Ñandejára ñande rovasa
1 Revy'a vaerã
Ñandejára rehe rejerovia ramo,
ha reiko ramo ha'e oipotaháicha.
2 Nde ry'ái repykuégui rekarúne,
revy'áne,
ha opa mba'épe resẽ porãne.
3 Nde róga pýpe
ne rembireko ojoguáta
ku parral hi'a hetávape.
Ne mesa jerére katu
nde ra'y ha nde rajy kuéra
ojoguáta umi yvyra roky pyahúpe.
4 Kóicha ojehovasáta
upe Ñandejára rehe ojeroviáva.
5 Ñandejára ta nde rovasa Sión guive
reikove aja pukukue.
Reikovéta rehecha haguã
mba'éichapa Jerusalén opu'ã,
6 ha reikovéta rehecha haguã
nde ra'y ra'yrépe.
Py'a guapy toĩ Israélpe.
© © Guarani DC Bible © Sociedad Bíblica Paraguaya, 1996.