Ñandejára ñande apohare
1 Toguerohory ko yvy Ñandejárape.
2 Pejapo vy'a pópe chupe hembipota,
peguahẽ hendápe sapukái rorýpe.
3 Peikuaa porãke:
Ñandejára hína Tupã.
Ha'e ñande apohare
ha ñande imba'e,
hetãgua ha ovecha iñu megua.
4 Peike hokẽ nguéra rupi
pemboaguijévo chupe,
ha hóga guýpe purahéi reheve.
Pemboaguije chupe
ha héra perohory,
5 Ñandejára imba'e porãgui.
Imborayhu ndaijapýrai,
ha heko jeroviaha opa árape guarã.
© © Guarani DC Bible © Sociedad Bíblica Paraguaya, 1996.