Énxet ekmasógwayam aptémakxa
(Sal 14)1 Yának chá'a méko Dios
ma'a élyeyháxma nak:
apyókxoho apnaqtawásamakpok,
apkeláneykegkek ma'a aqsok
élmasagcha'a agko' nak;
¡méko xama enxoho
apkelane aqsok ektaqmela!
2 Apkeláneykha
Dios énxet'ák ma'a
aphamakxa nak néten,
yaqwayam étak chá'a
xama énxet yetneyk
kexa apya'áseyak,
énxet apketamso
nak chá'a Dios.
3 Apyókxoho eyke
apkelyetnakhágweykmok
ma'a ámay ekmámnaqsoho nak,
apyókxoho apnaqtawásamakpok.
¡Méko kaxwo' xama enxoho
apkelane aqsok ektaqmela!
¡Méko m'a xama enxoho!
4 Méko apkelya'áseyak
ma'a élmasagcha'a
nak apkeltémakxa,
apnaqtawáseykegkoho
nak chá'a énxet'ák ahagkok,
énxet'ák melwóneykha nak
chá'a apwesey Dios.
5 Elpexyennók sa' apkelaye,
melyegwaktamakxoho,
hakte yexpánchesek
sa' apexchakkok Dios
ma'a apkelenmexma.
Elmegqágwakxohok sa',
hakte eltaqheksohok
sa' ma'a Dios.
6 ¡Émenye nak la'a ko'o
kawak apkelwagkásamap
teyp énxet'ák Israel,
eñama m'a egkexe Sión!
Aptaqmelchessásekxeyk sa'
agkok makham apheykha
énxet'ák apagkok ma'a Dios,
kalpayhekxak sa' apkelwáxok
Jacob aptawán'ák neptámen,
cham'a apyókxoho nak énxet'ák Israel.
© © Enxet Lengua Sur Bible © Paraguayan Bible Society, 2015.