Wesse' egegkok nélmaxnagko néltémo hempasmok
1 Wesse',
apxámok apagko'
ko'o sélenmexma,
apxámok apagko' ma'a
sénmexeykha nak ko'o,
2 ¡apxámok apagko' énxet'ák
apteme nak chá'a
ko'o sexeyenma s'e:
“Mewagkasek teyp Dios!”
3 Wesse',
xép eyke apteme
seyáhakkásamáxche',
xép segkésso m'a
seyeymáxkoho nak,
xép segkésso m'a
sekwasqápeykekxoho nak.
4 Magweyságkohok ko'o
sekwóneyncha'a
Wesse' egegkok
séltamho hepasmok,
tén seyátegmowágko m'a
ekpayhókxa nak egkexe
apagkok ektaqmalma.
5 Eytek chá'a ko'o atyenek,
axatakhak han chá'a,
hakte Wesse' egegkok
chá'a hepasmok.
6 Mehegwakkásak ko'o xa
sẽlpextétamo apxámokma nak,
sewakha'a nak ko'o
apmako hektámegma'.
7 ¡Wesse',
yempekxa néten!
¡Dios ahagkok,
hewagkas ko'o teyp!
Xép sa' eltekpogkasseták
nápaqta'a m'a énxet'ák
sélenmexma nak ko'o;
¡xép sa' elekkexchesseták
apma'ák ma'a énxet'ák
élmasagcha'a nak apkeltémakxa!
8 Wesse', xép apteme
segwagkasso teyp,
¡Elmés sa' ektaqmalma
apheykha m'a énxet'ák
apagkok nak xép!
© © Enxet Lengua Sur Bible © Paraguayan Bible Society, 2015.