Dios appeykessáseykekxa apwáxok énxet
1 ¡Dios ahagkok, xép
apteme Dios ahagkok!
Étámawók ahagko'
ko'o exchep,
hakte émenyeyk
ko'o exchep;
amenyeyk xép ewáxok,
ektémól'a xapop
ekyamaye meykel'a yegmen.
2 ¡Émenyeyk ko'o alanok ma'a
tegma appagkanamap apagkok,
tén han ótak ma'a apmopwána,
tén han apcheymákpoho,
3 hakte tásók agkók
ma'a segásekhayo nak,
megkaxnawok ma'a
negyennaqte nak!
Alteméssesek sa'
apcheymákpoho.
4 Axénmakha sa'
chá'a ektaqmela
neyseksa sekha makham,
alya'ássesek sa'
chá'a néten emék
sélmaxneya enxoho chá'a.
5 Kapayhekxohok agko'
sa' chá'a ewáxok,
ektémól'a antók ma'a
nento élmátsa élánamáxche
nak ektámáxche ekyawe,
alpeykeshok sa' chá'a
yetlo ekpayheykekxa ewáxok.
6 Ekyetneyk agkok chá'a axta'a,
kaxének chá'a ewáxok xép;
7 hakte xép apteme chá'a sepasmo.
¡Kapayhekxak chá'a ewáxok
anneykmaksek kóneg apxempenák!
8 Yepetcheyak ko'o
exchep sekyókxa;
meheyenyeykekxak
semeykegko apmek
apkelya'assamakxa.
9 Epallamok sa'
kañók agko'
takhaxpop ma'a
apmáheyo nak
chá'a ko'o heyaqhek;
10 ¡sókwenaqte sa'
kólyetxeygkok etekyók,
katawagkok sa' ma'a
aqsok nawha'ák éllo!
11 Kapayhekxak
sa' eyke apwáxok
wesse' apwányam eñama
apmallahanchesso m'a Dios;
apyókxoho énxet'ák
sa' elmeneykmaksek,
cham'a apkeltennasso axta
elanaksek aqsok ma'a Dios,
keñe sa' ma'a
apkelyexancháseykha nak chá'a,
kóláhakkasagkok chá'a apatña'ák.
© © Enxet Lengua Sur Bible © Paraguayan Bible Society, 2015.