Agmeneykmássesek Wesse' egegkok yetlo ekpayheykekxa egwáxok
1 Kólxegma',
agmeneykmássesek
Wesse' egegkok yetlo
ekpayheykekxa egwáxok;
agmeneykmássesek ma'a
sentaqmelchesso nak negko'o,
tén han Segwagkasso teyp.
2 Ólmeyekxak aphakxa
yetlo negmésso
ekxeyenma egwáxok,
agmeneykmássesek
negmeneykmasso.
3 Hakte
Wesse' egegkok
apteme Dios
apwányam apagko',
apteme Wesse' apwányam
neyseksa m'a ekyókxoho
aqsok ekha nak élmowancha'a.
4 Apkeláneykha
nahan ma'a kañók
agko' nak xapop;
apagkok ma'a egkexe
élwenaqte agko' nak.
5 Apagkok han ma'a
wátsam ekwányam,
hakte apkelane axta m'a;
¡apkelane apagko'
axta m'a xapop!
6 Kólxegma',
óltekxeyagkok
entapnák ólpeykesho';
óltekxeyagkok
entapnák nápaqto'
Wesse' egegkok,
hakte senlane
axta negko'o m'a.
7 Cham'a Dios
egagkok negko'o m'a,
keñe negko'o nenteme
énxet'ák apagkok;
nenteme nahan
nepkések néleñama m'a
yókxexma apagkok nak.
Kóleyxho sakhem
aptáhakxa nak apkeláneya:
8 “Nágkólyennaqtés
aqsa kélwáxok,
kéltéma axta m'a Meribá;
kéltéma axta kélweykmo m'a Masá,
yókxexma meykexa nak énxet,
9 sépkeynma axta ko'o m'a
kélyapmeyk nano' axta,
neyseksa apkelwete
aqsok sélane.
10 Cuarenta apyeyam
axta ko'o weykmok
séltaqnawéyak xa
énxet'ák nak,
axta ektemék se'e:
‘Apkelyetnakhágweykmek
apagko' se'e énxet'ák nak;
¡melyeheykekxak ma'a
séltémókxa axta etnahagkok!’
11 Axta keñamak
ko'o sekxeyenma
naqso' yetlo seklo
peya melántexek
ma'a sekmáheyókxa
nak allókassesek
apkelyampe énxet'ák.”
© © Enxet Lengua Sur Bible © Paraguayan Bible Society, 2015.