opytu'úta.
Che katu umi nde rehegua
ajukáta ñembyahýigui,
ha umi mbovymi opytáva
ajukáta avei.
31 Pejahe'o soróke,
filistéo táva kuéra,
pesapukái rasýke
ha kyhyjégui peryrýi!
Cháke yvate gotyogui
ou ñorãirõhára
tatatĩcha,
ha ndaipóri osẽva ipa'ũgui.
32 Mba'épa oje'éta
pe tetã remimboúpe?
Ñandejára omopu'ã hague Sión,
ha upépe okañýta
hetã megua mboriahu kuéra.