Dios apteme segyekpelchémo meyke ekhémo
1 Apkempákxeyk néten Dios
nepyeseksa apkeláneykha,
ekha nak apkelmopwancha'a,
cham'a apchaqneykekxexa nak chá'a,
apxénchek axta chá'a yaqwánxa
kólteméssesek naqta'awók
ma'a aqsok kéláyókxa':
2 “¿Háxko sa'
ekwánxa katnégwók
néxa megkataqmalma
kélyekpelchémo
chá'a énxet'ák?
¿Háxko ekwánxa
katnégwók néxa
kélpasmo m'a
élmasagcha'a
nak apkeltémakxa?
3 ¡Kóltaqmelchessásekxa
apheykha m'a
apkelyelqamákpoho nak,
tén han ma'a élyéheykha nak!
¡Kóltaqmelchessásekxa
apheykha m'a meyke
nak aqsok apagkok,
tén han ma'a ekhakxa
nak chá'a aqsok
eyeyméxchexa aphágkaxa'!
4 ¡Kólpásem ma'a
apkelyelqamákpoho nak,
tén han meyke
nak aqsok apagkok,
kólmeyow neyseksa
apmáheyo elmok
ma'a élmasagcha'a
nak apkeltémakxa!
5 “Makke kólya'ásegkok kéxegke,
megkólyekpelcheyk nahan;
kélweynchámeykha aqsa
ekyáqtésakxa exma.
Yawheykha m'a
awhak nak xapop.
6 Ekxénchek ko'o
kéxegke kélteme dios'ák;
kélyókxoho kélteme
Dios Meyke Ekhémo apketchek.
7 Kóletsapok sa' eyke
ektéma nak chá'a m'a
apyókxoho énxet'ák,
¡kóletsapok sa',
ektéma nak chá'a m'a
apyókxoho apkelwesse'e!”
8 ¡Oh Dios,
elyekpelchágwata
énxet'ák keso náxop,
hakte xép apteme
apagkok ekyókxoho
apkelókxa nak
keso náxop!
© © Enxet Lengua Sur Bible © Paraguayan Bible Society, 2015.