Husai ombyai pe Ahitófel he'íva
1 Upéi Ahitófel he'i Absalónpe:
—Eheja taiporavo 12.000 kuimba'e ha ko pyharépe voi asẽta amuña Davídpe. 2 Ha'e ikangy ha ikane'õma ramo ajeitýta hi'ári ha amongyhyjéta chupe; ha opa iñirũ nguéra oguevi ha okañýta. Pe mburuvicha guasúpe añoite ajukáta, 3 ha upéi amoingo porã jeýta opa tetã guápe ne ndive, ku kuña omenda ramóva oiko porã jeýrõ guáicha iména ndive. Upe nde reipotáva niko hína kóva: peteĩ kuimba'énte tomano, ha opavave topyta py'a guapýpe.
4 Absalónpe ha opa umi oporoheko mbo'e kuaávape Israélpe iporã upéva. 5 Absalón katu ohenoika avei Husai pe arquítape, ohendu haguã iñe'ẽ. 6 Oguahẽvo Husai, Absalón he'i chupe:
—Péicha ojapose hína Ahitófel. Mba'épa ere nde: jajapótapa, térã nahániri?
7 Husai he'i chupe:
—Ko'agãite ramo, pe Ahitófel oipotáva naiporãi hína. 8 Nde niko reikuaa porã, nde ru ha iñirũ nguéra ipy'a guasu etereiha; ha ko'ágã oiméne ipochy eterei hína, ku jaguaretéicha ojepe'a vaekuégui imemby kuéra. Hi'arive, nde ru hína peteĩ kuimba'e oiko kuaa etereíva ñorãirõháme, ha ndohasa mo'ãi ko pyhare oimehápe reínte. 9 Ko'ágã voi oiméne okañy hína umi itakua térã ambue henda rupi. Upéi katu, ojekuaa vove oñepyrũvo pe ñorãirõ ho'a hague mbovymi nde reheguáva, oĩne katuete oimo'ãva opa nde rehegua oguevi hague, 10 ha umi ipy'a guasuve ha iñarõvéva leóngui jepe, ikangýne. 11 Ehendumi ko ha'éva ndéve: Embyaty opa kuimba'e Israelgua, Dan guive Beerseba peve, tou ne moirũ; umíva niko heta ku yvyku'i ra'ỹi yguasu rembe'ýpe guáicha; ha emyakã chupe kuéra ndete voi ñorãirõháme. 12 Upérõ ñandyrýta nde rúre mamo ha'e oĩháme. Jajeitýta hi'ári ku ysapy ho'aháicha yvy ári ha ndopyta mo'ãi hekove ha'e térã peteĩnte jepe umi iñirũ nguéragui. 13 Okañýrõ jepe peteĩ táva guasúpe, opa Israelgua jaraháta sã poguasu kuéra ha jarotyryrýta peteĩ-teĩ umi ita korapy jere pegua ysyry peve, jaheja'ỹre upépe peteĩ itánte jepe.
14 Absalón ha opa Israel guápe iporãve upe he'íva Husai, pe he'i vaekuégui Ahitófel. (Ñandejára niko he'íma ra'e ipy'apýpe ombyaitaha upe he'íva Ahitófel, ohundi haguã Absalónpe. Absalón ojapo rire pe he'íva Ahitófel, osẽ porã vaerã mo'ã chupe.) 15 Upéi Husai omombe'u pa'i kuéra Sadoc ha Abiatárpe upe Ahitófel he'i vaekue ojejapo haguã, 16 omomarandu pya'e haguã Davídpe, he'ikávo chupe ani ohasa pe pyhare umi ñu perõ rupi, ha ohasa haguã katuetei Jordán mboypýri, ani haguã ojejuka ha'e ha iñirũ nguéra.
17 Ahimaas ha Jonatán oĩ En-Roguélpe ndoipotáigui avave ohecha chupe kuéra pe távape; upévare peteĩ mitãkuña oho upépe omomarandúvo chupe kuéra ha ha'e kuéra oho pya'e omomarandúvo mburuvicha guasu Davídpe. 18 Peteĩ mita'i katu ohecha chupe kuéra osẽnguévo ha oho omombe'u Absalónpe. Upérõ ha'e kuéra oiko pya'e ha oike peteĩ karai Bahurim pegua rógape ha okañy peteĩ ykua korapýpe oĩvape. 19 Ha'e kuéra oike rire, upe karai rembireko omoĩ pe ykua jurúpe imbotyha ha omyasãi hi'ári trígo jejykýi pyre. Ha upéva ndohechái avave. 20 Oguahẽvo umi Absalón irũ nguéra, oporandu hikuái upe kuñáme:
—Mamópa oĩ Ahimaas ha Jonatán?
