Wesse' hepásegwata' heykxe'
(Sal 40.13-17)1 Dios ahagkok,
¡hewagkasseta teyp!
Wesse',
¡exegma heykxe hepásegwata'!
2 ¡Elasmésakpohok apagko'
sa' ma'a apmáheyo
nak chá'a heyaqhek!
¡Yenyahagkok sa'
apkelmegqakto m'a
apmáheyo nak chá'a
hetnéssessamhok exma ekmaso!
3 ¡Yenyahagkok sa'
apkelmegqakto m'a
seyesmésso nak chá'a ko'o!
4 Kalpayhekxohok agko'
sa' eyke chá'a apkelwáxok
apyókxoho m'a apketamso
nak chá'a exchep,
sa' etnehek chá'a elpaqmétek
apkelmopmenyého nak chá'a
nélwagkásamáxche teyp
apagkok se'e:
“¡Apwányam apagko' ma'a Dios!”
5 Ko'o eyke,
hey'óta heykxa',
hepásegwata',
Dios ahagkok,
sektáha nak sekmayósa,
tén han ekmaso sekha.
Xép chá'a apteme sepasmo,
tén han sewagkasso teyp;
¡Wesse', epekhésa hepásegwata'!
© © Enxet Lengua Sur Bible © Paraguayan Bible Society, 2015.