Tupã tuichave ambue tupãgui
1 Ore Jára,
ani ore momba'e,
ne añónte
reñemomba'e vaerã,
ne mborayhu
ha nde reko jeroviaha rupi.
2 Mba'ére piko tetã nguéra he'i:
“Itupã piko moõ oime?”
3 Ore Tupã oĩ yvága ha yvýpe,
ha'e ojapo ojaposéva.
4 Umi ta'ãnga katu
pláta ha óro,
yvypóra rembiapokue.
5 Umíva ijuru ha noñe'ẽi,
hesa ha ndohechái,
6 ijapysa ha nohendúi,
itĩ ha nohetũi.
7 Ipo ramo jepe ndopokói,
ipy ha ndoguatái,
ijahy'ógui mba'eve nañahendúi.
8 Upéichata avei umi ijapohare,
umíva rehe omoĩva ijerovia.
9 Peẽ Israelgua!
Pejerovia Ñandejára rehe.
Ha'e pene pytyvõta
ha oñangarekóta pende rehe.
10 Peẽ pa'i kuéra!
Pejerovia Ñandejára rehe.
Ha'e pene pytyvõta
ha oñangarekóta pende rehe.
11 Peẽ Ñandejárape pemomba'éva!
Pejerovia hese.
Ha'e pene pytyvõta
ha oñangarekóta pende rehe.
12 Ñandejára ta imandu'a ñande rehe,
ha ta ñande rovasa.
Ha'e tohovasa Israel guápe,
ha'e tohovasa pa'i kuérape,
13 ha'e tohovasa
umi hese ojeroviávape,
ha'e tohovasa
mboriahu ha poguasúpe.
14 Ñandejára ta pene mboheta,
peẽme ha pende ra'y kuérape.
15 Ta pende rovasa Ñandejára,
yvága ha yvy apohare.
16 Yvága niko Ñandejára mba'e,
yvy katu ome'ẽ yvypórape.
17 Omanóva térã
umi yvy guýpe ohómava
niko nomomba'e guasúi
Ñandejárape.
18 Ore roikovévante
romomba'e guasu Ñandejárape,
ko'ágã guive opa ára peve.
Toñemomba'e guasu Ñandejára.
Dios merece nuestra alabanza
SALMO 115 (113b)
1 Tú mereces alabanzas, Dios nuestro,
y no nosotros;
tú mereces alabanzas
por tu amor y tu fidelidad.
2 Las otras naciones
preguntan en son de burla:
«¿Qué pasó con su Dios?»
3 ¡Pero tú estás en el cielo,
y haces todo lo que quieres!
4 Los ídolos de esas naciones
son objetos de oro y plata;
¡son hechura humana!
5 ¿Y qué es lo que tienen?
Una boca que no habla,
y ojos que no ven;
6 orejas que no oyen,
y narices que no huelen;
7 manos que no tocan,
y pies que no andan;
garganta tienen,
¡pero no emiten ningún sonido!
8 Iguales a esos ídolos
son quienes los hacen
y quienes confían en ellos.
9 Israelitas,
pongan su confianza en Dios;
¡él nos ayuda y nos protege!
10 Sacerdotes,
pongan su confianza en Dios;
¡él nos ayuda y nos protege!
11 Y ustedes, que adoran a Dios,
pongan en él su confianza;
¡él nos ayuda y nos protege!
12 Dios se acuerda de nosotros
y nos llena de bendiciones:
Bendice a los israelitas,
bendice a los sacerdotes,
13 y bendice a quienes lo adoran,
sean o no gente importante.
14 ¡Que Dios añada bendiciones
sobre ustedes y sobre sus hijos!
15 ¡Que los bendiga Dios,
creador del cielo y de la tierra!
16 Los cielos son de Dios,
y a nosotros nos confió la tierra.
17 Los muertos ya han bajado
al mundo del silencio
y no pueden alabar a Dios;
18 ¡nos toca a nosotros alabarlo
desde ahora y para siempre!
¡Alabemos a nuestro Dios!