—Ohasa hikuái ko'arupi yvy ojeiko'ỹha gotyo, he'i chupe kuéra upe kuña.
Absalón irũ nguéra oho hekávo, ha ndojuhúima ramo oho jey Jerusalénpe. 21 Ha'e kuéra oho rire, Ahimaas ha Jonatán osẽ pe ykuágui ha pya'e oho omomarandúvo mburuvicha guasu Davídpe: he'i chupe hikuái opu'ã pya'e haguã ha ohasa ysyry mboypýri, Ahitófel he'i haguére oñendyry haguã hese kuéra. 22 Upérõ David ha iñirũ nguéra opu'ã pya'e ha ohasa ysyry Jordán mboypýri. Upe ára ambuépe ndaiporivéi avave ohasa'ỹ vaekue.
23 Ahitófel ohechámarõ ndojejapoiha upe ha'e he'i vaekue, ombyape hymba vúrro, ojupi hi'ári ha oho hógape upe távape ha'e heñói haguépe, ha omoĩmba rire hekópe umi mba'e hóga pegua, ojejuvy. Upéicha omano ha oñeñotỹ itúva oñeñotỹ haguépe.
David oguahẽ peteĩ hendápe hérava Mahanaim
24 David oguahẽ upe héravape Mahanaim, Absalón ohasa jave ysyry Jordán opa Israelgua ndive. 25 Absalón omoĩ ñorãirõhára ruvicha ramo peteĩ kuimba'épe hérava Amasá, Joab rendaguépe. Amasá vaekue peteĩ ismaelíta, hérava Itra, ra'y. Itra oñemokuña vaekue Abigail rehe; Abigail vaekue Nahas rajy ha Seruiá kypy'y; Seruiá hína Joab sy.
26 Absalón oñemohenda Israelgua ndive Galaad yvýpe, 27 ha David oguahẽvo Mahanaímpe, osẽ huguãitĩvo Sobí, Nahas ra'y; upéva Rabá pegua, oĩva tetã Amónpe; osẽ avei Maquir, Amiel ra'y, Lodebar pegua; ha Barzilai, Roguelim pegua, oĩva Galaádpe. 28 Ha'e kuéra ogueraha chupe tupa, ña'ẽ, japepo ñai'ũ; avei trígo, seváda, trígo ku'i, trígo maimbe, kumanda, kumanda yvyra'i, 29 eíra, kesu pyahu vaka kambýgui ha kavara kambýgui, ho'u haguã David ha iñirũ nguéra, he'ígui hikuái ipy'apýpe, ha'e kuéra oiméne haguã ikane'õ, iñembyahýi ha ijyuhéi, oúgui yvy ojeiko'ỹhágui.
Husai apmassésseyam aqsok apmáheyo elának Ahitófel
1 Aptáhak axta Ahitófel apcháneya m'a Absalón:
—Yána sa' alyéssesha doce mil énxet'ák, keñe sa' wamhagkok David se'e axta'a nak. 2 Massék sa' agkok apyenna m'a apyampa'a enxoho, aktamagkok sa', eygwakkasek sa', keñe sa' yenyahagkok apyókxoho m'a énxet'ák apkelyetlo nak. Wánxa sa' aqsa waqhek ma'a wesse' apwányam, 3 keñe sa' elyo'óták xép ma'a apyókxoho énxet'ák, ektémól'a kaxwe élyamhopma kay'óták kásekhekxohok ma'a atáwa'. Wánxa eyke aqsa exchep apkepmenyého emátog xama énxet, keñe sa' ma'a apyókxoho énxet'ák nak, elhekxa aqsa yetlo meyke ektáhakxa.
