Nélmaxnagko néltémo hempasmok Dios
1 ¡Dios ahagkok,
hewagkas ko'o teyp,
eñama apwesey nak!
¡Hemyow ko'o
yetlo apmopwána!
2 Dios ahagkok,
yeyxho sélmaxnagko;
etaqmelchesho
apháxenmo sekpeywa,
3 hakte énmexmeyk
ko'o m'a énxet'ák
éleymáxkoho nak apkelwáxok,
tén han apkelyennaqteyáseykha
nak apyempe'ék,
apmáheyok heyaqhek.
¡Megkalxeyenmak
apkelwáxok ma'a Dios!
4 Epasmeyk eyke
ko'o m'a Dios;
emyókek ma'a
Wesse' egegkok.
5-6 Sa' yána kápekxak
apkeltémakxa ekmaso
apagkok apagko'
nak sélenmexma.
¡Wesse',
emasséssem,
hakte xép apteme
mehenyenyaweykha!
Agkések sa' ko'o
exchep aqsok seyaqhe
ekxeyenma agko' nak
ewáxok agkések,
alteméssesek sa'
eyeymáxkoho apwesey,
hakte tásek xép apwáxok,
7 hakte emallanchessegkek
ma'a ekyókxoho ekmaso sekha,
ekwet'ak apmenxenákpo
m'a sélenmexma.
© © Enxet Lengua Sur Bible © Paraguayan Bible Society, 2015.