Imarangatúva rekove
1 Aleluya.
Ovy'a
upe omomba'éva Ñandejárape,
ha ipy'a rory
ojapóvo hembiapoukapy.
2 Iñemoñare imbareténe ko yvy ári,
heko potĩva ra'y kuéra ojehovasáne.
3 Hógape opa mba'e oguerekóne,
ha ipojeráne opa árape.
4 Pytũmbýpe jepe
oĩ ohesapéva heko potĩvape,
ha upéva ipy'a porã,
oporoporiahurereko ha heko joja.
5 Ovy'a
upe ipy'aite guive
oiporukáva hapichápe,
ha opa oguerekóva
ogueroguata hekópe.
6 Heko jojáva ndojecha vai chéne,
opa ára oikóne hese mandu'a.
7 Ha'e ndokyhyjéi
oñehenduka ramo guarã chupe ivaíva,
ha'e ojerovia mbarete
Ñandejára rehe.
8 Ndaipy'a mokõiri
ha mba'evégui ndokyhyjéi,
ha oikuaa porã
umi hese ija'e'ỹva oñehunditaha.
9 Imba'évagui
ome'ẽ imboriahúvape,
ha ipo jera opa ára.
Tuicha ha herakuã porãne.
10 Heko vaíva
ipochy upéva ohechávo,
hãi mante omopururũ
ha hembipota opa reíne.
Dios bendice a la gente buena
SALMO 112 (111)
1 ¡Alabemos a nuestro Dios!
¡Dios bendice a quienes lo adoran
y gozan cumpliendo sus mandamientos!
2 Los hijos de la gente honrada
dominarán el país
y serán siempre bendecidos.
3 Tendrán en su casa muchas riquezas,
y siempre triunfarán en todo.
4 Como son bondadosos,
justos y compasivos,
guiarán a la gente honrada
como una luz en la oscuridad.
5 La gente buena es generosa:
presta a quienes le piden,
y maneja bien sus negocios.
6 La gente buena jamás fracasa;
siempre se le recuerda con cariño.
7 Nunca le asalta el temor
de recibir malas noticias,
pues confía en Dios
de todo corazón.
8 No tiene por qué preocuparse,
ni por qué sentir miedo;
hasta mira con aire de triunfo
a todos sus enemigos.
9 Siempre que ayuda a los pobres,
lo hace con generosidad;
en todo sale triunfante,
y levanta la cabeza con orgullo.
10 Cuando los malvados ven esto
se enojan y rechinan los dientes,
pero acaban por perderse.
¡Los planes de los malvados
siempre fracasan!