4 Leyawók axta apwáxok Absalón ektáhakxa amya'a, tén han ma'a apyókxoho apkelpaqhetcháseykha nak chá'a apheykha Israel. 5 Apkeltamhók axta eyke han kóláneyha Absalón ma'a Husai, apteme axta arquita, yaqwayam han exének ektáhakxa élchetamso apwáxok. 6 Xama axta apwokmo Husai m'a aphakxa nak Absalón, aptáhak axta apcháneya:
—Cháxa apmakókxa nak etnehek Ahitófel xa. ¿Anlának sa' kexa, essenhan manlanye'? ¡Háxko sa' etnehek xeyepxa appeywa!
7 Apchátegmowágkek axta Husai:
—Asagkek kaxwók xa aqsok apmako nak elának Ahitófel. 8 Apya'ásegkok xép ma'a apyáp David, tén han ma'a apkelxegexma'a nak, apmelyeyha'ak elnapakpok, apkellókók apagko' kexa kaxwo', ektémól'a aqsok nawhak eklo kelwána kólyementamok étkók. Énxet apya'áseyak ektémakxa kempakhakma han ma'a apyáp nak xép, metyenek han chá'a xamo' ma'a apkelxegexma'a nak. 9 Apyexanmeyk kexa kaxwók ma'a meteymog áxwa, essenhan han ma'a mók nekha. Legáxcheyk sa' agkok amya'a aptekyawa nápakha m'a sẽlpextétamo apketámeyak apmonye', ñohók sa' chá'a etnehek exének énxet ektáha enxoho aplege amya'a, apmenxenákpo m'a apkelxegexma'a, 10 kawomhok sa' eyeygwayam apkelwáxok ma'a sẽlpextétamo apkelyennaqte apkello apho nak méwa; apkelya'ásegkók Israel ma'a apyáp nak xép, tén han ma'a apkelxegexma'a, apteme énxet'ák apkelyennaqte. 11 Wánxa eyke aqsa ko'o séltamho atnehek wának yánchásekxak xép ma'a apyókxoho israelitas, apheykha nak Dan ekweykekxoho m'a Beerseba, aphémo nak apxámokma m'a yagkamex ekhéyak nak neyáwa wátsam ekwányam, xép apagko' sa' han enaqlók ma'a kempakhakma. 12 Tén sa' agketamagkok ma'a apyáp nak xép, apheykenxa enxoho chá'a yókxexma. Máxa yálye sa' antéhek agáhapwók ektémól'a kápok xapop, megyeymakpek sa' xama enxoho m'a énxet'ák apagkok, yetsapok sa' han ma'a. 13 Apyexánegwokmek sa' agkok han chá'a xama tegma apwányam, negyókxoho sa' ólsók táma' nentáha nak israelitas, ólyenyawaksek sa' meteymog apagkok xa tegma apwányam ekweykekxoho m'a alwáta nak, megkeymaxcheyk sa' xama enxoho meteymog ma'a.
14 Leyawók axta apwáxok Absalón tén han apyókxoho énxet'ák Israel yaqwánxa etnehek ma'a Husai, axta kaxnók ma'a yaqwánxa axta etnehek ma'a Ahitófel. (Nanók axta eyke apmáheyo metekkessesek Wesse' egegkok yaqweykenxa etnehek ma'a Ahitófel, ektaqmela axta eykhe, yaqwayam enxoho yahak aqsok ekmaso m'a Absalón.) 15 Keñe axta Husai apkeltennásencha'a m'a apkelmaxnéssesso Dios énxet'ák apagkok, Sadoc tén han Abiatar, appeywa apmésso axta Ahitófel ma'a Absalón, tén han ma'a apkelámha apmonye'e nak Israel, keñe han ma'a appeywa apmésso apagko' axta, 16 apkeltamho kóltennaksek ekmanyehe agko' ma'a David, apchésa etyenwók axta'a m'a ekpayhegweykenxa nak xapop meykexa énxet, apkeltamho aqsa eyeykhekxak ma'a Jordán, yaqwayam enxoho mematñehe', tén han ma'a énxet'ák apagkok.
