Iporã ite jaiko porãmba ramo oñondive
1 Ajépa iporã ite
ha mba'e ñane mbohorýva
jahecha ramo umi Tupãre ojeroviáva
oiko porãmba ramo oñondive.
2 Ha'ete ku mba'e ryakuã porã
oñeñohẽva Aarón akãre,
ha hendyváre osyrýva
ijao rembe peve.
3 Ha'ete ku ysapy
yvyty Hermón pegua
ho'a ramo guáicha
yvyty Sión ári.
Upépe Ñandejára oporohovasa
ome'ẽvo jeikove puku.
© © Guarani DC Bible © Sociedad Bíblica Paraguaya, 1996.