¡Apyókxoho énxet'ák sa' elteméssesek apcheymákpoho!
1 Hẽláhapmakha sa'
negko'o Wesse' egegkok,
hempasmok sa' nahan,
kataqmalmakha sa'
apwáxok henlano',
2 yaqwayam sa'
elya'ásegwók
apyókxoho énxet'ák
apheykha nak keso náxop,
cham'a apmopmenyého nak,
tén han ektémakxa nak
segwagkasso teyp.
3 Oh Dios,
elpeykeshok sa'
xép énxet'ák;
¡elpeykeshok sa'
apyókxoho énxet'ák!
4 Elwónchesek sa'
elátsaha m'a apyókxoho
pók aptémakxa nak énxet'ák,
hakte apkelyekpelchémok
chá'a exchep énxet'ák
yetlo ekpéwomo aptémakxa;
¡apkeláneykha exchep
ma'a pók aptémakxa nak
énxet'ák keso náxop!
5 Oh Dios,
elpeykeshok sa'
xép énxet'ák;
¡elpeykeshok sa'
apyókxoho énxet'ák!
6 Keyxnések chá'a aqsok
kélcheneykekxa m'a xapop;
¡empasmomchek
ma'a Dios egagkok!
7 ¡Dios sa' hempasmok!
¡Kóláwhok sa' chá'a
ekyókxoho apkelókxa
keso náxop!
© © Enxet Lengua Sur Bible © Paraguayan Bible Society, 2015.