17 Aphegkek axta han Jonatán tén han Ahimaas ma'a ekpayho nak En-roguel, xama kelán'a kélásenneykha axta eyke keltennássekxa', hakte mopmenyeyk axta elwetakpok ma'a tegma apwányam nak, yetlókok axta han apkelánteyapma peya eltennássekxak ma'a wesse' apwányam David, 18 xama sakcha'a axta eyke apkelwet'ak keñe apkeltennássekxo m'a Absalón. Apkelpekheyáseyha axta, keñe axta apkelwákxo aphakxa xama énxet apkeñama axta Bahurim, apkelántaxneyk axta yámelchet ekyetnama axta m'a nepyáwa tegma. 19 Keñe axta aptáwa' xa énxet nak, eyapa átog ma'a yámelchet, negkenchek axta han néten hótáhap apwa' apák éxpánchásencha'a. Méko axta han ekyekpelcha. 20 Xama axta apkelwokmo m'a Absalón apkelxegexma'a, aptáhak axta apkelmaxneyáncha'a kelán'a:
—¿Háxko apkelmahágkaxa Ahimaas tén han Jonatán?
—Exchek so apkelyeyk'ak se'e, apkelmahágko m'a ekpayho nak wátsam —axta entáhak eyátegmowágko m'a kelán'a.
Keñe axta apkelamhágko m'a Absalón apkelxegexma'a, xama axta melwetákxo, apkeltaqháwo makham ma'a Jerusalén. 21 Xama axta apkeltaqháwo, apkelántekkek axta kañe' yámelchet ma'a Ahimaas tén han Jonatán, apkenyahágkek axta apkeltennássekxo m'a wesse' apwányam David; apkeltamhók axta han yempekxak heykxa néten yaqwayam eyeykhekxak ma'a wátsam nak, hakte apkeltennássek axta ektamagkok ma'a Ahitófel. 22 Yetlókok axta apkempeykekxa néten David tén han apyókxoho apkelxegexma'a, apkelyeykhákxo m'a wátsam Jordán. Kelsakak axta apsawhékpo apkelyeykheykekxa'.
23 Xama axta apwet'a Ahitófel megkalánexko m'a aqsok apmáheyo elána', apkeltahanchessek axta yámelyeheykok apchánte, keñe apmeyákxo apxagkok apkeñémekxa axta, xama axta appenchesa apkeláneykekxa m'a ekyókxoho aqsok apagkok axta, aptetchek axta apyespok táma'. Apketsekkek axta, keñe kélátawanya m'a kélátawanyamakxa axta apyáp.
David apwayam yókxexma Mahanaim
24 Apwokmek axta David ma'a Mahanaim, chaqhawók axta apyeykhákxexa han Absalón ma'a wátsam Jordán, yetlo apyókxoho énxet'ák nak Israel. 25 Apteméssessek axta han apkemha apmonye' sẽlpextétamo Absalón ma'a Amasá, apyaqmagkasso m'a Joab. Itrá axta han apketche m'a Amasá, apteme axta ismaelita, apmeykencha'a axta m'a Abigail, Nahas axta apketche, yáxeg axta m'a Seruiá, Joab axta egken.
26 Appakxenweykmek axta Absalón yetlo israelitas ma'a yókxexma nak Galaad, 27 xama axta apwokmo David ma'a Mahanaim, keñe apkelanyexakmo apma takha' m'a Sobí, Nahas axta apketche, apkeñama axta Rabá, cham'a yókxexma Amón; keñe axta han ma'a Maquir, Amiel axta apketche, apkeñama axta m'a tegma apwányam Lodebar; tén han Barzilai, apkeñama axta m'a Roguelim, tegma apwányam nak Galaad. 28 Apkelsókassek axta taháno apkelyetnamakxa néten, sokpayhe élyawe, tén han weygke apkelánamap nak yelpa', apkelsókassek axta han hótáhap apaktek, tén han apho nak hótáhap, tén han hótáhap, aqsok ekyexna kélyexnáyam, ayóye, yágkeleyke aktek, 29 yányawhéna' apyegmenek, weyke nagkeygmenek ekyennaqte, tén han kaxwe kélyennaqtésso, eñama nak weyke nam'agkok apyegmenek, keñe han nepkések, yaqwayam etwok ma'a David tén han ma'a apkelxegexma'a; hakte xénchek axta apkelwáxok apkelyampa'awo tén han élnapa meyk, keñe han élnapa hem, apkeleñama apkelxegakmo m'a yókxexma meykexa nak énxet.