Tupã eju che pytyvõ
(Salmo 40.13-17)1 David ojapo vaekue, ñane mandu'a haguã.
2 Tupã, eju che pytyvõ.
Che Jára,
pya'e eju che renohẽ jejopy vaígui.
3 Tojepukapa ha toñeñembohory
umi che jukasévare.
Tĩndyhápe tokañy
umi chéve che rundiséva.
4 Ñemotĩme tokañy
umi che rehe oñembohorýva.
5 Umi ne momba'éva katu tovy'a,
akóinte te'i umi nde rehe ojekóva:
“Ajépa imba'e porãite Ñandejára”
6 Che katu
che mboriahu ha vaípe ajejuhu.
Tupã, pya'e eju che pytyvõ.
Nde hína upe che pytyvõva
ha che nohẽva ajejopy vaihágui.
Ñandejára, anítei eñeha'arõuka.
© © Guarani DC Bible © Sociedad Bíblica Paraguaya, 1996.