Ñandejára ñane renohẽ jejopy vaígui
1 Opa Israelgua te'i:
“Ñandejára
noñemoĩri rire ñande ykére,
2 Ñandejára
noñemoĩri rire ñande ykére,
yvypóra kuéra
opu'ã ramo guare
ondyry ñande rehe,
3 ipochy hendy haguére ñane ndive hikuái,
ñande pyraite
ñane mokõ vaerã mo'ã.
4 Y ñande aho'ipa vaerã mo'ã,
ysyry ñande reraha vaerã mo'ã,
5 y pochy ñane moñapymi vaerã mo'ã.
6 Toñemomba'e guasu Ñandejára
ndohejáigui ja'a hãinguápe.
7 Ku guyráicha ojehekýiva ñuhãgui,
upéicha avei niko ñande.
Upe ñuhã opẽ
ha ñande ñasẽ javeve jaha.
8 Upe ñane pytyvõva niko Ñandejára,
yvága ha yvy apohare.”
© © Guarani DC Bible © Sociedad Bíblica Paraguaya, 1996.