Wesse' egegkok apteme Wesse' Apwányam
1 ¡Wesse' egegkok apteme
Wesse' Apwányam!
Apcháhakkásamákpek
Wesse' egegkok
ma'a apkelyenma,
aptémól'a nentaxno,
apwakhésamakpek
ma'a apmopwána
ektémól'a nentétamáxche'!
Apyennaqtéssamók
appekkenma nélwanmeygkaxa m'a,
yaqwayam enxoho
megkayawheykha.
2 Wesse',
nanók agko' xép
apteme wesse' apwányam,
eyeynamo m'a sekxók axta,
¡Memassegwomek xép!
3 Oh Wesse',
kapáwak chá'a
awáxok ma'a wátsam,
kalnextog han chá'a
élyawe agko' ma'a
élyaqyahayam;
4 Wesse',
apha nak néten,
apyeykhásseykmók eyke
exchep apyennaqte m'a
yegmen élyaqyahayam nak,
tén han ma'a ekpáwà
awáxok nak wátsam élyawe.
5 Oh Wesse',
payhawok kóláwhok chá'a
m'a segánamakxa apagkok.
¡Aptémakxa appagkanamap
chá'a katnéssesek
aptaqmalma apagko' ma'a
tegma appagkanamap apagkok nak!
© © Enxet Lengua Sur Bible © Paraguayan Bible Society, 2015.