José ha Potifar rembireko
1 Ojereraha rire Egíptope, Josépe ojogua hembiguairã peteĩ karai hérava Potifar umi Ismael guágui. Potifar mburuvicha Faraón róga rerekua. 2 Ñandejára oĩ José ndive, ha upévare ha'e ipo'a opa mba'épe ha oiko ijára rógape. 3 Potifar ohecha Ñandejára oĩha José ndive ha omyakã rapu'ãha chupe opa mba'e ojapóvape. 4 Upévare ojerovia hese ha omoĩ chupe hóga ha opa mba'e rerekua ramo. 5 Upe guive Ñandejára ohovasa, José rupive, opa mba'e Potifar oguerekóva hógape ha ñúme ave. 6 Potifar oheja opa mba'e José pópe, ojepy'apy'ỹre mba'evére. José karia'y porã ika'avóva.
Py'a ra'ã vai, ñe'ẽ meguã ha jepokua
7 Upéinte ijára rembireko oñepyrũ iñakã vai hese ha he'i chupe:
—Eju eñeno che ndive.
8 Ha'e katu ndojaposéi upéva, ha he'i:
—Che jára ndojepy'apýi voi mba'eve óga peguáre ha oheja che pópe opa mba'e. 9 Oipota oiko che ha'évante ha nahakate'ỹi chéve mba'evére, nde rehe añoite mante, nde ha'égui hembireko. Ha piko che ajapóta hese ko ivai etéva Tupã renondépe?
10 Upe kuña ndoikuaaséi voi mba'eve, ha oha'ã mbaite omoñuhãvo chupe. José katu ojeguereko kuaa chugui. 11 Peteĩ jey, José oike upe ógape hembiapo haguã ha ndaipóri avave. 12 Ha upe kuña osẽ ipojái ijahojáre ha he'i chupe:
—Eju eñeno che ndive.
13 José ojehekýi chugui ha osẽ okápe. Ijahoja katu opyta pe kuña pópe, 14 ohenóiva hembiguái kuérape ha he'i:
—Pema'ẽmi, ojegueru ñandéve hebréo oñembohoryséva ñande rehe. Oike che kotýpe ha che rãirõse mo'ã. Che asapukái. 15 Ha'e katu okañy ha oheja ijahoja ko'ápe.
16 Upe kuña oñongatu José ahoja oguahẽ meve iména. 17 Ha peichaite avei omombe'u chupe:
—Pe tembiguái hebréo reru vaekue che rãirõse mo'ã. 18 Che katu asapukái. Ha ha'e okañy nguévo oheja ijahoja.
19-20 José jára ipochy eterei. Oipokuauka Josépe ha oguerahauka chupe koty ypytũme, oĩháme avei umi oñemyakãsã vaekue Faraón róga pegua. 21 Ñandejára katu oĩ José ndive, ohovasa chupe ha omoĩ porã chupe pe koty ypytũ megua mburuvicha ndive. 22 Pe koty ypytũ ruvicha omoĩ chupe hapicha kuéra rerekua ramo, ha upépe José he'ívante voi oiko. 23 Pe koty ypytũ ruvicha ndojepy'apýi mba'evére ha oheja opa mba'e ipópe. Ñandejára ohovaságui Josépe, osẽ porã chupe opa mba'e ojapóva.
José y la esposa de Potifar
1 Cuando los comerciantes llevaron a José a Egipto, lo compró Potifar, que era oficial del rey y capitán de su guardia. 2 A José le fue muy bien allí, en la casa de su amo egipcio, pues Dios estaba con él. 3 Potifar vio que Dios ayudaba a José y hacía que todo le saliera bien. 4-6 Por eso trató amablemente a José, lo puso a cargo de su casa y de todo lo que tenía. A partir de ese momento, y gracias a José, Dios bendijo a Potifar en todo, y él no se preocupaba ya de nada, más que de comer.
Como José era muy guapo y atractivo, 7 la mujer de su amo se fijó en él, y le propuso:
—¡Ven, acuéstate conmigo!
8 En vez de aceptar, José le contestó:
—Mi amo confía en mí, y por eso ha dejado todo a mi cargo. Estando yo al frente de todas sus riquezas, él no tiene nada de qué preocuparse. 9 No me ha prohibido nada, y en esta casa nadie tiene más autoridad que yo. Pero usted es su esposa. Tener relaciones sexuales con usted, sería pecar contra Dios.
10 Y aunque todos los días ella le insistía, él la rechazaba. 11 Un día, José entró en la casa para hacer su trabajo. Entonces ella, aprovechando que no había nadie en la casa, 12 lo agarró de la ropa y le exigió:
—¡Acuéstate conmigo!
Pero José prefirió que le arrebatara la ropa, y salió corriendo de la casa. 13 Entonces ella, al verse con la ropa de José en las manos, 14 llamó a gritos a los sirvientes y les dijo:
—¡Miren, este hebreo que trajo mi esposo ha venido a burlarse de nosotros! Se metió aquí y quiso violarme, pero yo me puse a gritar con todas mis fuerzas. 15 En cuanto me oyó gritar y pedir ayuda, salió corriendo ¡y hasta la ropa dejó!
16 Ella guardó la ropa de José hasta que regresara su esposo. 17 Cuando Potifar llegó, ella le contó la misma historia: «Ese esclavo hebreo que nos trajiste quiso violarme. 18 Pero en cuanto empecé a gritar pidiendo ayuda, dejó su ropa junto a mí y salió corriendo de la casa».
19 Al oír Potifar las quejas de su esposa, se enojó mucho. 20 Entonces agarró a José y lo metió en la cárcel, donde estaban los presos del rey.
Pero aun en la cárcel 21 Dios siguió ayudando a José y dándole muestras de su amor, pues hizo que el carcelero lo tratara bien. 22 Y así, el carcelero puso a José a cargo de todos los presos y de todos los trabajos que allí se hacían. 23 El carcelero no tenía que vigilarlo, porque Dios ayudaba a José y hacía que todo le saliera bien.