Wesse' apwányam apteme apcheymákpoho
1 Wesse' egegkok
apagkok keso
nélwanmeygkaxa,
tén han ma'a
ekyókxoho aqsok
ekhéyak nak awáxok,
tén han ma'a
ekyókxoho élleykha nak.
2 Hakte Wesse' egegkok
axta appekkenma awhak xapop,
tén han appekkenma m'a
néten nak wátsam élyawe
tén han ma'a wátsam.
3 ¿Yaqsa awanchek
kántek ma'a
Wesse' egegkok
egkexe apagkok nak?
¿Yaqsa awanchek
katnegwók ma'a kañe'
tegma appagkanamap
apagkok aptaqmalma nak?
4 Wánxa m'a megkalane
nak aqsok ekmaso,
eyáxñeyo nak awáxok,
meyke nak megkay'assáxma,
megkalpeykessamo
nak kéleykmássesso,
megkaxeyenma nak
kalának aqsok
ekmowána amya'a.
5 Egkések sa'
ektaqmalma apha m'a
Dios Wesse' apagkok
apwagkasso nak teyp,
exének sa' apteme
ekpéwomo aptémakxa.
6 Cháxa eyéméxko
nak etnahagkok
ma'a apketamso nak
chá'a Wesse' egegkok,
apkelye'eykekxa nak
chá'a m'a Jacob
nak Dios apagkok.
7 ¡Kólmeykesák
nanók atña'ák nak!
¡Kólmeykesagkoho agko' sa',
keñe sa' etxek ma'a
Wesse' Apwányam
apcheymákpoho nak!
8 ¿Yaqsa xa
Wesse' apwányam
apcheymákpoho nak?
¡Neykhe m'a
Wesse' egegkok
apyennaqte nak,
megyeye nak apmonye'!
¡Neykhe m'a
Wesse' egegkok
apyennaqte nak
kempakhakma!
9 ¡Kólmeykesák
nanók atña'ák nak!
¡Kólmeykesagkoho agko' sa',
keñe sa' etxek ma'a
Wesse' Apwányam
apcheymákpoho nak!
10 ¿Yaqsa xa
Wesse' apwányam
apcheymákpoho nak?
¡Neykhe m'a
Wesse' egegkok
meyke nak ekhémo!
¡Cháxa Wesse' apwányam
apcheymákpoho xa!
© © Enxet Lengua Sur Bible © Paraguayan Bible Society, 2015.