Opavave tomomba'e guasu Ñandejárape
1 Tupã che Jára,
ndéve romomba'e guasúta
che ruvicha guasu.
Nde réra amomba'éta opa árape.
2 Ára ko'ẽre romomba'e guasúta,
ha nde réra amomba'éne opa ára.
3 Ñandejára niko tuicha hína,
ituichakue ndaikatúi jaikuaapa.
Chupe ñamomba'e guasu vaerã.
4 Túva kuéra omombe'úne
ta'ýra kuérape ne rembiapokue,
ha'e kuéra omoherakuãne
umi mba'e tuichaite rejapóva.
5 Omombe'úne hikuái
mba'éichapa remimbipa,
ha che aikuaaukáne
umi mba'e rechapyrã rejapóva.
6 Ha'e kuéra omombe'úne
umi mba'e tuichaite
nde rejapóva ha oporomongyhyjéva,
che amoherakuãne
ne rembiapokue tuichaite.
7 Imandu'áne hikuái
ne mba'e porãiteha,
ha ndéve opurahéine
nde reko joja haguére.
8 Ñandejára imba'e porã
ha oporoporiahurereko.
Ha'e oporohayhu
ha hasýpe ipochy,
9 opavavépe ha'e ohecha kuaa,
ha ohecha ramó opa hembiapokue.
10 Opa ne rembiapokue
ta ne momba'e guasu, Ñandejára,
opa nde rehe ojeroviáva
ta ne momba'e guasu.
11 Ha'e kuéra tomyerakuã
tuichaha upe ne retã,
ha'e kuéra toikuaauka
nde ne mbareteha.
12 Upéicha ramo maymáva
oikuaáne ne mbareteha,
ha upe ne retã tuichaha.
13 Ne retã niko mba'e opa'ỹva,
ha nde reporosãmbyhýta opa árape.
Ñandejára nopyrũiva iñe'ẽre,
ha'e ipy'a porã opa mba'épe.
14 Ñandejára ojoko umi ho'ávape,
ikangývape omopu'ã jey.
15 Opavave omoĩ nde rehe hesa
nde remongaru haguã chupe kuéra hi'árape.
16 Reipe'a nde po, ha nde mba'e porãme
remohyguãtã opa mba'e oikovévape.
17 Ñandejára heko joja opa hapépe,
ha'e ipy'a porã opa mba'épe.
18 Ha'e oñemoaguĩ
umi oñembo'évare,
umi ipy'aite guive
chupe oñembo'évape.
19 Umi chupe omomba'éva rembipota
ha'e ojapo,
ha ojerure vove chupe pytyvõ
ha'e oguenohẽ chupe kuéra
jejopy vaígui.
20 Ñandejára oñangareko
umi chupe ohayhúvare,
umi heko vaívape katu
ha'e ohundi.
21 Amomba'e guasúta Ñandejárape.
Opa oikovéva
tomomba'e guasu héra marangatu,
ko'ágã guive ára paha peve.
SALMO 145 (144)
Que toda la humanidad alabe al Señor
1a (1a) Alabanza de David.
1 1 (1b) Mi Dios, mi Rey,
yo hablaré de tu grandeza
y por siempre bendeciré tu nombre.
2 Diariamente te bendeciré;
por siempre alabaré tu nombre.
3 Tú, Señor, eres grande y muy digno de alabanza;
tu grandeza excede nuestro entendimiento.
4 De padres a hijos se alabarán tus obras,
se anunciarán tus hechos poderosos.
5 Se hablará de tu gloriosa majestad,
y yo hablaré de tus maravillas.
6 Se hablará de tus hechos poderosos y terribles,
y yo hablaré de tu grandeza.
7 Se hablará de tu bondad inmensa;
¡a gritos se dirá que tú eres justo!
8 El Señor es tierno y compasivo,
es paciente y todo amor.
9 El Señor es bueno para con todos,
y con ternura cuida de sus obras.
10 ¡Que te alaben, Señor, todas tus obras!
¡Que te bendigan tus fieles!
11 ¡Que se hable del esplendor de tu reino!
¡Que se hable de tus hechos poderosos!
12 ¡Que se haga saber a los mortales tu poder
y el gran esplendor de tu reino!
13 Tu reino es un reino eterno,
tu dominio durará todos los siglos.
14 El Señor sostiene a los que caen
y levanta a los que desfallecen.
15 Los ojos de todos esperan de ti
que tú les des su comida a su tiempo.
16 Abres tu mano, y con tu buena voluntad
satisfaces a todos los seres vivos.
17 El Señor es justo en sus caminos,
bondadoso en sus acciones.
18 El Señor está cerca de quienes lo invocan,
de los que lo invocan con sinceridad.
19 Él cumple los deseos de los que lo honran;
si le piden ayuda, los oye y los salva.
20 El Señor protege a quienes lo aman,
pero destruye a los malvados.
21 ¡Que mis labios alaben al Señor!
¡Que todos bendigan su santo nombre,
ahora y siempre!
