Mombyrygua ñembyasy
1 Babilonia ysyry rembe'y rupi
roguapýva rojahe'o,
Sión rehe ore mandu'ávo.
2 Sáuse rakãre
ysyry rembe'y rupi opu'ãva,
romosãingómiva ore mbaraka.
3 Upépe umi iñapytĩmby
ore reraha vaekue
ojerure oréve ropurahéi haguã.
Umi ipy guýpe ore jopýva
ojerure oréve
rombovy'a haguã
chupe kuéra, he'ívo:
“Pepurahéi oréve
purahéi Sión rehegua.”
4 Mba'éicha piko aipo ropurahéita,
purahéi Tupãme guarãva
tetã ambuépe?
5 Nde hegui che resaráirõ Jerusalén
taijapa che po.
6 Che kũ toja che apekũre
na che mandu'ái ramo nde rehe,
namoĩri ramo Jerusalén tenondete
opa umi mba'e che mbovy'ávagui.
7 Ore Jára,
ne mandu'áke umi edomíta kuérare.
Upe Jerusalén ho'aha árape
he'i vaekue hikuái hese:
“Peitypáke. Peitypaitéke.
Amo imáta peve.”
8 Nde Babilonia.
Nde hína táva rundiha.
Ovy'a vaerã upe ojapóva nde rehe
upe nde rejapo haguéicha ore rehe.
9 Ovy'a vaerã
umi ne mitã nguéra ohupíva,
ha oipetéva itáre.
SALMO 137 (136)
Junto a los ríos de Babilonia
1 Sentados junto a los ríos de Babilonia,
llorábamos al acordarnos de Sión.
2 En los álamos que hay en la ciudad
colgábamos nuestras arpas.
3 Allí, los que nos habían llevado cautivos,
los que todo nos lo habían arrebatado,
nos pedían que cantáramos con alegría;
¡que les cantáramos canciones de Sión!
4 ¿Cantar nosotros canciones del Señor
en tierra extraña?
5 Jerusalén, si llego a olvidarte,
¡que se me seque la mano derecha!
6 ¡Que se me pegue la lengua al paladar
si no me acuerdo de ti,
si no te pongo, Jerusalén,
por encima de mi propia alegría!
7 Señor, acuérdate de los edomitas,
que cuando Jerusalén cayó, decían:
«¡Destrúyanla, destrúyanla hasta sus cimientos!»
8 ¡Tú, Babilonia, serás destruida!
¡Feliz el que te dé tu merecido
por lo que nos hiciste!
9 ¡Feliz el que agarre a tus niños
y los estrelle contra las rocas!
