Tupã ndive ñaime ramo, ndaipóri kyhyje
1 Ñandejára upe che rekove ohesapéva,
ha upe che pytyvõva.
Mávagui piko akyhyjéta?
Ñandejára oñangareko che rehe,
Máva piko che mongyhyjéta?
2 Opu'ãvo che rehe umi iñañáva,
umi che rehe ija'e'ỹva
oñemoĩvo che rehe,
ha'e kuéra jeýnte
umi oñepysãnga ha ho'áva.
3 Oñembohetárõ jepe
ñorãirõhára kuéra
ha che mongora,
ndakyhyjéi chéne chugui kuéra.
Ondyry ramo jepe che rehe hikuái,
nda che py'a tarovái chéne.
4 Peteĩ mba'énte Ñandejárape ajerure,
peteĩ mba'énte aipota.
Tupaópe aikose aikove aja pukukue,
hese ajepy'a mongeta haguã,
ha'e che mbopy'a rory haguã,
chupe amomba'e guasu haguã.
5 Ágã ou vove ára ajejopy vaiha,
Ñandejára che moguahẽne tupaópe,
ha iguýpe añemo'ãne.
Yvate che rupíne ani haguã mba'eve ojehu chéve.
6 Upévo amopu'ãne che akã
umi che rayhu'ỹva ári.
Tupaópe vy'ápe aikuave'ẽne Ñandejárape,
ha chupe apurahéi ha amomba'e guasúne.
7 Ndéve niko añembo'e Ñandejára,
che poriahurereko kena ha che rendu.
8 Che py'a pýpe aikuaa ereha:
“Peju che rendápe.”
Ne rendápe niko aguahẽ Ñandejára.
9 Ani rekañy che hegui.
Ani nde pochy che ndive.
Nde añónte niko upe che pytyvõva.
Ani che reja reítei,
nde niko che Jára
ha jejopy vaígui che pe'áva.
10 Che ru ha che sy
che reja ramo tyre'ỹ,
nde, Ñandejára, che rupíta
ne mba'e ramo.
11 Ñandejára,
eikuaauka chéve nde rape
ha tape porã rehe che sãmbyhy,
cháke oĩ che rayhu'ỹva.
12 Ani rehejátei ha'a ipópe kuéra,
cháke opu'ãmbáma
ha oñe'ẽ rei che rehe.
Che jukase hikuái.
13 Aikuaa Ñandejára
imba'e porãtaha che ndive
aikove aja pukukue.
14 Pejerovia Ñandejára rehe.
Pende py'a guasúke ha ani pene ate'ỹ.
Añetehápe ha'e peẽme,
pejerovia Ñandejára rehe.
SALMO 27 (26)
El Señor es mi luz y mi salvación
1a (1a) De David.
1 1 (1b) El Señor es mi luz y mi salvación,
¿de quién podría tener miedo?
El Señor defiende mi vida,
¿a quién habría de temer?
2 Los malvados, mis enemigos,
se juntan para atacarme y destruirme;
pero ellos son los que tropiezan y caen.
3 Aunque un ejército me rodee,
mi corazón no tendrá miedo;
aunque se preparen para atacarme,
yo permaneceré tranquilo.
4 Solo una cosa he pedido al Señor,
solo una cosa deseo:
estar en el templo del Señor
todos los días de mi vida,
para adorarlo en su templo
y contemplar su hermosura.
5 Cuando lleguen los días malos,
el Señor me dará abrigo en su templo;
bajo su sombra me protegerá,
¡me pondrá a salvo sobre una roca!
6 Entonces podré levantar la cabeza
por encima de mis enemigos;
entonces podré ofrecer sacrificios en el templo,
y gritar de alegría, y cantar himnos al Señor.
7 A ti clamo, Señor: ¡escúchame!
Ten compasión de mí, ¡respóndeme!
8 El corazón me dice:
«Busca la presencia del Señor.»
Y yo, Señor, busco tu presencia.
9 ¡No te escondas de mí!
¡No me rechaces con ira!
¡Mi única ayuda eres tú!
No me dejes solo y sin amparo,
pues tú eres mi Dios y salvador.
10 Aunque mi padre y mi madre me abandonen,
tú, Señor, te harás cargo de mí.
11 Muéstrame, Señor, tu camino;
guíame por el buen sendero
a causa de mis enemigos;
12 no me entregues a su voluntad,
pues se han levantado contra mí
testigos falsos y violentos.
13 Pero yo estoy convencido
de que habré de ver la bondad del Señor
a lo largo de esta vida.
14 ¡Ten confianza en el Señor!
¡Ten valor, no te desanimes!
¡Sí, ten confianza en el Señor!
